Esaya 18:2 - Xitsonga (Bibele)

² wena la rhumaka tintsumi elwandle hi mabarika ya mavundzu ehenhla ka mati! Fambani, n'wina malandza ya matsambu eka tiko ra vanhu va xiyimo xo leha, lava byewuriweke, tiko leri chaviwaka kule mpfhuka ri nga tiko ni namuntlha, tiko ra matimba, leri fayaka hinkwaswo, leri nga ni milambu leyo tala.

BIBELE Mahungu Lamanene

² leri rhumaka vayimeri va rona ematikweni, va famba enambyeni wa Nilo hi mabyatso yo lukiwa hi tinhlanga. N'wina varhumiwa vo famba hi ku hatlisa, mukani mi tlhelela eka vanhu va ka n'wina vo leha, vo saseka, lava chaviwaka emisaveni hinkwayo, va nga vanhu vo tiya, lava tivaka ku lwa, lava milambu yi tsemakanyaka hi le tikweni ra vona.

Esaya 18:2 Referans Kwoze

Esaya 18:7

Enkarhini wolowo, ku ta tiseriwa Yehovha wa tinyimpi nhlengo hi tiko ra vanhu va xiyimo xo leha, lava byewuriweke, lava chaviwaka ekule mpfhuka va nga tiko, tiko ra matimba, leri fayaka hinkwaswo, tiko ra milambu leyo tala, swi ta tisiwa laha Yehovha wa tinyimpi a khongeriwaka kona, entshaveni ya Siyoni.

2 TIKRONIKA 16:8

Xana nyimpi ya Vaetiyopiya ni Valibiya a yi vanga leyikulu ngopfu, va ri ni vunyingi lebyikulu ngopfu bya tigolonyi ni vakhandziyi va tihanci xana? Kambe leswi u tshembeke Yehovha, u va nyiketile emavokweni ya wena.

2 TIKRONIKA 14:9

Kutani Zera, wa Mukuxi, a huma nyimpi ku lwa na vona, a a ri ni vanhu va 1 000 000, ni tigolonyi ta 300, a fika eMarexa.

Ezekiele 30:9

Esikwini lero, ku ta huma varhumiwa hi mabyatso emahlweni ka mina ku chavisa Kuxi la tshameke hi ku tshemba; na swona ku vaviseka ku ta va kona eka vona kukotisa esikwini ra le Egipta; hikuva vona, makhombo lawa ma ta.

Eksoda 2:3

Kambe leswi a tsandzekaka ku engeta a xi fihla, a ya teka xirhundzu xa tinhlanga, a xi tota hi ntita ni nhlaka, kutani a nghenisa xihlangi eka xona, a xi veka exikarhi ka tinhlanga eribuwini ra nambu.

Luka 10:19

Vonani, ndzi mi nyika matimba ya ku kandziya tinyoka ni swipame, ni le henhla ka matimba hinkwawo ya nala; kutani a ku na nchumu lowu nga ta mi endla swo biha.

Ntirho 9:26

Ma hundza kukota mabyatso ya rihlanga, Kukota gama leri vutlaka xiharhi xa rona.

Yeremiya 49:14

Ndzi twile ku tivisiwa ku huma eka Yehovha, ni mulerisi la rhumiweke ematikweni, a ku: “Hlengeletanani, mi n'wi hundzukela, mi pfukela nyimpi.”

Obadiya 1:1

Hosi Yehovha u vulavula sweswo ehenhla ka Edomu, u ri: Hi twe mhaka leyi pfaka eka Yehovha, kutani murhumiwa u rhumiwe exikarhi ka matiko, u ri: “Pfukani, a hi pfukeni hi n'wi hlomela!”

Habakuku 1:7

Ra chavisa, ra tshukisa; hi rona ri tilerisaka, ri tikhorisaka ri ri roxe.