Esaya 19:1 - Xitsonga (Bibele)

¹ “Vonani, Yehovha u khandziyile epapeni lero vevuka; a kongome eEgipta; swikwembu swa Egipta swi rhurhumela emahlweni ka yena, timbilu ta Vaegipta ti tsanile endzeni ka vona.

BIBELE Mahungu Lamanene

¹ Lawa i mahungu hi tlhelo ra tiko ra Egipta. Vonani, HOSI Xikwembu xa ta, xi ta hi papa ra rivilo swinene, xi tela Vaegipta; swifaniso swa swikwembu swa Vaegipta swi ta rhurhumela emahlweni ka xona, hambi va ri vona Vaegipta va ta hela matimba hi ku chava.

Esaya 19:1 Referans Kwoze

Eksoda 12:12

“Hi vusiku byebyo ndzi ta hundza etikweni ra Egipta, ndzi dlaya mativula hinkwayo ya tiko ra Egipta, ya vanhu ni ya swifuwo; kutani ndzi ta avanyisa swikwembu hinkwaswo swa Vaegipta. Hi mina Yehovha.

Nhlavutelo 1:7

Vonani, wa ta hi mapapa; mahlo hinkwawo ma ta n'wi vona, na vona lava n'wi tlhaveke, kutani tinxaka hinkwato ta misava ti ta tiba swifuva hikwalaho ka yena. Ina, Amen!

Yuwele 3:19

Egipta u ta hundzuka mananga, na Edomu u ta va makwandzasi hikuva va pfukele vana va Yuda matimba, va halatile ngati leyi nga riki na nandzu etikweni ra vona.

Yoxuwa 2:11

Hi swi yingisile, kutani timbilu ta hina ti n'okile; a ku nga ha vi na ku tiya eka hina emahlweni ka n'wina: hikuva i Yehovha, Xikwembu xa n'wina, lexi nga Xikwembu le henhla ematilweni, ni la hansi emisaveni.

Ezekiele 30:13

“Hosi Yehovha u ri: Ndzi ta lovisa ni swifaniso, ndzi herisa swikwembu swahava eNofu; a ku nga ha vi na hosi ya tiko ra Egipta; na swona ndzi ta veka ku chava etikweni ra Egipta.

Yeremiya 51:44

Ndzi ta holovela Bele eka Babilona; kutani ndzi ta humesa enon'wini wa yena lexi a xi miteke; matiko a ma nga ha hlengeletani kona; na rona rirhangu ra Babilona ri mbundzukile!

Yeremiya 50:2

“Tivisani sweswo exikarhi ka matiko, mi ti twarisa, mi yimisa mujeko; va byeleni, mi nga fihli, mi ku: ‘Babilona u khomiwile, Bele u khomisiwe tingana, Merodaka u tshoviwile; swifaniso swa yena swi khomisiwile tingana, swikwembu swa yena swi tshoviwile.’

Esaya 13:1

Ku avanyisiwa ka Babele loku kombisiweke Esaya, n'wana Amotsi.

Pisalema 104:3

Wa yimisa timhandze ta tindlu ta yena leti tlakukeke exikarhi ka mati, U endle mapapa golonyi ya yena, U famba a khandziyile etimpapeni ta moya,

Duteronoma 33:26

“Oho Yexuruni! A nga kona la fanaka ni Xikwembu. Lexi ku tiyisaka xi ri etilweni: Evukulwini bya xona, xi tlakusiwe emapapeni.

Zakariya 14:18

Va rixaka ra Egipta loko va nga tlhandluki, va nga ti, na vona, va nga ka va nga niseriwi; va ta biwa hi nkhavi lowu Yehovha a nga ta ba ha wona matiko hinkwawo lawa ma nga tlhandlukiki ku ya endla nkhuvo wa mitsonga.

Zakariya 10:11

Israele u ta famba exikarhi ka lwandle ra makhombo, kambe exikarhi ka lwandle u ta ba magandlati, kutani swidziva hinkwaswo swa nambu swi ta phya: ku tidzunisa ka Asiriya ku ta tsongahatiwa, ku susiwa ni nhonga ya vuhosi ya Egipta.

Yeremiya 25:19

na Faro, hosi ya Egipta, ni malandza ya yena, ni tindhuna ta yena, ni tiko ra yena hinkwaro;

Esaya 21:9

Vonani, ku humelele vakhandziyi va tihanci lava fambaka havambirhi.” Kambe a huwelela a ku: “U wile Babilona, u wile swin'we ni swifaniso hinkwaswo leswi vatliweke swa swikwembu swa yena, swi fayiwile ehansi.”

Esaya 19:16

Hi siku rero Egipta u ta va tanihi vavasati, u ta rhurhumela, u ta tshuka hi ku komba ka voko ra Yehovha wa tinyimpi leri a nga ta ri tshambuluta ku lwa na yena.

Esaya 13:7

Hikwalaho mavoko hinkwawo ma we nkorha, ku herile timbilu hinkwato ta vavanuna.

Pisalema 104:34

Mianakanyo ya mina a yi n'wi tsakise! Ndzi ta endla Yehovha ku tsaka ka mina.

Pisalema 68:4

Yimbelelani Xikwembu, dzunisani vito ra xona, Lunghiselani loyi a fambaka exikarhi ka mananga endlela! Yehovha i vito ra yena; tsakani emahlweni ka yena!

Yoxuwa 2:24

Va ku eka Yoxuwa: “Kunene Yehovha u nyiketile tiko hinkwaro emavokweni ya hina, na vona vaaki hinkwavo va tiko va hele timbilu emahlweni ka hina.”

Yoxuwa 2:9

a ku eka vona: “Ndza swi tiva leswaku Yehovha u mi nyikile tiko leri, hikuva nchavo lowu mi wu pfuxeke wu hi wele ehenhla, kutani vaaki hinkwavo va tiko va hele timbilu emahlweni ka n'wina.

Pisalema 18:9

A xikisa matilo, kutani a rhelela; Munyama a wu ri hansi ka mikondzo ya yena.

Yeremiya 4:13

Langutani muonhi u tlhandluka kukotisa mapapa; tigolonyi ta yena ti kotisa xidzedze; tihanci ta yena ti tlula makoti hi ku tsutsuma; khombo ri le ka hina, hikuva ha borisiwa!

Yeremiya 44:8

Mi ndzi pfukela yini hi ku endla ka mavoko ya n'wina, hi ku hisela; swikwembu swimbe timhamba etikweni ra Egipta, laha mi teke ku aka kona leswaku mi susiwa, mi va ndzhukano, ni xisolo, exikarhi ka matiko hinkwawo ya misava?

Nahume 1:1

Hlavutelo ehenhla ka Ninivha. Buku ya vumbhoni bya Nahume, wa Elikoxo.

Nahume 1:3

Yehovha u lehe mbilu, i nkulu ngopfu, loko a landzulela munhu nandzu wa yena. Yehovha! ... Ndlela ya yena yi le xikarhi ka xidzedze ni ndhambi, mapapa i ntshuri wa milenge ya yena.

Tinhlayo 33:4

Vaegipta a va ri karhi va lahla lava Yehovha a va dlayeke exikarhi ka vona, ma ri mativula hinkwawo; hikuva Yehovha a avanyisile na swona swikwembu swa vona.