Esaya 19:21 - Xitsonga (Bibele)

²¹ Yehovha u ta titivisa eka Vaegipta, kutani Vaegipta va ta tiva Yehovha hi siku rero; va ta n'wi tirhela hi magandzelo ni mihlengo; va ta tiboha eka Yehovha hi ku hlambanya, kutani va ta endla hakona.

BIBELE Mahungu Lamanene

²¹ HOSI Xikwembu xi ta tikombisa eka Vaegipta; kutani ku sukela esikwini rero, Vaegipta va ta hamba va xi tiva, va xi tirhela hi ku xi humesela magandzelo ni tinyiko; loko va tiboha hi ku hlambanya ku humesela HOSI Xikwembu xilo xin'wana, va ta endla hilaha va hlambanyeke hakona.

Esaya 19:21 Referans Kwoze

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Esaya 11:9

Ku nga ka ku nga endliwi swo biha, ni ku onhiwa entshaveni hinkwayo leyi kwetsimaka ya mina; hikuva ku tiva Yehovha ku ta eneta misava, tanihi leswi mati ma funengetaka vuento bya lwandle.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

1 Petro 2:5

na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Sofoniya 3:10

Vakhongeri va mina va nga va tiko ra mina lava hangalakeke va ta ta, va pfa etikweni leri nge hase ka milambu ya Kuxi, va ndzi tisela tinyiko.

Habakuku 2:14

Hikuva misava yi ta tala hi ku tiva ka ku kwetsima ka Yehovha, ku fana ni mati loko ma funengeta lwandle.

Yonasi 1:16

Kutani vavanuna volavo va khomiwa hi ku chava lokukulu ka Yehovha, va humesela Yehovha magandzelo, va tiboha eka yena hi ku hlambanya.

Esaya 56:7

ndzi ta va fikisa entshaveni ya mina leyo kwetsima, kutani ndzi va tsakisa endlwini leyi va ndzi khongelaka eka yona; tiholokosta ta vona, ni magandzelo ya vona swi ta amukeriwa ealitarini ya mina; hikuva yindlu ya mina yi ta vuriwa yindlu ya ku khongela eka matiko hinkwawo.”

Esaya 55:5

Waswivo, u ta Vitana tiko leri u nga ri tivangiki, kutani matiko lama nga ku tivangiki, ma ta tsutsumela eka wena, hikwalaho ka Yehovha, Xikwembu xa wena, hikwalaho ka Mukwetsimi wa Israele, la ku dzunisaka.

Esaya 44:5

Loyi u ta ku: ‘Mina ndzi wa Yehovha!’ Un'wana u ta tithya hi vito ra Yakobo un'wanyana kambe u ta fungha evokweni ra yena hi mfungho wa Yehovha, kutani u ta tlangela vito ra Israele.

Esaya 37:20

Sweswi Yehovha, Xikwembu xa hina, wanga hi ponisa evokweni ra Senakeribi, matiko hinkwawo ya misava ma ta tiva leswaku wena Yehovha u Xikwembu, wena ntsena!”

Eklesiasta 5:4

Loko u tibohile eka Xikwembu hi ku hlambanya u nga hlweri ku hetisa, hikuva a xi tsakisiwi hi swihunguki. Hetisa ku hlambanya loku u ku hlambanyeke.

Pisalema 67:2

Leswaku ndlela ya wena yi tiviwa emisaveni Ni ku hlayiseka ka wena exikarhi ka matiko hinkwawo!

1 TIHOSI 8:43

Wena, yingisa u ri ematilweni, laha u akeke kona, u tirha, u nyika muluveri loyi, hinkwaswo leswi a nga ta swi kombela eka wena, leswaku matiko hinkwawo ya misava ma tiva vito ra wena, ma ku chava kukotisa tiko ra wena ra Israele, ma ta tiva leswaku vito ra wena ri khongeriwa eNdlwini leyi ndzi yi akeke.

1 SAMIELE 17:46

Namuntlha Yehovha u ta ku nyiketa emavokweni ya mina; ndzi ta ku tlhava, ndzi ku tsema nhloko; namuntlha ndzi ta nyika tinyanyana ta tilo ni swivandzana swa misava mitsumbu ya nyimpi ya Vafilista: misava hinkwayo yi ta tiva leswaku Xikwembu xa Israele xi kona.

Pisalema 61:8

Hi laha ndzi nga ta dzunisa vito ra wena hi masiku, Ndzi hetisa ku hlambanya ka mina siku rin'wana ni rin'wana.

Pisalema 68:31

Tihosi letikulu ti ta ti pfa eEgipta; Etiyopiya a angwetla a tshambuluta mavoko eka Xikwembu.

Esaya 11:11

Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.

Esaya 27:13

Emikarhini yoleyo, nanga leyikulu yi ta yimbiwa, kutani lava hlongoleriweke etikweni ra Asiriya ni lava balekeleke etikweni ra Egipta va ta ta, va khinsama emahlweni ka Yehovha, entshaveni leyi kwetsimaka, eYerusalema.

Esaya 45:14

Ku vula sweswo Yehovha: “Bindzu ra Egipta, ni xuma xa Etiyopiya ni xa va Xeba lavo leha, swi ta ta eka wena, swi va swa wena, swi ku landza. Va ta ta va bohiwile va ta korhama emahlweni ka wena, va ta ku khongela: ‘Ku hava Xikwembu ehandle ka wena; xin'wana ku hava ni lexitsanana.’ ”

Esaya 49:7

U vula sweswo Yehovha, Mukutsuri ni Muhlawuleki wa Israele, eka loyi a soriweke hi vanhu, la nyenyiweke hi tiko, eka khumbi ra lava fumaka u ri: “Tihosi ti ta n'wi vona ti va ti pfuka, ni tindhuna ti ta khinsama hikwalaho ka Yehovha la tshembekaka, ni hikwalaho ka Mukwetsimi wa Israele la ku hlawuleke.”

Esaya 60:7

Mitlhambi hinkwayo ya Kedari, yi ta hlengeletana ka wena, tinyimpfu ta Nebayoto ti ta ku tirhela, ti ta humesiwa egandzelweni ra mina tanihi nhlengo lowu khensiwaka, kutani ndzi ta twarisa yindlu ya ku twala ka mina.

Esaya 66:23

Kutani ku ta humelela leswaku n'weti yin'wana ni yin'wana ni Savata rin'wana ni rin'wana, nyama hinkwayo yi ta ta ku ndzi khinsamela,” ku vula Yehovha.

Pisalema 68:32

N'wina matiko ya misava, tlangelani Xikwembu, Twarisani Hosi hi tinsimu.