Esaya 12:2 - Xitsonga (Bibele)

² Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

BIBELE Mahungu Lamanene

² “Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Esaya 12:2 Referans Kwoze

Eksoda 15:2

Yehovha i matimba ya mina, ni risimu ra mina; Hi yena Mukutsuri wa mina. Hi xona Xikwembu xanga; ndzi ta xi dzunisa; I Xikwembu xa tatana, ndzi ta xi twarisa.

Pisalema 27:1

Yehovha i ku vonakala ka mina, ni ku hlayiseka ka mina: Ndzi nga tshukisiwa hi mani? Yehovha i khokholo ra vutomi bya mina: Ndzi nga rhurhumela emahlweni ka mani xana?

Pisalema 118:14

Yehovha, i matimba ya mina, ni risimu ra mina, Hi yena la ndzi ponisaka.

Nhlavutelo 7:10

Kutani va huwelela hi marito lama tlakukeke va ku: “Ku hlayiseka i ka Xikwembu xa hina lexi tshameke exiluvelweni, ni ka Xinyimpfana.”

Yonasi 2:9

Lava tinyiketaka eka leswa hava, va titsonela tintswalo.

Esaya 45:17

Israele u ponisiwe hi Yehovha hi ku pona loku nga heriki, a mi nga ha vi na tingana ni ku soriwa, hi laha ku nga heriki.

Yeremiya 23:6

Emikarhini ya yena, Yuda u ta hanya, Israele a tiakela eku tsakeni kutani hi rona vito lero va nga ta n'wi vitana ha rona: ‘Yehovha, ku lulama ka hina.’

Yeremiya 3:23

Kunene pongo leri humaka eswitsungeni ni le tintshaveni a ri pfuni nchumu, kambe ku hlayiseka ka Israele ku huma eka Yehovha, Xikwembu xa yena.

Pisalema 83:18

Va ta tiva leswaku wena loyi vito ra yena a nga Yehovha, U tlakukile ehenhla ka misava hinkwayo.

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Hosiya 1:7

Loko yi ri yindlu ya Yuda, ndzi ta yi tsetselela, ndzi yi ponisa ha Yehovha, Xikwembu xa yona, ndzi nga ka ndzi nga va ponisi hi miseve; ni tlhari, ni ku lwa, ni tihanci, ni vakhandziyi.”

Esaya 62:11

Maswivo, Yehovha u tivisile ku ya fika emakun'wini ya misava, a ku: “Byelani n'wana wa Siyoni: ‘Waswivo muponisi wa wena wa ta; waswivo, ku khensa ka yena ku na yena, ni hakelo ya yena yi le mahlweni ka yena.’ ”

Esaya 32:2

Un'wana ni un'wana wa vona u ta kotisa xisirhelelo loko moya wu hunga, kukota xichavelo loko xidzedze xi fika, kukota xinambyana xa mati etikweni ra dyandza, ni ndzhuti wa ribye leri tlakukeke etikweni leri omeke.

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

1 SAMIELE 2:1

Kavaloko Hana a khongela, a ku: “Mbilu yanga yi titsakela eka Yehovha. Matimba ya mina ma tlakusiwa hi Yehovha, Nomu wa mina wu tipfulele valala va mina; Hikuva ndza titsakela eku hlayisekeni ka wena.

Ntirho 13:16

Hi kona ku nga ta va ku hlayiseka ka mina, Hikuva musandzi a nga ka a nga yimi emahlweni ka xona.

Pisalema 112:8

Mbilu ya yena yi tiyile swinene, a nga chavi nchumu, Mahlo ya yena ma ko ma tsakisiwa hi valala va yena.

Esaya 10:24

Hikwalaho, Hosi, Yehovha wa tinyimpi, u te: “Wena tiko ranga la akeke eSiyoni, u nga chavi Asiriya, hambi a ku ba hi nkhavi, ni loko a tlakusa nhonga ehenhla ka wena, tanihi leswi ku endliweke khale hi Vaegipta.

