Esaya 15:2 - Xitsonga (Bibele)

² Va tlhandlukela etempeleni, ni le Diboni, ni le switsungeni leswi tlakukeke va ya rila kona. Mowabu wa rila ehenhla ka Nebo na Medeba: nhloko yin'wana ni yin'wana yi byewuriwile, ni malebvu hinkwawo ma byewuriwile.

BIBELE Mahungu Lamanene

² Vaaki va muti wa Diboni va tlhandlukerile eswitsungeni leswo hlawuleka, va ya rila. Vanhu va tiko ra Mowabu va tlhava mukhosi va rilela muti wa Nebo ni wa Medeba. Hinkwavo va byewule misisi, va tsema ni malebvu.

Esaya 15:2 Referans Kwoze

Yeremiya 48:1

Ku vula Yehovha wa tinyimpi, Xikwembu xa Israele a ku: “U ni khombo Nebo, hikuva u onhiwile; Kiriyatayimi u khomisiwile tingana, u ngheniwile; Misigaba u khomisiwile tingana, kutani u tshoviwile.

Levhitika 21:5

Vaprista va nga tshuki va byewula misisi, va nga tshuki va titsemela ematlhelo ya malebvu, va nga titlhaveli emirini ya vona.

Yeremiya 48:18

“Xika eku twakaleni, wena muaki, n'wana Diboni, u titshamela etorheni; hikuva muonhi wa Mowabu u ta ku hlasela, u ta mbundzuxa makhokholo ya wena.

Esaya 3:24

Ematshan'weni ya leswo nun'hwela, ku ta va ku bola; ni le matshan'weni ya deveci, ku ta va pindza; ematshan'weni ya misisi leyi horhiweke, ku ta va mimpandhla; ematshan'weni ya tinguvu leto kokakoka, ku ta va saka lero khwaxa; ematshan'weni ya vumbhurhi, ku ta va xisandzu lexi funghiweke hi ndzilo.

Duteronoma 34:1

Kutani Muxe a suka etimbaleni ta Mowabu, a va khandziya entshaveni ya Nebo, enhlohlorhini ya Pisga, leyi langutaneke na Yeriko. Kutani Yehovha a n'wi kombisa tiko hinkwaro: ra Giliyadi ni ku ya fika eDani,

Tinhlayo 21:30

Hi va copetele hi miseve, Ku suka eHexiboni, ku fika eDiboni, Hinkwaswo swi herisiwile, Hi hlaserile ku ya fika eNofaka; Ndzilo wu ya fika eMedeba.”

Ezekiele 7:18

Va ta ambala tinguvu leto khwaxa, ku chava ku va funengeta; tingana ti le mimombyeni ya vona, tinhloko ta vona ti byewuriwile.

Yeremiya 48:31

Hikwalaho ndzi rilela Mowabu, ndzi rilela Mowabu hinkwaro; ka ririwa hikwalaho ka vanhu va Kiri-Herexe.

Yeremiya 47:5

“Mpandhla wu ta va kona eka Gaza Axikeloni u ta onhiwa swin'we ni leswi seleke swa rivala ra vona. U ta titlhavetela kangani-ke?

Yeremiya 7:29

“ ‘Byewula misisi, u yi cukumeta, kutani u endla nkosi eswitsungeni leswi tlakukeke, hikuva Yehovha u cukumetile rixaka rero a ri kariheleke, u ri sandzile.’

Esaya 22:12

Hosi, Yehovha wa tinyimpi, u mi vitanele hi siku lero eku rileni ni ku tiba swifuva, ku byewula misisi ni ku ambala nguvu leyo khwaxa.

Esaya 16:12

Kutani, hambi ku voniwa Mowabu a karhala exitsungeni, ni loko a nghena etempeleni ku ya khongela, a nga ka a nga kumi nchumu!

Esaya 16:7

Mowabu u ta rilela Mowabu! Tiko hinkwaro ri ta va enkosini! Rilani, mi rilela swipambana swa Kiri-Harasete!

