Esaya 20:1 - Xitsonga (Bibele)

¹ Hi lembe leri Tartani a nga rhumiwa hi Sargoni, hosi ya Asiriya, a wela eAxidodo, a wu rhendzela, a wu teka,

BIBELE Mahungu Lamanene

¹ Lembe rin'wana, Sargoni hosi ya Asiriya a lerisa mufambisi wa mavuthu ku ya hlasela muti wa Axidodo, kutani a fika a wu hlula, a wu teka.

Esaya 20:1 Referans Kwoze

2 TIHOSI 18:17

Hosi ya Asiriya yi rhuma Tartani, na Rhabi-Sarisi, na Rhabi-Xake va suka eLakixi, va ta eka hosi Hezekiya eYerusalema, va ri ni mavandla lamakulu; kutani va tlhandluka, va fika eYerusalema, Kuteloko va fikile va yima ekusuhi ni nkovotlo wa tiva ra le henhla, leri nga endleleni ya nsimu ya vahlantswi.

Amosi 1:8

Ndzi ta herisa lava akeke eAxidodo, ni la tamelaka nhonga ya vuhosi le Axikeloni. Ndzi ta tlhela ndzi tshambuluta voko ra mina ehenhla ka Ekroni, kutani Vafilista lava seleke va ta hela,” ku vula Yehovha Xikwembu.

Yeremiya 25:20

ni lava luveleke hinkwavo, ni tihosi hinkwato ta misava ya Usi, ni tihosi hinkwato ta tiko ra Vafilista, na Axikeloni, na Gaza, na Ekroni, ni lava saleke va Axidodo,

1 SAMIELE 6:17

Hi wona matshumba ya nsuku lama humeseriweke Yehovha hi Vafilista wu va nhlengo wa nandzu: tshumba rin'we ra Axidodo, rin'we ra Gaza, rin'we ra Axikeloni, rin'we ra Gati, rin'we ra Ekroni.

1 SAMIELE 5:1

Vafilista va teka areka ya Xikwembu, va yi susa Ebenezere, va yi yisa eAxidodo.

Yoxuwa 11:22

A ku salanga Vaanaka etikweni ra vana va Israele va sala ntsena eGaza, na Gati na Axidodo.

2 TIKRONIKA 26:6

A huma nyimpi ku ya lwa ni Vafilista, a mbundzuxa rirhangu ra Gati, ni rirhangu ra Yabine, ni rirhangu ra Axidodo; kutani a aka miti etikweni ra Axidodo ni ra Vafilista.

Esaya 14:31

“Wena nyangwa, kolola! Bana huwa, wena muti! Wena tiko hinkwaro ra Vafilista, hela mbilu! Hikuva ku ta huma musi lowu humaka en'walungwini. A ku na la nyengaka emavandleni ya valala!”