Esaya 18:7 - Xitsonga (Bibele)

⁷ Enkarhini wolowo, ku ta tiseriwa Yehovha wa tinyimpi nhlengo hi tiko ra vanhu va xiyimo xo leha, lava byewuriweke, lava chaviwaka ekule mpfhuka va nga tiko, tiko ra matimba, leri fayaka hinkwaswo, tiko ra milambu leyo tala, swi ta tisiwa laha Yehovha wa tinyimpi a khongeriwaka kona, entshaveni ya Siyoni.

BIBELE Mahungu Lamanene

⁷ Enkarhini wolowo, vanhu lavo leha, vo saseka, lava chaviwaka emisaveni hinkwayo, va nga vanhu vo tiya, lava tivaka ku lwa, lava milambu yi tsemakanyaka hi le tikweni ra vona, va ta yisa tinyiko ta vona entshaveni ya Siyoni, laha HOSI ya matimba hinkwawo yi gandzeriwaka kona.

Esaya 18:7 Referans Kwoze

Sofoniya 3:10

Vakhongeri va mina va nga va tiko ra mina lava hangalakeke va ta ta, va pfa etikweni leri nge hase ka milambu ya Kuxi, va ndzi tisela tinyiko.

Esaya 45:14

Ku vula sweswo Yehovha: “Bindzu ra Egipta, ni xuma xa Etiyopiya ni xa va Xeba lavo leha, swi ta ta eka wena, swi va swa wena, swi ku landza. Va ta ta va bohiwile va ta korhama emahlweni ka wena, va ta ku khongela: ‘Ku hava Xikwembu ehandle ka wena; xin'wana ku hava ni lexitsanana.’ ”

Esaya 18:4

Hikuva Yehovha u ndzi byerile, a ku: “Ndzi ta miyela, ndzi languta ndzi ri le ndlwini ya mina, tanihi mumu lowu nandzihaka loko dyambu ri xile, tanihi hunguva ya mberha enkarhini wa ximumu loko ku tshoveriwa.”

2 TIKRONIKA 32:23

Vanhu lavo tala a va tisa mihlengo eka Yehovha eYerusalema, ni swilo swa risima eka Hezekiya, hosi ya Yuda, a ko a tlakusiwa, endzhaku ka swona, emahlweni ka matiko hinkwawo.

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Mikiya 4:13

Pfuka u hula, n'wana Siyoni, hikuva ndzi ta ku endlela rimhondzo ra nsimbhi, ni min'wala ya koporo, u ta fayetela matiko layo tala; ndzi ta hlawulela Yehovha rifuwo ra wona, ni vukosi bya wona, ndzi hlawulela hosi ya misava hinkwayo.

Esaya 16:1

Rhumelani mufumi wa tiko swinyimpfana swa ndzuvo, swi suka eSela, swi hundza emananga ku ya nghena entshaveni ya wanhwana wa Siyoni!

Matewu 2:11

Kutani loko va nghena endlwini, va kuma n'wana ni mana wa yena, Mariya; kutani va khinsama hi matsolo, va n'wi gandzela. Kuteloko va tshunxile mirhwalo ya vona, va n'wi nyika nsuku, ni mirhi ya risuna, ni murhi wa mirha.

Esaya 18:2

wena la rhumaka tintsumi elwandle hi mabarika ya mavundzu ehenhla ka mati! Fambani, n'wina malandza ya matsambu eka tiko ra vanhu va xiyimo xo leha, lava byewuriweke, tiko leri chaviwaka kule mpfhuka ri nga tiko ni namuntlha, tiko ra matimba, leri fayaka hinkwaswo, leri nga ni milambu leyo tala.

Habakuku 1:7

Ra chavisa, ra tshukisa; hi rona ri tilerisaka, ri tikhorisaka ri ri roxe.

Pisalema 68:32

N'wina matiko ya misava, tlangelani Xikwembu, Twarisani Hosi hi tinsimu.