Esaya 12:1 - Xitsonga (Bibele)

¹ Hi siku rero u ta ku: “Oho Yehovha! Ndza ku tlangela hikuva u ndzi karihele kambe vukari bya wena byi tlherile, kutani u ndzi chavelele.

BIBELE Mahungu Lamanene

¹ Eminkarhini yoleyo, munhu ú ta yimbelela a ku: “Ndza ku tlangela, we HOSI, hikuva hambileswi a wu ndzi hlundzukerile, sweswi vukari bya wena byi rhelerile, u tlhela u ndzi khongotela.

Esaya 12:1 Referans Kwoze

Pisalema 30:5

Hikuva vukari bya yena i bya nkarhinyana ntsena, Kambe tintswalo ta yena, i ta vutomi hinkwabyo; Swirilo swi nga hambukela eka munhu nimadyambu, Kambe nimixo i ku tsaka.

Esaya 25:1

Oho Yehovha! U Xikwembu xa mina, ndzi ta ku dzunisa; ndzi ta twarisa vito ra wena, hikuva u endlile leswi hlamarisaka. Makungu ya wena ya khale ma tshembeka, ma tiyile.

Esaya 54:8

Eku pfurheni ka vukari bya mina ndzi ku fihlele mombo wa mina nkarhinyana, kambe etintswalweni leti nga heriki ndzi ta ku tsetselela,” ku vula Mukutsuri wa wena, Yehovha.

Zakariya 14:9

Yehovha u ta va hosi ya misava hinkwayo hi siku rolero Yehovha u ta va un'we ni vito ra yena ri va rin'we.

Hosiya 6:1

“Tanani, a hi tlheleleni eka Yehovha, hikuva hi yena la hi handzuleke, kambe u ta hi horisa; u tsemile, kambe u ta hi bohelela timbanga.

Esaya 51:3

Hikuva Yehovha u chavelerile Siyoni, u chavelerile marhumbi ya yena hinkwawo, u endlile mananga ya yena xivandla lexi fanaka na Edeni, ni nhova ya yena mitanga ya Yehovha. Ku ta kumiwa kona ku tsaka ni mikhuvo ya ku tsaka, tinsimu ta ku dzunisa ni mpfumawulo wa timbila.

Esaya 35:10

Lava kutsuriweke hi Yehovha va ta tlhela va ya Siyoni hi tinsimu ta ku tsaka, va vehele etinhlokweni ku tsaka loku nga heriki; ku kateka ni ku tsaka swi ta va hlanganisa, ku vaviseka ni nhlomulo wa mbilu swi ta baleka.

Esaya 14:3

Kutakuloko Yehovha a mi wisisa eku karhaleni ka n'wina, ni le makhombyeni ya n'wina, ni le ku bohiweni loko nonon'hwa loku ingi mi xanisiwa hakona,

Esaya 49:13

N'wina matilo, huwelelani hi ku tsaka! Wena misava, pfuka u tsakisisa! N'wina tintshava, banani mikulungwana! Hikuva Yehovha u chavelerile tiko ra yena, u twerile va yena lava rilaka vusiwana.

Esaya 25:9

Hi siku lero va ta ku: “Vonani, hi xona Xikwembu xa hina; hi tshembile xona, kutani xi hi ponisile! Hi yena Yehovha loyi hi n'wi tshembeke; a hi tsakisiseni hi tsakela ku ponisa ka yena!”

Varhoma 11:15

Hikuva loko ku tshiketiwa ka vona ku hundzukile ku hlanganisiwa ka misava, ku amukeriwa ka vona ku ta va yini, loko ku nga ri ku pfuka ka lava feke xana?

Zakariya 14:20

Hi siku rolero ku ta tsariwa eka swingelengele leswi nga etihancini: “Ku kwetsima ka Yehovha”; timbita leti nga endlwini ya Yehovha ti ta kotisa mikambana leyi nga ekusuhi ni alitari.

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

Esaya 66:13

Tanihi munhu la chaveleriwaka hi mana wa yena, ndzi ta mi chavelela xisweswo kutani mi ta chaveleriwa emutini wa Yerusalema.”

Esaya 26:1

Hi siku lero, risimu leri, ri ta yimbeleriwa etikweni ra Yuda!

Esaya 11:16

Kutani mpfutla wu ta va kona eka masalela ya tiko ra yena, lama nga ta va ma tshamile etikweni ra Asiriya, tanihi leswi ingi wu ri kona eka Israele siku a sukeke etikweni ra Egipta.

Esaya 10:25

Hikuva ku nga ha ri kungani, ku kariha ka mina ku ta hundza, ni vukari bya mina byi ta hambuka eka vona, byi va lovisa.

