Esaya 2:11 - Xitsonga (Bibele)

¹¹ Mahlo lama honokeke ya lowa ku fa ma ta tsan'wisiwa, ku tikukumuxa ka tinhenha ku ta tsongahatiwa, kutani Yehovha a ri swakwe u ta tlakusiwa siku rero.

BIBELE Mahungu Lamanene

¹¹ Esikwini ra kona, vanhu va manyunyu va ta tsongahatiwa, lava tidzunisaka va ta nyumisiwa, HOSI Xikwembu hi xona ntsena xi nga ta dzunisiwa.

Esaya 2:11 Referans Kwoze

Pisalema 18:27

Hikuva hi wena la ponisaka lava titsongahataka, Kambe u tsongahata mahlo lama tlakukeke.

Esaya 2:17

Ku kukumuka ka lowa ku fa ku ta tsongahatiwa, ku tlakuka ka tinhenha ku ta tsan'wisiwa, kutani Yehovha a ri swakwe u ta tlakusiwa esikwini rero.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Esaya 24:21

Hi siku rero Yehovha u ta avanyisa le tilweni mavandla ya le henhla ni tihosi ta la ehansi emisaveni.

Esaya 13:11

Ndzi ta ba misava hikwalaho ka ku biha ka yona, ni swidyohi hikwalaho ka ku dyoha ka swona; ndzi ta herisa vukulu bya vatiarisi, ndzi tsongahata lava tikurisaka.

Esaya 12:4

“Tlangelani Yehovha, khongelani vito ra yena mi tivisa matiko mahlori ya yena twarisani, mi ku: ‘Vito ra yena hi leri tlakukeke.’

Mikiya 4:6

Hi siku lero, ku vula Yehovha, ndzi ta hlengeleta leswi khwitaka ni leswi hlongoriweke, ni lexi ndzi xi endleke hi ku nonon'hwa.

Hosiya 2:18

Kambe hi siku lero, ndzi ta va endlela ntwanano ni swiharhi swa nhova, ni tinyanyana ta tilo, ni leswi kokovaka emisaveni, kutani ndzi ta tshova vurha ni tlhari ndzi va ndzi herisa ku lwa emisaveni, kutani ndzi va akisa hi ku rhula.

Ezekiele 39:22

Kutani yindlu ya Israele yi ta tiva leswaku hi mina Yehovha, Xikwembu xa yona, ku suka siku rero ni le mahlweni;

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”

2 Vakorinto 10:17

Kambe la tidzunisaka, a a tidzunisele eHosini.

2 Vakorinto 10:5

ni ku hlanhla makungu, ni rirhangu hinkwaro leri tlakukeke, leri sivelaka ku tiva ka Xikwembu, ni ku byisa mianakanyo hinkwayo eku yingiseni ka Kriste;

Luka 18:14

Ndzi ri eka n'wina: Yeloyi, u ngirimele endlwini ya yena, a hlayiwile la lulameke ku tlula mufarisi; hikuva un'wana ni un'wana la titlakusaka u ta tsongahatiwa, kambe la titsongahataka, u ta tlakusiwa.”

Zakariya 9:16

Yehovha, Xikwembu xa vona, xi ta va ponisa hi siku rero, kukota ntlhambi lowu nga tiko ra yena; hikuva va ta kota maribye lama vangamaka ya harhi ya vuhosi etikweni ra yena.

Sofoniya 3:16

Esikwini lero, va ta ku eka Yerusalema: “Siyoni, u nga chavi mavoko ya wena ma nga nembeleli!

Sofoniya 3:11

Esikwini lero, a ku nga ha khomiwi hi tingana hikwalaho ka swiendlo swa wena hinkwaswo leswi u ndzi hundzukeleke ha swona; hikuva kona ndzi ta susa lava titsakelaka eku tikukumuxeni ka vona exikarhi ka wena, kutani a ku nga ha tshami u tikukumuxa entshaveni ya mina leyi hlawulekeke.

Mikiya 5:10

Hi siku lero, ku vula Yehovha, ndzi ta lovisa tihanci ta wena, ndzi herisa ni tigolonyi ta wena;

Obadiya 1:8

Hi siku rolero, ku vula Yehovha, xana ndzi nga ka ndzi nga lovisi lava vutlhari etikweni ra Edomu, ni ku twisisa entshaveni ya Esawu xana?