Esaya 17:10

Hikuva u rivarile Xikwembu lexi ku ponisaka, a ku anakanyanga ribye ra khokholo ra wena; hikwalaho i ngi u rimile mitanga leyi tsakisaka, u simeka ni mirhi ya vhinya ya misava yin'wana.

Esaya 27:5

Loko swi nga ri leswaku va kombela ku londzovotiwa hi mina, va kombela ku rhula, va va va hlangana na mina.”

Esaya 49:5

Kutani sweswi Yehovha wa vulavula, yena la ndzi vumbeke ndza ha ri ekhwirini ra manana leswaku ndzi ta va nandza wa yena, ndzi n'wi vuyisela Yakobo, ndzi n'wi hlengeletela Israele. Hikuva ndza chaviseka emahlweni ka Yehovha, kutani matimba ya mina i Xikwembu xa mina.

Esaya 50:10

I mani exikarhi ka n'wina la chavaka Yehovha, la yingisaka rito ra nandza wa yena xana? I mani la fambaka emunyameni, la pfumalaka ku vonakala, a a tshembe vito ra Yehovha, a a titiyise eka Xikwembu xa yena.

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

Esaya 65:18

Kambe hikwalaho ka leswi ndzi nga ta swi vumba, tsakani, mi tsakisisa hi masiku, hikuva Yerusalema, ndzi n'wi tumbuluxela ku tsaka, ni tiko ra yena ku tsakisisa.

Daniele 3:28

Kutani Nebukadnetsara a vulavula, a ku: “A ku dzunisiwe Xikwembu xa Xadraka, na Mexaka, na Abedi-Nego lexi rhumeke ntsumi ya xona, xi hlayisile malandza ya xona lama xi tshembeke, lama tluleke ku lerisa ka hosi; va tshiketile miri ya vona leswaku va nga tshuki va tirhela ni ku khongela xikwembu xin'wana, loko xi nga ri Xikwembu xa vona.

Yuwele 2:23

Na n'wina vana va Siyoni, tsakani, mi tsaka ngopfu eka Yehovha, Xikwembu xa n'wina, hikuva u ta mi nyika hilaha ku fanelaka e timpfula letikulu, u ta mi nisela timpfula, timpfula ta rihunga, ni ta xirimo; hi wona masungulo.

Habakuku 3:18

Kambe mina, ndzi ta titsakela eka Yehovha, ndzi tsakisisa eka Xikwembu xa ku ponisiwa ka mina.

2 SAMIELE 7:24

Kutani u tivekele tiko ra wena ra Israele ku va tiko ra wena hi masiku; kutani wena, Yehovha, a wu ri Xikwembu xa vona.

Pisalema 65:6

U tiyisa tintshava hi matimba ya wena, Wena la ambaleke matimba;

Pisalema 68:20

Xona Xikwembu, hi xona lexi nga ni matimba ya ku hi ponisa, Hi yena Yehovha, Hosi ya hina, la tivaka ku hi humesa eku feni.

Pisalema 68:21

Kunene Xikwembu xi ta faya tinhloko ta valala va xona, Ni ripala leri nga ni misisi ra lava hanyaka eku dyoheni ka vona.

Pisalema 118:21

Ndzi ta ku tlangela, hikuva u ndzi yingisile, U ve ku hlayiseka ka mina.

Esaya 33:22

Hikuva Yehovha i muavanyisi wa hina; Yehovha i mulawuri wa hina; Yehovha i hosi ya hina; u ta hi hlayisa!

Esaya 38:20

Yehovha u ndzi ponisile; hi ta pfumisa tingoti ta magubu ya hina hi masiku hinkwawo ya ku hanya ka hina, endlwini ya Yehovha!

Esaya 51:12

“Hi mina, hi mina la mi chavelelaka. U mani wena u chavaka vanhu lava nga ta fa, ni vana va vanhu lava nga ta hundza kukota byanyi,