Esaya 14:2 - Xitsonga (Bibele)

² Vamatiko va ta va teka va va yisa ekaya ka vona; kutani yindlu ya Israele yi ta va fuma etikweni ra Yehovha, va va malandza ya vona ya xinuna ni ya xisati; va ta endla lava va va boheke makhumbi ya vona, kutani va ta fuma lava va nga va xanisa.

BIBELE Mahungu Lamanene

² Vanhu va matiko man'wana va ta heleketa Vaisraele loko va tlhelela etikweni ra vona; kambe vanhu lava va ta fika va hundzuka mahlonga ya Vaisraele etikweni ra HOSI Xikwembu; lava a va khomile Vaisraele va va yisa evukhumbini, va ta hundzuka makhumbi ya Vaisraele, ni vanhu lava a va xanisa Vaisraele, va ta fumiwa hi vona.

Esaya 14:2 Referans Kwoze

Esaya 61:5

Vamatiko va ta va kona, va ta risa mitlhambi ya n'wina, vana va vamatiko, va ta va varimeri va n'wina, ni vahlayisi va tivhinya ta n'wina.

Esaya 60:14

Vana va vaxanisi va wena va ta ta eka wena hi ku titsongahata, kutani hinkwavo lava ku soleke va ta khinsama emilengeni ya wena; u ta vuriwa muti wa Yehovha, Siyoni wa Mukwetsimi wa Israele.

Yeremiya 30:16

Hambiswiritano hinkwavo lava ku dyaka va ta dyiwa hinkwavo lava ku kamanyetaka va ta yisiwa eku bohiweni, lava ku nyenyemukaka va ta nyenyemukiwa hinkwavo lava ku onhaka ndzi ta va nyiketa eku onhakeni.

Daniele 7:18

kambe vahlawuriwa va La nge henhlahenhla va ta hiwa ku fuma, kutani va ta fuma hi masiku ni le mikarhini leyi nga riki na ku hela.’

Esaya 49:23

Tihosi ti ta va vawundli va wena, ni makosikazi va ta va vaan'wisi va wena, va ta korhamela ehansi emahlweni ka wena, va ta nantswa ntshuri wa milenge ya wena, kutani u ta swi tiva leswaku hi mina Yehovha, ni leswaku lava ndzi tshembaka va nga ka va nga vi na tingana.”

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.

Varhoma 15:27

Va swi tsakerile hikuva va ni nandzu eka vona swinene. Hikuva vamatiko, loko va averiwile xuma xa vona xa Moya na vona, va fanele ku va tirhela hi xuma xa vona xa nyama.

Esaya 18:7

Enkarhini wolowo, ku ta tiseriwa Yehovha wa tinyimpi nhlengo hi tiko ra vanhu va xiyimo xo leha, lava byewuriweke, lava chaviwaka ekule mpfhuka va nga tiko, tiko ra matimba, leri fayaka hinkwaswo, tiko ra milambu leyo tala, swi ta tisiwa laha Yehovha wa tinyimpi a khongeriwaka kona, entshaveni ya Siyoni.

Pisalema 68:18

U tlhandlukele ehenhla, u yise vakhomiwa, U tekile tinyiko exikarhi ka vanhu, Ni le xikarhi ka lava tiarisaka, Leswaku ku va ni vuako bya Yehovha Xikwembu exikarhi ka vona.

Vaefesa 4:8

hilaha va nga te: “Kuteloko a tlhandlukele ehenhla, u byisile vakhomiwa, u nyike vanhu tinyiko.”

Vagalatiya 5:13

Vamakwerhu, mi vitaneriwile eku tshunxekeni; kambe ntsena mi nga tshuki mi endla ku tshunxeka wu va nkarhi wa ku hanya hi nyama, kambe tirhisanani hi rirhandzu.

2 Vakorinto 10:5

ni ku hlanhla makungu, ni rirhangu hinkwaro leri tlakukeke, leri sivelaka ku tiva ka Xikwembu, ni ku byisa mianakanyo hinkwayo eku yingiseni ka Kriste;

Ezra 2:65

ehandle ka malandza ya vona, ya xinuna ni ya xisati, va endla 7 377, va 200 eka vona a swi ri swiyimbeleri swa vavanuna ni swa vavasati.

