Esaya 15:5 - Xitsonga (Bibele)

⁵ Mbilu ya mina yi rilela Mowabu; vabaleki va yena va fika eSowara ni le Egilata-Xelixiya; hikuva va tlhandlukela va ri karhi va rila entsungeni wa Luhiti; endleleni ya Horonayimi va ba mikosi.

BIBELE Mahungu Lamanene

⁵ Tiko ra Mowabu ri ndzi twisa mbilu ku vava. Vanhu va rona va balekela eSowara ni le Egilata-Xelixiya. Van'wana va ta hi le xiphandzeni xa Luhiti va ri karhi va rila; lava khomeke gondzo ro ya eHoronayimi va ba nyandayeyo.

Esaya 15:5 Referans Kwoze

Yeremiya 48:5

Hikuva le ntsungeni wa Luhiti, va rila ni ku rila; hikuva eku rheleleni ka Horonayimi ku twiwa ku kolola ka ku onha ka valala.

Yeremiya 4:20

Ku onhaka ku vita ku onhaka kun'wana, hikuva ku ta onhiwa tiko hinkwaro; matende ya mina ma onhiwa kan'we, na yona mitsonga ya mina.

Yeremiya 17:16

Kutani mina a ndzi alangi ku va murisi la ku landzaka hi le ndzhaku; kambe a ndzi navelanga siku ra khombo; wena wa swi tiva; leswi humeke enon'wini wa mina swi le mahlweni ka wena.

Yeremiya 13:17

Kungakuloko mi nga yingisi sweswo, mbilu ya mina yi ta rila exihundleni hikwalaho ka ku tikukumuxa ka n'wina, mahlo ya mina ma ta rila, ma va ma rila ma halata mihloti, hikuva ntlhambi wa Yehovha wa yisiwa evukhumbini.

Yeremiya 9:10

Ndzi ta tlakusa swirilo, ndzi vovola etintshaveni, ni le madyelweni ya mananga, hikuva ma hisiwile; a ka ha ri na munhu la hundzaka kona, kutani a ka ha twakari ku rila ka tihomu; tinyanyana ta matilo ni swiharhi swi balekile, swi fambile.

Esaya 22:5

Hikuva i siku ra nkitsikitsi, ra ku onhaka, ra ku pyatsapyatseka, leri rhumiweke hi Hosi, Yehovha wa tinyimpi, enkoveni wa swivono; rirhangu ri wisiwa ehansi, kutani huwa ya nkosi yi ya fika entshaveni.

Esaya 16:14

Kambe sweswi Yehovha u vurisa sweswo, u ri: “Ku ta hundza malembe manharhu lama fanaka ni malembe ya mutirhi, kutani Mowabu swin'we ni ntshungu lowukulu wa yena, u ta tekeriwa ku vonakala ka yena, lexi nga ta sala xi ta va xilo lexitsanana, lexi nga ha riki nchumu.”

2 SAMIELE 15:30

Kutani Davhida a a tlhandluka ntshava ya mitlhwari, a ri karhi a rila; nhloko ya yena yi funengetiwile, a famba a nga ri na tintanghu emilengeni; kutani vanhu hinkwavo va tiko lava ngi va ri na yena a va tifunengeta tinhloko va rila loko va ri karhi va tlhandluka.

2 SAMIELE 15:23

Tiko hinkwaro a ri tshama ri rila ri kolola, kambe tiko hinkwaro a ri hundza; kutani hosi yi pela nambu wa Kedroni, ni tiko hinkwaro ri pela laha ku langutaneke ni ndlela leyi yisaka emananga.

Genesa 19:22

Ntsena, hatlisa u tsutsumela kona hikuva a ndzi nga swi koti ku endla nchumu u nga si fika kona.” Hikwalaho va nga thya muti wolowo vito ra Sowara (hileswaku vutsongo).

Genesa 14:2

va pfukela ku lwa na Bera, hosi ya Sodoma, na Birixa, hosi ya Gomora, na Xinabu, hosi ya Adama, na Xemebere, hosi ya Seboyimi, ni hosi ya Bela (wu nga Sowara).

Genesa 13:10

Kavaloko Lota a tlakusa mahlo, a vona tiko hinkwaro ra Yordani ku fika le Sowara, ri cheletiwa hinkwaro (Yehovha a nga si lovisa Sodoma na Gomora), ri fana ni ntanga wa Yehovha, ni misava ya Egipta.

Tinhlayo 21:29

Khombo ri na wena Mowabu! U lovile, tiko ra Kemoxi! Ri nyiketile vana va rona eku balekeni, Ni vanhwanyana va rona va va makhumbi ya Sihoni, hosi ya Vaamori.

Esaya 59:7

milenge ya vona yi tsutsumela eku biheni, yi ni matsambo ku ya halata ngati leyi nga riki na nandzu; miehleketo ya vona i miehleketo ya ku dyoha ku onhaka ni makhombo swi le tindleleni ta vona.

Yeremiya 4:19

Marhumbu yanga! Marhumbu yanga! Yowee! Ku vaviseka ka mbilu yanga! Mbilu ya pandza, ndzi nga ka ndzi nga miyeri; hikuva moya wa mina wu twa mpfumawulo wa mhalamhala ni wa nkosi wa nyimpi.

Yeremiya 48:3

Nkololo wu twakala Horonayimi, i ku onha ni ku biwa lokukulu.

Yeremiya 50:46

Siku va huwelelaka, va ku: Babilona u phangiwile! Tiko ra tsekatseka, rito ra mikosi ri twala ematikweni!”