Esaya 15:3

Emintsendzeleni va tifunengeta hi maxaka; ehenhla ka tindlu ni le tihubyeni, hinkwavo va vovola, va rila hi xivitwana.

Esaya 14:31

“Wena nyangwa, kolola! Bana huwa, wena muti! Wena tiko hinkwaro ra Vafilista, hela mbilu! Hikuva ku ta huma musi lowu humaka en'walungwini. A ku na la nyengaka emavandleni ya valala!”

Ntirho 1:20

Yobo a yima, a handzula tinguvu ta yena, a byewula nhloko, a tiwisa ehansi a khinsama, a ku:

Duteronoma 14:1

“Mi vana va Yehovha, Xikwembu xa n'wina: Mi nga tshuki mi titlhavela tinhlanga emirini, kambe mi nga tshuki mi byewula misisi emahlweni hikwalaho ka mufi.

Tinhlayo 32:38

va aka na Sibima, kutani va thya miti leyi va yi akeke mavito man'wana.

Tinhlayo 32:3

“Miti ya Ataroti na Diboni, na Yazere, na Nimra, na Hexiboni, na Eleyale, na Sebamu, na Nebo, na Beyoni,

Levhitika 13:40

“Kungakuloko misisi ya munhu yi kundzumukile enhlokweni, i rihandla, u tengile.

Tinhlayo 21:28

Hikuva ndzilo wu humile eHexiboni, Langavi ri humile emutini wa Sihoni; Ri hisile Ara-Mowabu, Ni vini va tintshava ta Arinoni.

2 SAMIELE 10:4

Kutani Hanunu a teka malandza ya Davhida, a ma byewula malebvu hitlhelo, a xeka ni tinguvu ta vona hitlhelo ku fika ehansi ka swifungha, kutani a va tlherisa.

Yeremiya 3:21

Rito ri twakala etintshaveni leti tlakukeke, i ra swirilo ni mikhongelo ya vana va Israele, hikuva va hombolokisile tindlela ta vona, va rivele Yehovha, Xikwembu xa vona.

Yeremiya 47:2

Ku vula Yehovha: “Vona, mati ma karhi ma tlhandluka ma huma etlhelo ra n'walungu; i boboma leri tihalakelaka, ri funengeta misava, ni lava yi teleke vona, ni miti ni lava akeke eka yona.

Yeremiya 48:35

Ndzi ta endla leswaku Mowabu a pfumala ni un'we la nga ta tlhandlukela exivandleni lexi tlakukeke, ni ku hisela swikwembu swa yena mirhi ya risuna, ku vula Yehovha.

Ezekiele 27:31

Va ta tiendla mimpandhla hikwalaho ka wena, va tiboha hi tinguvu leto khwaxa, va rilela wena hi ku vaviseka ka timbilu hi ku rila loku chavisaka.

Ezekiele 30:2

“N'wana wa munhu, profeta u ku: Hosi Yehovha u ri: Rilani! Yo esikwini lero!

Amosi 8:10

Ndzi ta hundzula mikhuvo ya n'wina mikosi, ni tinsimu hinkwato to tsaka, ndzi ti hundzula mahlomulo; ndzi ta ambexa swisuti hinkwaswo hi tinguvu to khwaxa, ndzi endla tinhloko hinkwato mimpandhla; e xirilo ndzi xi endla lexi fanaka ni xirilo lexi endleriwaka n'wana la nga swakwe, ku hetelela ka xona ku fana ni siku lero vava.

1 TIKRONIKA 19:4

Kavaloko Hanunu a khoma malandza ya Davhida a ma byewula, a tsema tinguvu ta vona hi le xikarhi ku fika eswifungheni, kutani a va tlherisa.

Yeremiya 49:3

Kololani Hexiboni! Hikuva Ayi wu onhiwile; huwelelani vana va Rhaba, mi ambala tinguvu to khwaxa; rilani, mi famba erirhangwini, hikuva Milikomo u ta yisiwa ekhotsweni swin'we ni vaprista ni tindhuna ta yena.