Esaya 16:10 - Xitsonga (Bibele)

¹⁰ Ku tsaka ni mikhuvo swi sukile emitangeni; ni le tivhinyeni, a ka ha ri na tinsimu ni ku tsaka, a ka ha khuvutiwi mihandzu eswikhuvutelweni, ndzi miyetile mitlango ya vakhuvuti!

BIBELE Mahungu Lamanene

¹⁰ Emasin'wini layo nona, huwa ya ntsako yi nyamalarile, tinsimu ni swikhiyana a swa ha twali emasin'wini ya vhinya; lomu vhinya yi pyanyeriwaka kona, a ka ha ri na munhu, tinsimu ta ntsako ti herile.

Esaya 16:10 Referans Kwoze

Yeremiya 48:33

Ku tsaka ni ku tsakisisa swi susiwile emasin'wini ni le tikweni ra Mowabu; ndzi herisile vhinyo exikhuvutweni a ka ha kandziwi hi tinsimu; i huwa, a ra ha ri risimu.

Amosi 5:17

Emasin'wini hinkwawo ya tivhinya swirilo swi ta va kona, hikuva ndzi ta hundza exikarhi ka wena,” ku vula Yehovha.

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

Vaavanyisi 9:27

Kutani va humela ehandle va tshovela masimu ya yona ya vhinya, va khuvuta mihandzu ya yona, va titsakela, va nghena endlwini ya xikwembu xa vona, va dya, va nwa, va rhuketela Abimeleke.

Sofoniya 1:13

Rifuwo ra vona ri ta phangiwa, tindlu ta vona ti ta onhiwa; va ta aka tindlu, kambe va nga ka va nga tshami eka tona; va ta byala vhinya, kambe va nga ka va nga nwi vhinyo ya yona.”

Esaya 32:10

Ku ta hundza lembe rin'we ni masiku man'wana, mi ta kanakana, n'wina mi lolohaka, hikuva ku tshovela ka tivhinya ku ta va ka hava, ku nga ka ku nga tshoveriwi mihandzu.

Ntirho 24:11

Va kandletela mafurha eswivaveni swa lavo homboloka, Va khuvuta exikhuvutweni xa vona, va ri ni torha.

Esaya 24:11

Va rila emitsendzeleni hikuva ku hava vhinyo; ku tsaka ku tlhakile; mikhuvo ya tiko yi herile!

Yuwele 1:12

Vhinya yi ni gome, ni mikuwa ya vuna, ni mirhi hinkwayo ya nhova yi omile. Hikuva ku tsaka ku herile exikarhi ka vana va vanhu.

Amosi 9:13

“Vonani, masiku ma ta,” ku vula Yehovha, “lawa la rimaka a nga ta landzela kusuhi la tshovelaka, ni la pfuvaka mihandzu ya vhinya a landzela la byalaka mbewu; kutani vhinyo leyintshwa yi ta khulukela etintshaveni, ni switsunga hinkwaswo swi ta pfelela yona.

Ezekiele 7:7

Khombo ri na wena, wena muaki wa tiko! Nkarhi wu fikile, siku ri le kusuhi; ku nga ri ra ku yimbelela etintshaveni, kambe ra ku vaviseka.