Esaya 19:3 - Xitsonga (Bibele)

³ Moya wa Egipta wu ta titivala, ndzi ta herisa makungu ya vona, va ta ya hlahluva eka swikwembu swahava, ni ka vangoma, ni ka vona lava vutisaka vafi, ni ka vabvumbi.

BIBELE Mahungu Lamanene

³ Vaegipta va ta helela hi vutlhari bya vona, makungu ya vona ndzi ta ma pfilunganya, va ta ya vutisa timhaka eka swifaniso swa swikwembu ni le ka vanyamusoro, eka lava nga ni swikwembu, ni le ka swingomantanda.

Esaya 19:3 Referans Kwoze

Esaya 8:19

Loko va nga ku eka n'wina: “Vutisisani lava humesaka mimoya ya vafi, ni vabvumbi lava hlevetelaka, lava n'unun'utaka, mi ta ku: ‘Xana tiko a ri faneli ku vutisa Xikwembu xa rona xana? Xana ku nga vutisiwa vafi timhaka ta lava hanyaka xana?’ ”

Daniele 2:2

Kutani hosi yi lerisa leswaku ku rhambiwa tintlhari, ni vabvumbi, ni vangoma, ni Vakalediya, va ta hlamusela hosi ku lorha ka yona. Kavaloko va ta, va yima emahlweni ka hosi.

1 TIKRONIKA 10:13

Sawulo a fa hikwalaho ka xidyoho lexi a dyoheleke Yehovha ha xona, hikwalaho ka rito ra Yehovha leri a nga ri hlayisangiki, na swona hikuva a vutisile lava vitanaka vafi ku byeriwa timhaka hi vona.

Daniele 5:7

Kutani hosi yi huwelela hi matimba leswaku ku tisiwa vangoma, ni Vakalediya ni va vungoma bya tinyeleti. Kutani hosi yi vulavula ni lava vutlhari va Babilona, yi ku: “Munhu, hambi a ri mani na mani, la nga ta hlaya leswi tsariweke la, la nga ta ndzi hlamusela swona, u ta ambexiwa nguvu ya xivunguvungu, u ta veheriwa ritlama ra nsuku enhan'wini, a nyikiwa ni xitshamo xa vunharhu eku fumeni ka mina.”

Ezekiele 22:14

Xana mbilu ya wena yi ta tiya, kumbe mandla ya wena ma nga va ni matimba emasikwini walawo ndzi nga ta tirha na wena ha wona xana? Hi mina Yehovha ndzi vulavuleke, ndzi ta swi endla.

Ezekiele 21:7

“N'wana wa munhu rhendzeleta mombo wa wena tlhelo ra Yerusalema, u humesela tlhelo ra xivandla lexo kwetsima rito ra wena, u profetela tiko ra Israele!

Yeremiya 46:15

Tinhenha ta wena ti voyamisela yini? A ku na loyi a yimeke, hikuva Yehovha u va wisele ehansi.’

Esaya 57:16

A ndzi rhandzi ku tengisa hi masiku, ni ku hlayisa vukari lebyi nga heriki, mimoya leyi ndzi yi endleke yi nga ti tshuka yi heleriwa hi matimba.

Esaya 47:12

Tana sweswi u ri ni ku hlahluva ka wena, ni vungoma bya wena lebyi u byi tirheke evuntshweni bya wena, kumbexana byi ta ku pfuna, byi ku endla la chaviwaka hi vanhu!

Esaya 44:25

Ndzi endle ku bvumbha ka vangoma xilo xa hava, ndzi hlanyisa va bvumbhi, ndzi tlherisele ndzhaku tintlhari, ndzi hundzula vutlhari bya tona vuphukuphuku.

Esaya 19:1

“Vonani, Yehovha u khandziyile epapeni lero vevuka; a kongome eEgipta; swikwembu swa Egipta swi rhurhumela emahlweni ka yena, timbilu ta Vaegipta ti tsanile endzeni ka vona.

Esaya 15:2

Va tlhandlukela etempeleni, ni le Diboni, ni le switsungeni leswi tlakukeke va ya rila kona. Mowabu wa rila ehenhla ka Nebo na Medeba: nhloko yin'wana ni yin'wana yi byewuriwile, ni malebvu hinkwawo ma byewuriwile.

Esaya 14:27

Hikuva Yehovha wa tinyimpi u kanerile, kutani i mani la nga alaka xana? Voko ra yena ri tshambulukile, kutani la nga ri khondlisaka i mani xana?

Swivuriso 21:30

A ku na vutlhari, a ku na ku anakanya, A ku na makungu emahlweni ka Yehovha.

Pisalema 107:27

Va khomiwa hi sululwana, va rhurhumela kukotisa munhu loko a pyopyiwile, Vutlhari hinkwabyo bya vona byi hangalaka.

Pisalema 76:12

Wa tsema ku tikurisa ka tihosana, Wa chaveka ni ka tihosi ta misava.

2 SAMIELE 17:23

Kuteloko Ahitofele a vonile leswaku makungu ya yena a ma yingisiwanga, a pana mbhongolo ya yena, a pfuka a famba karikwavo, emutini wa yena, kutani kuteloko a lerisile va yindlu ya yena timhaka ta yena, a tisunga; sweswo a fa, a lahliwa esirheni ra tata wa yena.

2 SAMIELE 17:14

Abixalomu ni vanhu hinkwavo va Israele va ku: “Makungu ya Huxayi, Muariki, ma tlula hi vutlhari makungu ya Ahitofele.” Kambe Yehovha a a kanerile ku onha makungu lamanene ya Ahitofele, leswaku khombo ri tela Abixalomu.

2 SAMIELE 15:31

Kutani va ya byela Davhida, va ku: “Ahitofele u nghenile eka vanhu lava yimaka na Abixalomu.” Kutani Davhida a ku: “Yehovha, wanga hundzuluxa makungu ya Ahitofele!”

1 SAMIELE 25:37

Ni mixo, loko Nabala a xalamukile, nsati wa yena a n'wi vikela timhaka teto, kutani mbilu ya yena yi fa endzeni ka yena, yi fana ni ribye.

Pisalema 33:10

Yehovha u onha makungu ya vamatiko; Wa endla mianakanyo ya matiko swahava.

Daniele 1:20

Kutani etimhakeni hinkwato ta vutlhari ni mano hosi yi va vutisaka tona, yi kuma leswaku va tlula eka khume tintlhari hinkwato, ni vangoma lava nga eku fumeni hinkwako ka yona.

2 TIHOSI 1:2

Ahaziya a wa hi fasitere ra yindlu ya yena leyi tlakukeke, leyi ngi yi ri Samariya, kutani a vabya. A rhuma tintsumi, a ku eka tona: “Fambani, mi ya vutisa Baala-Zebubu, xikwembu xa Ekroni, ndzi ta tiva xana ndzi ta hanya evuvabyini lebyi.”