Biblia Todo Logo
Bib sou entènèt

- Piblisite -




Esaya 21:2 - Xitsonga (Bibele)

2 Ndzi kombiwile leswi chavisaka ngopfu: Muxanisi u tirha hi ku xanisa ka yena, muphangi wa phanga! Tlhandluka Elamu! Rhendzela, wee Mediya! Ndzi herisa ku konya hinkwako!

Gade chapit la Kopi

BIBELE Mahungu Lamanene

2 Xikwembu xi ndzi tivisile swilo swo chavisa hi xivono, xi ku: “Vanhu lava va tihanyi va ha endla swa tihanyi ni sweswi, vadlayi na vona va ha dlaya; hikokwalaho, va tlhandlukeleni n'wina va le Elamu, n'wina Vameda, yanani mi ya va rhendzela; mintirho ya vona hinkwayo ya tihanyi, ndzi lava ku yi herisa.”

Gade chapit la Kopi




Esaya 21:2
44 Referans Kwoze  

Rito ra Yehovha ri tshama ri ta eka muprofeta Yeremiya hikwalaho ka Elamu, eku sunguleni ka ku fuma ka Sedekiyasi, hosi ya Yuda, ri ku:


U ni khombo wena muonhi la nga siki onhiwaka! Wena muyivi, ku nga siki yiviwaka swa wena! Kutakuloko u hetile ku onha, u ta onhiwa, loko u hetile ku yiva, ku ta yiviwa swa wena.


Emakun'wini ya misava hi twile tinsimu leti nge: ‘Ku kwetsima eka mululami!’ ” Kambe mina ndzi ku: “Ndzi lovile, ndzi lovile! Ndzi ni khombo! Vaxengi va xenga, vaxengi va xenga ni ku xenga.”


U kombisile tiko ra wena swilo leswo nonon'hwa; U hi nwise vhinyo leyi pyopyisaka.


Loyi a yisaka van'wana evukhumbini, u ta ya evukhumbini; loyi a dlayaka hi tlhari, na yena u ta fanela ku dlawa hi tlhari, Hilaha ku nga vonakalaka ku tiyisela ni ku pfumela ka vakwetsimi.


Parisini (ku avanyisiwa): Vuhosi bya wena byi avanyisiwile, byi nyikiwile Vameda ni Vaperesi.”


“Khuna rolero u ri voneke ri ri ni timhondzo timbirhi, i tihosi ta Vameda ni Vaperesi,


“Ku biha hinkwako ka vona a ku humelele emahlweni ka wena, Kutani u va endla hilaha u nga ndzi endla hakona Hikwalaho ka ku homboloka ka mina! Hikuva ku hefemuteka ka mina kukulu, kutani mbilu ya mina ya vava.”


Loko ngi Babilona a nga titlakusa etilweni, a va a nonon'hwisa khokholo leri tlakukeke ra yena, vaonhi lava humaka eka mina va ta n'wi kuma, ku vula Yehovha.


Ndzi ta holovela Bele eka Babilona; kutani ndzi ta humesa enon'wini wa yena lexi a xi miteke; matiko a ma nga ha hlengeletani kona; na rona rirhangu ra Babilona ri mbundzukile!


Vangamisani miseve, mi tamela switlhangu. Yehovha u pfuxile moya wa tihosi ta Vameda, hikuva u kanelela Babilona ku n'wi onha; hikuva hi kona ku rihisa ka Yehovha, ku ri ku rihisela tempele ya yena.


Kambe mukutsuri wa vona u ni matimba, Yehovha wa tinyimpi i vito ra yena. Kunene, u ta va avanyisela ku nyika tiko ku wisa, kutani a pfilunganya vaaki va Babilona.


“Yimani emahlweni ka Babilona hi nyimpi, mi n'wi rhendzela, hi n'wina lava copaka hi vurha: copani, mi nga tsoneni miseve, hikuva u dyohele Yehovha!


U te: ‘Yo mina! Hikuva Yehovha u ndzi engeterile ku vaviseka hi nhlomulo. Ndzi tikarhata hi ku konya, kambe a ndzi kumi ku wisa.’


Hikuva ndzi ta horisa moya lowu nga ni torha, ni moya wun'wana ni wun'wana lowu tsaneke, ndzi wu xurhisa.”


“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.


Ndzi karihele tiko ra mina, ndzi va ndzi sandza ndzhaka ya mina, kutani ndzi va nyiketa emavokweni ya wena. A ku va tsetselelanga; u tikisile joko ra wena hi ku nonon'hwa ehenhla ka swikoxa.


Lava kutsuriweke hi Yehovha va ta tlhela va ya Siyoni hi tinsimu ta ku tsaka, va vehele etinhlokweni ku tsaka loku nga heriki; ku kateka ni ku tsaka swi ta va hlanganisa, ku vaviseka ni nhlomulo wa mbilu swi ta baleka.


Elamu u tamele gadzi, ku humelela tigolonyi leti teleke tinhenha, ni vakhandziyi va tihanci; Kiri u hlomile switlhangu.


Ku twisisa ku veleka tintswalo, Kambe ndlela ya mbabva ya nonon'hwa.


Ku talelwa ka mbilu ya vakhomiwa a ku fike emahlweni ka wena, U hlayisa lava averiweke ku fa, hi matimba ya voko ra wena!


“Hikwalaho ka khombo ra swisiwana ni ku rila ka vapfumari, Ndzi ta pfuka sweswi,” ku vula Yehovha; “Ndzi ta ponisa lava xanisiwaka.”


Yehovha a a ve muavanyisi exikarhi ka mina na wena; Yehovha kambe a ndzi rihisela eka wena; ntsena voko ra mina ri nga ka ri nga vi ehenhla ka wena.


Hi lembe ra ntlhanu na mune ra Hoxeya, hosi ya Asiriya yi teka Samariya, yi fambisa Vaisraele etikweni ra Asiriya, kutani yi va akisa eHala, ni le henhla ka Habori, nambu wa Gozana, ni le mitini ya Vameda.


Hinkwavo lava ku tshembaka va nga ka va nga khomiwi hi tingana. Tingana i ta lava endlaka swo biha ha vomu ntsena.


Ndzi vavisiwa hi lava nga tshembekiki, Hikuva a va hlayisi rito ra wena.


Kavaloko hosi Belxatsara a pfulungana ngopfu, mombo wa yena wu hundzuka, ni tihosana ta yena ti tsemeka nhlana.


Vana va Xeme: Elamu, Axuru, Aripakixada, Ludu, Aramu.


Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.


mi ta tidzunisa ehenhla ka hosi ya Babilona hi risimu, mi ku:


Misava hinkwayo yi wisile, yi rhula, va endla huwa ya ku tsaka;


ni tihosi hinkwato ta Zimri, ni tihosi hinkwato ta Elamu, ni tihosi hinkwato ta Mediya;


“Ku vula Yehovha wa tinyimpi, vona, ndzi ta tshova vurha bya Elamu, matimba manene ya vona.


Kuteloko ndzi languta, swi va tanihi loko ndzi ri eXuxani, emutini wa le hosini wa tiko ra Elamu; ndzi vona xivono ndzi tshamile eribuwini ra nambu wa Ulayi.


Swiv nou:

Piblisite


Piblisite