Esaya 2:11

Mahlo lama honokeke ya lowa ku fa ma ta tsan'wisiwa, ku tikukumuxa ka tinhenha ku ta tsongahatiwa, kutani Yehovha a ri swakwe u ta tlakusiwa siku rero.

Esaya 10:4

A ku salanga nchumu loko ku nga ri ku tsongahatiwa exikarhi ka lava bohiweke, kumbe ku wa exikarhi ka lava dlayiweke. Hambiswiritano, vukari bya yena a byi tlhelanga, ni voko ra yena ra ha tshambulutiwile.

Ntirho 13:16

Hi kona ku nga ta va ku hlayiseka ka mina, Hikuva musandzi a nga ka a nga yimi emahlweni ka xona.

Pisalema 9:1

Ndzi ta dzunisa Yehovha hi mbilu hinkwayo ya mina, Ndzi ta vula mahlori ya wena hinkwawo.

Pisalema 71:21

U ta andzisa vukulu bya mina, U ta tlhela u ndzi miyeta kambe!

Esaya 54:7

Ndzi ku tshikile nkarhinyana, kambe etintswalweni ta mina letikulu ndzi ta ku amukela.

Esaya 54:9

“Hikuva ku ta va eka mina tanihi mati ya Nowa, loko ndzi hlambanya leswaku mati ya Nowa ma nga ka ma nga ha hangalaki emisaveni. Ndzi hlambanyile leswaku ndzi nga ka ndzi nga ha ku kariheli ni ku ku wumeta.

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

Esaya 64:5

U tile ku hlanganisa loyi a endlaka hi ku tsaka leswi lulameke, ni lava ku tsundzukaka, va ri karhi va famba emitileni ya wena. Waswivo, u karihile, hikuva hi ku dyoherile a swi ri tano ni khale, hi ta pona xana?

Esaya 65:18

Kambe hikwalaho ka leswi ndzi nga ta swi vumba, tsakani, mi tsakisisa hi masiku, hikuva Yerusalema, ndzi n'wi tumbuluxela ku tsaka, ni tiko ra yena ku tsakisisa.

Yeremiya 30:19

Ka ha ta huma eka yona ku khensa ni rito ra lava tsakeke; ndzi ta va tatisa, va nga ha ti tshama va hungutiwa; ndzi ta va dzunisa, va nga ti soriwa.

Zakariya 8:11

Kambe sweswi, eka masalela ya tiko leri, a ndzi nga ha vi lexi ngi ndzi ri xona emikarhini ya khale, ku vula Yehovha wa tinyimpi.

Zakariya 8:19

“Yehovha wa tinyimpi u te: Ku titsona swakudya ka n'hweti ya vumune, ni ka ya vuntlhanu, ni ka ya vuntlhanu na timbirhi ni ka ya vukhume, swi ta hundzukela yindlu ya Yuda ku tsaka ni mikhuvo leyinene; ntsena mi tirhandzela ntiyiso ni ku rhula.

Nehemiya 8:10

Va engeta va ku eka vona: “Fambani mi dya tinyama leti noneke, mi nwa leswo nandziha, mi rhumela lava nga lunghiseriwangiki nchumu swakudya, hikuva siku leri hi leri hlawuleriweke hosi ya hina; mi nga hlunami, hikuva ku tsaka ka Yehovha i matimba ya n'wina.”

Ntirho 11:16

U ta rivala ku vaviseka ka wena, U ta ku anakanya ku kota mati lama hundzeke.

Pisalema 85:4

Hi vuyise, Xikwembu xa ku hlayiseka ka hina! U tshika ku hi hlundzukela!

Pisalema 86:17

U ndzi endlela xikombiso xa vunene bya wena! Leswaku lava ndzi vengaka va swi vona, va khomiwa hi tingana. Hikuva u ndzi pfunile, Yehovha, u va u ndzi chavelela.

Esaya 60:10

Vana va n'eni va ta aka rirhangu ra wena, kutani tihosi ta vona ti ta ku tirhela, hikuva evukarini bya mina ndzi ku bile, kambe etintswalweni ta mina, ndzi ku tsetselele.

Yeremiya 31:13

Hilaha vanhwanyana va nga ta tsakisisa eku cineni, ni majaha ni swikoxa swin'we; ndzi ta hundzula tingana ta vona ku tsaka, ndzi va chavelela, ndzi va tsakisa ematshan'weni ya ku vaviseka ka vona.

Zakariya 1:16

Hikwalaho, ku vula Yehovha, ndzi vuyela eka Yerusalema, hi tintswalo, yindlu ya mina yi ta tlhela yi akiwa kona, ku vula Yehovha wa tinyimpi, kutani ngoti ya ku pima yi ta tshambulutiwa ehenhla ka Yerusalema.