Esaya 13:5 - Xitsonga (Bibele)

⁵ Va huma ekule, emakun'wini ya matilo i Yehovha ni matlhari ya vukari bya yena la teke ku ta onha tiko hinkwaro.

BIBELE Mahungu Lamanene

⁵ Va ta hi le matikweni ya le kule, va huma evugimamusi. HOSI Xikwembu xi tirhisa vona ku hlasela lava xi va hlundzukeleke, xi herisa tiko hinkwaro.

Esaya 13:5 Referans Kwoze

Matewu 24:31

U ta rhuma tintsumi ta yena leti yimbaka tinanga ta mpfumawulo lowukulu, ti ta hlengeleta vahlawuriwa va yena etimhehweni leta mune, ku sungula emakun'wini ya matilo, ku yisa emakun'wini man'wana.

Yeremiya 51:11

Vangamisani miseve, mi tamela switlhangu. Yehovha u pfuxile moya wa tihosi ta Vameda, hikuva u kanelela Babilona ku n'wi onha; hikuva hi kona ku rihisa ka Yehovha, ku ri ku rihisela tempele ya yena.

Yeremiya 50:9

Hikuva ndzi ta pfuxa, ndzi humesela Babilona nhlengeletano ya matiko lamakulu ya le misaveni ya n'walungu, kutani va ta n'wi phalalela; ku va kona a khomiwaka. Miseve ya vona yi kotisa ya tinhenha leto tlhariha, ti nga ka ti nga vuyi mahala.

Yeremiya 50:3

Hikuva tiko leri humaka en'walungwini, ri humele eka rona ku endla tiko ra kona emananga, leswaku ku nga vi na muaki eka rona; hambi va ri vanhu ni tihomu, va chavile va sukile.

Esaya 24:1

Vonani, Yehovha u ta onha tiko ri hundzuka mananga; u ta onha nghohe ya rona, a hangalasa vaaki va rona.

Esaya 13:17

Vonani, ndzi ta va kucetela Vameda, lava nga vuriki nchumu hi silivhere, lava nga rhandziki nsuku.

Esaya 5:26

U tlakusela matiko lama nga ekule mujeko, u va bela miloti leswaku va huma emakun'wini ya misava. Vonani, kan'we va fika, va nga tikeriwi.

2 SAMIELE 1:27

“Tinhenha ti wile hi ku yini? Matlhari ya tona ma lahlekile hi ku yini?”

Esaya 7:18

Kutani emikarhini yoleyo Yehovha u ta ba noti eka tinhongana leti nge makumu ka milambu ya Egipta, ni tinyoxi ta tiko ra Asiriya.

Esaya 10:5

Khombo eka Asiriya, nkhavi wa vukari bya mina! Nkhavi lowu ndzi wu vekaka evokweni ra yena, wu ta ndzi rihisela.

Esaya 26:20

Yana, tiko ra mina, u nghena emakamareni ya wena, u pfala nyangwa endzhaku ka wena; tumbela nkarhinyana, vukari bya yena byi ko byi hundza.

Esaya 30:27

Vonani, vito ra Yehovha ra ta hi le kule; ri ta hi ndzilo lowo kariha ni ku hisa loku chavisaka; milomu ya yena yi tele ku kariha, ririmi ra yena ri kotisa langavi leri hisaka.

Esaya 34:2

Hikuva Yehovha u karihele matiko hinkwawo, u karihele tinyimpi ta wona hinkwato; u va yirisile u va nyiketile rifu.

Esaya 48:14

Hlengeletanani hinkwenu, mi yingisa: I mani wa vona la bvumbheke swilo leswi? La rhandziwaka hi Yehovha u ta endla eka Babele lexi a xi rhandzaka, voko ra yena ri ta lwa ni Vakalediya.

Esaya 66:14

Mi ta swi vona, timbilu ta n'wina ti ta tsaka, marhambu ya n'wina ma ta kuma matimba lamantshwa tanihi byanyi; voko ra Yehovha ri ta tikombisa hi rirhandzu eka malandza ya yena, kambe u ta kombisa ku kariha eka valala va yena.

Yeremiya 8:19

Mbilu ya mina yi hela exifuveni xa mina. Yingisani rito ra swirilo ra n'wana wa tiko ra mina leri humaka etilweni leri nga ekule; ri ku: “Xana Yehovha a nga ha ri kona eSiyoni xana? Xana hosi ya yena a ya ha ri kona-ke?” “Va ndzi karihisela yini hi swifaniso swa vona leswi vatliweke, byi nga vuhava bya matiko?”

Yeremiya 50:25

Yehovha u pfurhile vuhlayiselo bya yena, u humesile kona matlhari ya ku kariha ka yena hikuva i Hosi, Yehovha wa tinyimpi la nga ni mhaka ni tiko ra Vakalediya.

Ezekiele 22:31

Hikwalaho ndzi ta chela vukari bya mina ehenhla ka vona; ndzi va lovisa hi ndzilo wa vukari bya mina, ndzi veka nandzu wa tindlela ta vona etinhlokweni ta vona, ku vula Hosi Yehovha.”