Luka 12:45

Kambe, kungakuloko nandza yeloyi a vulavula embilwini ya yena, a ku: ‘Hosi ya mina yi hlwela ku ta,’ kutani a sungula ku ba malandza ya vavanuna ni ya vavasati a dya, a nwa, a pyopyiwa;

Esaya 31:8

“Kutani Asiriya u ta herisiwa hi tlhari leri nga riki ra munhu, ni fumu leri nga riki ra munhu ri ta n'wi dya, a baleka emahlweni ka rona, kutani majaha ya yena ma ta endliwa makhumbi.

Esaya 45:14

Ku vula sweswo Yehovha: “Bindzu ra Egipta, ni xuma xa Etiyopiya ni xa va Xeba lavo leha, swi ta ta eka wena, swi va swa wena, swi ku landza. Va ta ta va bohiwile va ta korhama emahlweni ka wena, va ta ku khongela: ‘Ku hava Xikwembu ehandle ka wena; xin'wana ku hava ni lexitsanana.’ ”

Esaya 49:22

U vula sweswo Hosi Yehovha, u ri: “Ndzi ta tlakusela voko ra mina eka matiko, ndzi ta yimisa mujeko wa mina eka matiko kutani va ta vuyisa vana va wena va xinuna emavokweni ya vona, ni vana va wena va xisati emakatleni ya vona.

Esaya 49:25

“Ina,” ku vula Yehovha, “leswi khomiweke hi munhu wa matimba, na swona swi ta tshunxiwa, ni leswi phangiweke hi munhu wa vukari swi ta vutleriwa yena! Mina, ndzi ta lwa ni valala va wena, ndzi ta ponisa vana va wena ndzi ri mina.

Esaya 54:3

Hikuva u ta hangalaka tlhelo ra xinene ni tlhelo ra ximatsi, kutani vatukulu va wena va ta hlula matiko, va ta aka emitini leyi tshikiweke.

Yeremiya 49:2

Hikwalaho ma ta ta masiku lawa, ku vula Yehovha, ndzi nga ta ba ha wona nkosi wa nyimpi ehenhla ka Rhaba wa vana va Amoni, u ta endla rhumbi; kutani miti ya vona yi ta hisiwa hi ndzilo; kutani Israele u ta fuwa ndzhaka ya lava ngi va n'wi fuwile, ku vula Yehovha.

Ezekiele 39:10

Va nga ka va nga lavi tihunyi enhoveni, hambi ku ri ku ti tsema eswihlahleni, hikuva va ta tshivela ndzilo hi matlhari. Va ta phanga lava ingi va va phanga, va ta hlasela lava ingi va va hlasela.

Yuwele 3:8

Ndzi xavisa vana va n'wina va xinuna ni va xisati eka vana va Yuda, leswaku va xavisiwa eka va Xeba, tiko ra le kule; hikuva Yehovha u vurile.”

Obadiya 1:17

Kambe lava poneke va ta va kona entshaveni ya Siyoni; xi ta va xivandla lexi hlawulekeke, kutani va yindlu ya Yakobo va ta fuma ndzhaka ya vona.

Zakariya 2:9

“Hikuva ndzi ta ndzuluta voko ra mina ehenhla ka wona, ma ta hluriwa hi malandza ya wona, kutani mi ta tiva leswaku Yehovha wa tinyimpi u ndzi rhumile.

Levhitika 25:44

Lava fuyiwaka, va xinuna ni va xisati, lava mi nga ta va fuwa, va ta huma ematikweni lawa mi xaxameleke na wona; mi ta xava eka vona makhumbi ya xinuna ni ya xisati.

Esaya 60:4

Rhalarhala matlhelo hinkwawo, u languta: Va hlengeletana hinkwavo, va ta eka wena vana va wena va huma ekule, ni vana va wena va xisati va vukarhiwa etsheveni.

Esaya 66:12

Hikuva Yehovha u vulavurile sweswo a ku: “Waswivo, ndzi ta fambisa ka yena ku rhula tanihi nambu, ni ku twala ka matiko tanihi boboma leri halakaka, kutani mi ta an'wa, mi va mi velekiwa, ni ku vukarhiwa.

Zakariya 2:13

Nyama hinkwayo, miyelani emahlweni ka Yehovha! Hikuva u pfukile evutshan'weni bya yena lebyi nga hlawuleka.