Esaya 2:4 - Xitsonga (Bibele)

⁴ Kutani Xikwembu xi ta lamula matiko, xi ta avanyisa matiko layo tala ngopfu. Hi mabanga ya vona va ta fula swikomu, hi matlhari ya vona va ta fula masikeri; tiko ri nga ka ri nga ha lwi ni rin'wana, kutani a ku nga ha dyondzisiwi ku lwa.

BIBELE Mahungu Lamanene

⁴ HOSI Xikwembu xi ta avanyisa timhaka ta matiko, hi xona xi nga ta tsema milandzu ya vanhu lavo tala; kutani va ta fula matlhari ya vona va endla swikomu, va endla ni mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

Esaya 2:4 Referans Kwoze

Mikiya 4:3

Yehovha u ta avanyisa matiko layo tala, a tshinya tinxaka leta matimba ta le kule. Hi mabanga ya vona va ta fula swikomu, hi mafumu ya vona va fula tihwevo, tiko rin'wana a ri nga ha pfukeli rin'wana hi tlhari, a va nga ha dyondzi nyimpi.

Hosiya 2:18

Kambe hi siku lero, ndzi ta va endlela ntwanano ni swiharhi swa nhova, ni tinyanyana ta tilo, ni leswi kokovaka emisaveni, kutani ndzi ta tshova vurha ni tlhari ndzi va ndzi herisa ku lwa emisaveni, kutani ndzi va akisa hi ku rhula.

Zakariya 9:10

Ndzi ta susa tigolonyi exikarhi ka Efrayimi, ni tihanci eka Yerusalema, kutani vurha bya nyimpi byi ta herisiwa. U ta vula ku rhula eka matiko, u ta fuma ku sukela elwandle rin'wana ku yisa elwandle rin'wana, ni ku suka enambyeni ku yisa makumu ya misava.

Esaya 32:18

Kutani tiko ra mina ri ta aka evuakweni byo tsaka, ni le tindlwini leti tshembekaka, ni le tindhawini leti nga ni ku tsaka eku wiseni.

Pisalema 46:9

U herise tinyimpi ku yisa emakun'wini ya misava, U tshovile mavurha, u fayetele matlhari, U hise tigolonyi endzilweni.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Yuwele 3:10

Fulani ma banga hi swikomu swa n'wina; hi mikwana ya n'wina mi fula matlhari! La tsaneke a nge: “Ndzi nhenha!”

1 SAMIELE 2:10

Valala va Yehovha va ta rhurhumela, U ta va balesela hi rihati a ri etilweni. Yehovha u ta avanyisa makumu ya misava; U ta nyika ku fuma eka hosi ya yena, U ta tlakusa rimhondzo ra Muhlawuriwa wa yena.”

Pisalema 82:8

Oho Xikwembu, pfuka u avanyisa misava, Hikuva tinxaka hinkwato ta vanhu i ta wena.

Nhlavutelo 19:11

Kutani ndzi vona tilo ri pfuriwile, kavaloko ku humelela hanci leyo basa, la yi khandziyeke a vitaniwa Mutshembeki ni Wantiyiso; wa avanyisa ni ku lwa hi ku lulama.

Timhaka 17:31

Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

Esaya 9:5

Hikuva ntanghu yin'wana ni yin'wana leyi munhu a yaka enyimpini ha yona, ni nguvu leyi pfulunganeke engatini, swi ta hoxiwa emalangavini swi hisiwa hi ndzilo.

Pisalema 110:6

Yi ta rihisa exikarhi ka matiko: hinkwako ku ta tala mitsumbu. Yi ta faya tinhloko etikweni lerikulu ngopfu,

Pisalema 96:13

Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Esaya 32:17

Ntirho wa ku lulama ku ta va ku rhula, ni mihandzu ya ku lulama, ku wisa ni ku tsaka loku nga heriki.

Esaya 33:22

Hikuva Yehovha i muavanyisi wa hina; Yehovha i mulawuri wa hina; Yehovha i hosi ya hina; u ta hi hlayisa!

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Yuwele 3:12

Vamatiko a va pfuke, a va te enkoveni wa Yoxafati; hikuva kona ndzi ta tshamisa ku avanyisa matiko hinkwawo ya le matlhelweni.

Pisalema 46:10

“Yimani, mi tiva leswaku ndzi Xikwembu; Ndzi tlakukile henhla ka matiko, ndzi tlakukile emisaveni!”

Esaya 42:3

A nga ka a nga tshovi rihlanga leri khinyekeke, a nga ka a nga timi rivoninyana leri nge ketiketi. U ta dyondzisa swo lulama entiyisweni.

Hosiya 2:20

Ndzi ku teka ni le ku tshembekeni, kutani u ta tiva Yehovha.