Amosi 9:11

“Hi siku rero, ndzi ta pfuxa ntsonga wa Davhida lowu weke, ndzi siva timfa ta khumbi ra wona, laha ri mbundzukeke ndzi ta ri lunghisa, ndzi ta wu aka wu fana ni le mikarhini ya khale;

Yuwele 3:18

“Enkarhini wolowo, tintshava ti ta pfelela dzova ra vhinyo, switsunga swi ta khuluka ntswamba, ni milambu hinkwayo ya Yuda yi ta tshama yi va ni mati lama khulukaka, kutani nseledyana yi ta huma endlwini ya Yehovha yi tsakamisa rivala ra Xitimi.

Hosiya 2:21

“Enkarhini wolowo, ndzi ta hlamula, ku vula Yehovha, ndzi hlamula matilo, wona ma hlamula misava,

Hosiya 2:16

Kutani hi siku rero, ku vula Yehovha, u ta ndzi vula nuna wa wena, a ku nga ha ndzi vuli Baali wa wena.

Ezekiele 39:11

“Hi siku rero, ndzi ta nyika Gogo xivandla xo lahla vafi eIsraeleni, wu nga nkova wa vahundzi, tlhelo ra vuxa eka lwandle, sirha leri ri ta siva ndlela ya vahundzi; va ta lahla kona Gogo ni ntshungu wa yena hinkwawo, va ta thya vito ra kona Hamona-Gogo, (hileswaku ntshungu wa Gogo).

Ezekiele 38:19

kutani hikwalaho ka rilondzo ra mina, ni ndzilo wa ku kariha ka mina, ndzi tiyisa, ndzi ri: Ku ta va ni ku tsekatseka lokukulu ka misava ya Israele hi siku rero.

Ezekiele 38:14

“Hikwalaho, n'wana wa munhu, profeta, u byela Gogo, u ku: Hosi Yehovha a vulavula sweswo, a ku: Hi siku rero, loko tiko ra mina ra Israele ri ta tshama hi ku rhula, xana u nga ka u nga ri tivi xana?

Yeremiya 9:24

kambe la tidzunisaka a a tidzunisele emhakeni leyi: hileswaku u ni ku twisisa ni vutlhari bya ku ndzi tiva, hikuva hi mina Yehovha ndzi endlaka hi musa, ni mfanelo, ni lexi lulameke emisaveni; hikuva ndzi tsakisiwa hi swona,” ku vula Yehovha.

Esaya 52:6

Hikwalaho, tiko ra mina ri ta tiva vito ra mina, ina, hi rona siku leri ri nga ta tiva ha rona leswaku hi mina la nge: Hi mina loyi!”

Esaya 37:23

U rhukanile mani, u sandzile mani xana? U tlakusile rito ra wena ehenhla ka mani? U tlakusile mahlo, ya wena ehenhla ku lwa ni Mukwetsimi wa Israele.

Esaya 30:23

Enkarhini wolowo u ta nisela timbewu leti mi nga ta byala emasin'wini kutani swakudya swa tinhlampfu leti mirisiweke hi misava swi ta va leswi noneke leswi xurhisaka. Enkarhini wolowo mitlhambi ya n'wina yi ta dyela emadyelweni lama ahlameke.

Esaya 29:18

Hi siku lero lava feke tindleve va ta yingisa timhaka ta Buku; kutani mahlo lama feke ma ta boxa vusiku ni munyama wa byona.

Esaya 28:5

Esikwini rero, Yehovha wa tinyimpi u ta va yena xintlontlo xa vubombi lexi vonakalaka, ni harhi ya vuhosi leyo kwetsima eka masalela ya tiko ra yena;

Esaya 26:1

Hi siku lero, risimu leri, ri ta yimbeleriwa etikweni ra Yuda!

Esaya 25:9

Hi siku lero va ta ku: “Vonani, hi xona Xikwembu xa hina; hi tshembile xona, kutani xi hi ponisile! Hi yena Yehovha loyi hi n'wi tshembeke; a hi tsakisiseni hi tsakela ku ponisa ka yena!”

