Esaya 21:10 - Xitsonga (Bibele)

¹⁰ Oho! Tiko ranga leri huriweke tanihi koro exivuyeni! Leswi ndzi swi tweke eka Yehovha wa tinyimpi, Xikwembu xa Israele, ndzi swi vurile eka n'wina.

BIBELE Mahungu Lamanene

¹⁰ Vaisraele va ka hina, n'wina mi biweke ku fana ni koroni exivuyeni, ndzi mi tivisa leswi ndzi byeriweke swona hi HOSI ya matimba hinkwawo, Xikwembu xa Israele.

Esaya 21:10 Referans Kwoze

Yeremiya 51:33

Hikuva Yehovha wa tinyimpi, Xikwembu xa Israele u te: N'wana wa Babilona u kota xivuya hi nkarhi lowo va kandzelaka eka xona; ku sele nkarhi wu nga ri wungani ku ta va nkarhi wa ku tshovela ka yena.”

Mikiya 4:13

Pfuka u hula, n'wana Siyoni, hikuva ndzi ta ku endlela rimhondzo ra nsimbhi, ni min'wala ya koporo, u ta fayetela matiko layo tala; ndzi ta hlawulela Yehovha rifuwo ra wona, ni vukosi bya wona, ndzi hlawulela hosi ya misava hinkwayo.

Matewu 3:12

Rihlelo ra yena ri le vokweni ra yena, kutani u ta kukula swinenenene xivuya xa yena, u ta hlengeleta mavele ya yena enguleni, mungu, wona, u ta wu hisa endzilweni lowu nga timekiki.”

2 TIHOSI 13:7

Hikuva Yehovha a a siyele Yowahazi nyimpi ya ntlhanu wa makume wa vakhandziyi va tihanci ntsena, ni tigolonyi ta khume, ni vavanuna lava fambaka hi milenge va 10 000; hikuva hosi ya Siriya a yi herisile Vaisraele, yi va endlile kukotisa ntshuri lowu kandziyeriwaka.

Habakuku 3:12

U handzula tiko hi ku kariha, u kandziyela tiko hi vukari.

1 TIHOSI 22:14

Mikaya a hlamula, a ku: “Yehovha wa hanya, lexi Yehovha a nga ta ndzi byela xona, ndzi ta xi vula.”

Ezekiele 40:4

Kutani wanuna yeloyi a ku eka mina: “N'wana wa munhu, languta hi mahlo ya wena, u yingisela hi tindleve ta wena, u xiya hinkwaswo leswi ndzi nga ta ku byela swona; hikuva loko u tisiwile haleno, hileswaku ndzi ku komba swona, u ta byela yindlu ya Israele hinkwaswo leswi u swi voneke.”

Esaya 28:28

Koro ya huriwa, kambe a ku tluriwi mpimo wa ku yi hula ni ku yi kandziya hi mavhilwa ya xigirigiri, masondzo ya tihanci ma nga yi fayi.

Yeremiya 23:28

Muprofeta la nga ni norho, a a vulavule norho; la nga ni rito ra mina, a a vulavule rito ra mina swinene. Mungu wu endla yini exikarhi ka koro xana, ku vula Yehovha?

Amosi 3:8

Nghala ya vuvula: la nga taka a nga chavi i mani? Yehovha, Xikwembu, wa vulavula: loyi a nga taka a nga profeti i mani xana?”