Esaya 13:9 - Xitsonga (Bibele)

⁹ Vonani, siku ra Yehovha ra ta, ra nonon'hwa, ri tele ku kariha loku pfurhaka. Ri ta endla tiko emananga ri lovisa vabihi lava nga eka rona.

BIBELE Mahungu Lamanene

⁹ Vonani, siku ra HOSI ra ta ni tihanyi ta rona, ri ta ni vukari, ni ku hlundzuka loku pfurhaka; misava yi ta sala yi ri marhumbi ntsena, vadyohi lava hanyaka eka yona va ta herisiwa.

Esaya 13:9 Referans Kwoze

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Esaya 13:6

Vovolani, hikuva siku ra Yehovha ri kusuki: ri ta tanihi ku onha loku rhumiweke hi Lowa matimba hinkwawo.

Nahume 1:2

Yehovha i Xikwembu lexa rilondzo, xi rihisaka; Yehovha wa rihisela, u tele vukari; Yehovha u tirihisela eka lava n'wi lwisaka, vukari bya yena u byi hlayisela lava nga valala eka yena.

Pisalema 104:35

Vadyohi a va lovele emisaveni, Lavo biha a va nga ha vi kona! Moya wanga, khensa Yehovha! Dzunisani Yehovha!

Swivuriso 2:22

Kambe lavo biha va ta susiwa la emisaveni, Ni timbabva ti ta tsuvuriwa eka yona.

Nhlavutelo 18:8

hikwalaho makhombo ya yena ma ta humelela hi siku rin'we, rifu, ni nhlomulo ni ndlala, kutani u ta hisiwa hi ndzilo, hikuva Hosi leyi n'wi avanyisaka i Xikwembu xa matimba.”

Esaya 9:19

Hi vukari bya Yehovha wa tinyimpi, misava ya hisiwa; tiko ri tshwa hi ndzilo, a ku na munhu la tsetselelaka makwavo.

Ezekiele 13:5

A mi yanga laha rirhangu ri nga boxiwa kona, a mi biyanga yindlu ya Israele hi rirhangu leswaku mi tiya enyimpini hi siku ra Yehovha;

Yuwele 1:15

Hikuva siku ra Yehovha ri tshinele, ra ta kukota xirha xa Lowa matimba hinkwawo.

Yuwele 2:31

“Dyambu ri ta hundzuka munyama; ni n'weti wu hundzuka ngati, ku nga si ta siku lerikulu, leri chavisaka ra Hosi.

Nahume 1:8

U ta lovisa xivandla xa Ninivha hi ndhambi leyi kukutaka, kutani lava nga valala eka yena u ta va pfalela emunyameni.

Zakariya 14:1

Vona, ra ta siku leri ri nga ra Yehovha, leri leswi nga phangiwa eka wena swi nga ta avanyisiwa exikarhi ka wena ha rona.

Esaya 2:12

Hikuva ku ni siku ra Yehovha wa tinyimpi, ra ku tsongahata hinkwaswo leswi tlakukeke, ni hinkwaswo leswi tikukumuxaka;

Esaya 34:8

Hikuva Yehovha u vekile siku ro rihisa ni lembe ro rihisa, leri a nga ta rihisa Siyoni ha rona.

Esaya 63:4

Hikuva siku ra ku tirihisela a ri ri kona embilwini ya mina, kutani lembe ra vakutsuriwa va mina ri fikile.

Esaya 66:17

“Lava tihlawulaka, lava tibasisaka ku ya emitangeni, va ri karhi va etisa loyi a va fambisaka, lava dyaka nyama ya nguluve, ni swilo swa manyala, ni makondlo, valavo hinkwavo va ta lova,” ku vula Yehovha.

Ezekiele 30:3

Hikuva siku ri kusuhi, rona siku ra Yehovha ri kusuhi, siku ra munyama; wu ta va nkarhi wa vona vamatiko.

Yuwele 2:1

Yimbani timhalamhala eSiyoni, mi yimba tinanga entshaveni ya mina leyo kwetsima! Vaaki hinkwavo va tiko a va rhurhumele, hikuva siku ra Yehovha ra ta, ri fikile,

Sofoniya 1:15

Siku rolero! Siku ra vukari, i siku ra khombo ni ra nhlomulo, i siku ra ku onha ni ra ku onhaka, i siku ra munyama lowa ntima, i siku ra mapapa ni ra munyama lowa ntima!