Esaya 13:11 - Xitsonga (Bibele)

¹¹ Ndzi ta ba misava hikwalaho ka ku biha ka yona, ni swidyohi hikwalaho ka ku dyoha ka swona; ndzi ta herisa vukulu bya vatiarisi, ndzi tsongahata lava tikurisaka.

BIBELE Mahungu Lamanene

¹¹ HOSI Xikwembu xi ri: “Ndzi ta ba misava hikwalaho ka vudyoho lebyi nga ka yona, lavo homboloka ndzi ta va bela milandzu ya vona; ndzi ta herisa lava tikurisaka ni ku tiarisa, lava manyunyu ni tihanyi, ndzi ta va tsongahata.

Esaya 13:11 Referans Kwoze

Esaya 2:11

Mahlo lama honokeke ya lowa ku fa ma ta tsan'wisiwa, ku tikukumuxa ka tinhenha ku ta tsongahatiwa, kutani Yehovha a ri swakwe u ta tlakusiwa siku rero.

Esaya 5:15

Lowa ku fa u ta tsongahatiwa, ni vakulukumba va ta tsan'wisiwa, mahlo ya vatikurisi ma ta langutisiwa ehansi.

Esaya 26:21

Hikuva vonani, Yehovha u huma evuakweni bya yena ku ta endzela ku dyoha ka vaaki va misava, kutani misava yi ta yimbula ngati leyi yi fundziweke hi yona, a yi nga ha fihli vadlayiwa va yona.

Esaya 14:21

Lunghiselani vana va yena ku dlawa hikwalaho ka ku dyoha ka vatata wa vona! Va nga ti tshuka va pfuka ku fuma misava, ni ku tata misava hi miti ya vona!”

Esaya 11:4

U ta avanyisa xisiwana hi ku lulama, a kanela timhaka ta lavatsongo va misava hakunene. U ta ba misava hi nhonga ya nomu wa yena, a lovisa swidyohi hi moya wa nomu wa yena.

Esaya 3:11

U ni khombo mudyohi, u ni khombo, hikuva u ta nyikiwa hakelo ya mitirho ya mavoko ya yena.

Esaya 2:17

Ku kukumuka ka lowa ku fa ku ta tsongahatiwa, ku tlakuka ka tinhenha ku ta tsan'wisiwa, kutani Yehovha a ri swakwe u ta tlakusiwa esikwini rero.

Ntirho 40:12

Languta vatiarisi hinkwavo, u va wisa, U kandziyela timbabva laha ti yimaka kona;

Swivuriso 8:13

Ku chava Xikwembu i ku venga swo biha; Ndzi venga manyunyu, ni ku tidzunisa, ni ku famba loko biha, Ni nomu wo homboloka.

Esaya 14:5

“Muxanisi u herile hi ku yini? Vuhenyi ku hava!

Esaya 22:14

Yehovha wa tinyimpi u ndzi hleverile, a ku: “Hakunene, ku dyoha loku mi nga ka mi nga ku khomeriwi, mi ta ondza mi fa, ku vula Hosi, Yehovha wa tinyimpi.”

Esaya 23:9

I Yehovha wa tinyimpi la kaneleke swona, a ta vunisa ku tikukumuxa ka hinkwaswo leswi vangamaka, ni ku tsongahata hinkwavo vakulukumba va misava.

Esaya 24:21

Hi siku rero Yehovha u ta avanyisa le tilweni mavandla ya le henhla ni tihosi ta la ehansi emisaveni.

Esaya 25:3

Hikwalaho matiko lama nga ni matimba ma ku dzunisa, miti ya vamatiko lava nga ni matimba ya ku chava.

Esaya 29:5

Kambe ntshungu wa valala va wena wu ta va tanihi ritshuri lero vevukanyana; ntshungu wa tinhenha wu va tanihi mungu lowu hahaka; kan'wekan'we swi ta humelela!

Esaya 29:20

Hikuva muxanisi a nga ka a nga ha vi kona; musandzi, na yena, u ta hela, ni vanhu hinkwavo lava nga hanyanya na yena ku endla swo biha va ta va va susiwile;

Esaya 65:7

swidyoho swa n'wina,” ku vula Yehovha, “swin'we ni swidyoho swa vatata wa n'wina, lava nga humesa mirhi ya risuna etintshaveni, lava ndzi sandzeke eswitsungeni; ndzi ta va pimela hakelo ya ku hanya ka vona ka khale.”

Yeremiya 48:29

“Hi twile ku tikukumuxa ka Mowabu mutikukumuxi lonkulu, ni ku tiarisa ka yena, ni ku tinyungubyisa ka yena, ni ku tikurisa ka yena, ni ku tlakuka ka mbilu ya yena.

Habakuku 2:4

“Vona, moya wa yena wu kukumukile, a wu lulamanga eka yena; kambe la lulameke u ta hanya hi ku pfumela ka yena.

Swivuriso 11:31

Hambi a va la lulameke, wa hakeriwa laha emisaveni, Swi to yini eka lowo biha ni mudyohi!

Esaya 2:12

Hikuva ku ni siku ra Yehovha wa tinyimpi, ra ku tsongahata hinkwaswo leswi tlakukeke, ni hinkwaswo leswi tikukumuxaka;

Esaya 25:5

U tsongahatile pongo ra vamatiko, tanihi mumu loko wu phumerisiwa etikweni leri omeke; risimu ro khana ra vamatimba ri tsongahatiwa tanihi risana loko ri siveriwa hi ndzhuti wa papa.

Daniele 4:34

Eku heleni ka masiku walawo, mina, Nebukadnetsara, ndzi tlakuse mahlo ya mina ehenhla, kutani ku titiva ku tlhelela eka mina. Ndzi vonga La nge henhlahenhla, ndzi dzunisa, ndzi kurisa loyi a hanyaka hilaha ku nga heriki, loyi ku fuma ka yena ku nga ku fuma loku nga heriki, loyi vuhosi bya yena byi sukaka erixakeni rin'wana ku yisa etinxakeni leti nga heriki.