Esaya 12:1

Hi siku rero u ta ku: “Oho Yehovha! Ndza ku tlangela hikuva u ndzi karihele kambe vukari bya wena byi tlherile, kutani u ndzi chavelele.

Esaya 4:1

Kutani hi siku rero vavasati va ntlhanu na vambirhi va ta tikhomelela eka nuna un'we va ta ku eka yena: Hi ta dya vuswa bya hina, hi ta ambala tinguvu ta hina, ntsena hi rhandza ku thyiwa hi vito ra wena, susa ku soriwa ka hina.

2 Vatesalonika 1:10

loko a ta ta ku ta dzunisiwa enkarhini wolowo hi vakwetsimi va yena, ni ku tlangeriwa hi hinkwavo lava pfumeleke; hikuva vumbhoni bya hina exikarhi ka n'wina byi amukeriwile.

2 SAMIELE 22:28

U ponisa vanhu lava nga ekhombyeni, Kambe u tsongahata mahlo lama tlakukeke.

Pisalema 20:8

Vona va oveka va wa ehansi, Kambe hina hi ta pfuka, hi yima hi tiya kona.

Pisalema 46:10

“Yimani, mi tiva leswaku ndzi Xikwembu; Ndzi tlakukile henhla ka matiko, ndzi tlakukile emisaveni!”

Swivuriso 30:13

Ina, rixaka ri kona ra mahlo lama tlakukeke, Ra tinxiyi leto leha;

Esaya 23:9

I Yehovha wa tinyimpi la kaneleke swona, a ta vunisa ku tikukumuxa ka hinkwaswo leswi vangamaka, ni ku tsongahata hinkwavo vakulukumba va misava.

Esaya 30:18

Hikwalaho Yehovha u ta mi langutela ku mi tsetselela, u ta tshinela a mi tsetselela, hikuva Yehovha i Xikwembu lexi lulameke, xi katekisa hinkwavo lava xi tshembaka!

Mikiya 2:3

Hikwalaho Yehovha u ri: Vonani, ndzi anakanyela rixaka leri makhombo lawa va nga hlulekaka ku humesa tinhamu eka wona, ni ku famba va yimise tinhloko; hikuva nkarhi lowu wu bihile.

Pisalema 18:28

Hi wena la vangamisaka ku vonakala ka mina; Yehovha, Xikwembu xanga, u vonakarisa munyama wa mina.

Pisalema 46:11

Yehovha wa tinyimpi u na hina, Xikwembu xa Yakobo i xichavelo xa hina lexi tlakukeke.

Pisalema 94:2

Pfuka Muavanyisi wa misava! U nyika vatikukumuxi hakelo ya vona!

Swivuriso 16:5

Munhu un'wana ni un'wana la tikurisaka hi mbilu, i manyala eka Yehovha; Kunene u ta biwa, a nga ka a nga poni.

Esaya 10:12

Kambe kutakuloko Hosi yi hetile ntirho wa yona hinkwawo entshaveni ya Siyoni na Yerusalema, ndzi ta ba hosi ya Asiriya hikwalaho ka mihandzu ya ku tikurisa ka mbilu ya yona, ni ku tiarisa ka mahlo ya yona lama tlakukeke;

Esaya 14:15

Kasi u wisiwe le xivandleni xa vafi, ekheleni leri enteke ngopfu!

Esaya 40:23

Hi yena la endlaka tihosi xilo xa hava, ni vaavanyisi va misava xilo lexi nga riki xa nchumu.

Yeremiya 12:9

Hikuva eka mina, ndzhaka ya mina i koti ra mavala! Makoti ma ri rhendzele. Tanani, mi hlengeleta swiharhi hinkwaswo swa tiko, swi ta eswakudyeni!

Daniele 4:34

Eku heleni ka masiku walawo, mina, Nebukadnetsara, ndzi tlakuse mahlo ya mina ehenhla, kutani ku titiva ku tlhelela eka mina. Ndzi vonga La nge henhlahenhla, ndzi dzunisa, ndzi kurisa loyi a hanyaka hilaha ku nga heriki, loyi ku fuma ka yena ku nga ku fuma loku nga heriki, loyi vuhosi bya yena byi sukaka erixakeni rin'wana ku yisa etinxakeni leti nga heriki.