Esaya 11:4 - Xitsonga (Bibele)

⁴ U ta avanyisa xisiwana hi ku lulama, a kanela timhaka ta lavatsongo va misava hakunene. U ta ba misava hi nhonga ya nomu wa yena, a lovisa swidyohi hi moya wa nomu wa yena.

BIBELE Mahungu Lamanene

⁴ ú ta avanyisa timhaka ta swisiwana hi ku lulama, ni ta swikamba, ú ta ti tsema hi ndlela leyinene; nomo wa yena wu ta va nhonga yo ba vanhu va misava, loko a hefemula, lavo homboloka va ta fa.

Esaya 11:4 Referans Kwoze

2 Vatesalonika 2:8

Kutani enkarhini wolowo, ku ta humelela nala loyi Hosi yi nga ta n'wi heta hi moya wa nomu wa yona, kambe yi ta n'wi lovisa hi ku vonakala ka ku humelela ka yona.

Nhlavutelo 19:15

Enon'wini wa yena ku hume tlhari lero kariha, a ta ba matiko ha rona; hi yena la nga ta ma risa hi nhonga ya nhumbu; kambe hi yena la nga ta khuvuta exikhuvutweni xa vhinyo ya ku leva, ni ya vukari bya Xikwembu xa matimba hinkwawo.

Malakiya 4:6

U ta tlherisela timbilu ta vatatana eka vana va vona, ni timbilu ta vana eka vatata wa vona, leswaku ndzi nga tshuki ndzi ta, kutani ndzi ba tiko hi ku ri lovisa.”

Ntirho 4:9

Va lovile hi ku huhuta ka Xikwembu, Va herisiwile hi ku hefemula ka ku kariha ka xona.

Matewu 5:5

Ku katekile lavo rhula, hikuva va ta dya ndzhaka ya misava.

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Yakobo 3:13

I mani la nga ni ku tlhariha ni ku tiva exikarhi ka n'wina xana? A a kombise mitirho ya yena hi mikhuva yo saseka leyi nga ni vutlhari lebyinene.

Vagalatiya 5:23

A ku na nawu lowu alaka leswo tano.

Yeremiya 33:15

Emasikwini walawo, ni le mikarhini yoleyo ndzi ta humesela Davhida hluke ra ku lulama, ri ta endla ku avanyisa ni ku lulama ematikweni.

Esaya 30:33

Hikuva khale, tlhelo leri fanaka ni ra Tofete ri lunghisiwile, ku lunghiseriwele hosi xi ri xikhele lexi ahlameke, ni nhulu ya tihunyi leti nga ta n'wi hisa hi ndzilo, ni tihunyi to tala; ku hefemula ka Yehovha ku hisa ku kota nambu wa xivavula.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Pisalema 2:9

U ta ma tshova hi nhonga ya nsimbhi, U ta ma fayetela kukotisa mbita ya muvumbi.”

Nhlavutelo 2:16

Hundzuka-ke; loko u nga hundzuki, ndzi ta hatlisa ndzi ta eka wena, ndzi lwa na vona hi tlhari ra nomu wa mina.

Nhlavutelo 1:16

A a khomile tinyeleti ta ntlhanu na timbirhi evokweni ra yena ra xinene; enon'wini wa yena a ku huma tlhari leri karihaka hi matlhelo mambirhi, mombo wa yena a wu fana ni dyambu loko ri kwetsima hi matimba ya rona.

Tito 3:2

va nga tshuki va lumbeta munhu, va tshika timholovo, va tikhoma, va kombisa ku olova hinkwako eka vanhu hinkwavo.

Esaya 32:1

Vonani, hosi yi ta fuma hi ku lulama, tihosana, na tona, ti ta risa hi ku lulama.

Esaya 29:19

Lava nga enhlomulweni va ta tsakela Yehovha; lava pfumalaka va ta titsakisa hi Mukwetsimi wa Israele.

Esaya 16:5

Vutshamo bya vuhosi byi ta tiyisiwa hi nsovo, ehenhla ka byona ku ta tshama hi ku tiya entsongeni wa Davhida muavanyisi la rhandzaka swo lulama, ni la hatlisaka ku avanyisa hi swinene.”

Nhlavutelo 19:11

Kutani ndzi vona tilo ri pfuriwile, kavaloko ku humelela hanci leyo basa, la yi khandziyeke a vitaniwa Mutshembeki ni Wantiyiso; wa avanyisa ni ku lwa hi ku lulama.

2 Vakorinto 10:1

Loko ndzi ri mina, Pawulo, ndza mi khongotela hi vunene ni tintswalo ta Kriste, ndzi nga yena yeloyi va nge ndza titsongahata loko ndzi ri exikarhi ka n'wina; kambe loko ndzi nga ri kona, ndzi mi endlela hi matimba;

Timhaka 9:1

Kambe Sawulo, hikuva a ha ri ni mahika ya ku songela ni ku dlaya vadyondzisiwa va Hosi, a ya eka muprista lonkulu,

Matewu 11:5

Vo fa mahlo va tlhela va vona, lavo khwita va famba, va nhlokonho va basisiwa, vo fa tindleve va yingisa, va ku fa va pfuka, swisiwana swi byeriwa Evhangeli;

Sofoniya 2:3

Lavani Yehovha, n'wina, vatitsongahati hinkwavo va tiko, lava endlaka hi ku lerisa ka yena, lavani ku lulama, mi lava ku titsongahata; kumbe mi ta tifihla esikwini ra vukari bya Yehovha.

Yeremiya 5:28

Va nonile va torile, na swona, va tlurisa hi ku biha loku nga vuriwiki; eku tengisiweni ka vaavanyisi, a va avanyiseri xisiwana, kambe va kateka; kutani a va hitekeri ku mangala ka xisiwana eku avanyiseni.

Esaya 3:14

Yehovha wa sungula ku avanyisa vakulukumba va tiko ra yena ni tihosi ta rona, a ku: “Mi dyile nsimu ya vhinya, kasi leswi phangiweke eka swisiwana swi kona etindlwini ta n'wina!

Esaya 1:17

Dyondzani ku endla leswinene, lavani leswi lulameke, lamulelani la xanisiwaka; sirhelelani xisiwana, lwelani noni.

Pisalema 110:2

Yehovha u ta tshambuluta hi le Siyoni nhonga ya matimba ya wena: “Tlhoma ku fuma ka wena exikarhi ka valala va wena!”

Pisalema 18:8

Ku tlhandluka musi etinhompfini ta yena, Ni ndzilo lowu lovisaka enon'wini wa yena; Ku huma ka wona makala lama vavamelaka.

2 SAMIELE 8:15

Davhida a a fuma Vaisraele hinkwavo, kutani Davhida a tshama a yingisa timhaka ta tiko hinkwaro ra yena, a va a ti lulamisa.

Esaya 13:11

Ndzi ta ba misava hikwalaho ka ku biha ka yona, ni swidyohi hikwalaho ka ku dyoha ka swona; ndzi ta herisa vukulu bya vatiarisi, ndzi tsongahata lava tikurisaka.

Esaya 14:30

Vapfumari lava pfumalaka ngopfu va ta xurha, ni swisiwana swi ta wisa swi rhula; kambe ndzi ta lovisa rixaka ra wena hi ndlala, kutani masalela ya wena ma ta herisiwa.

Esaya 26:6

u wu khumbisa ntshuri; wu kandziyeriwa hi milenge, hi milenge ya swisiwana ni mikondzo ya vapfumari!

Esaya 30:28

Ku hefemula ka yena ku kota ndhambi leyi halakaka, yi tlakukile ku fika enhan'wini ya munhu, ku hlela matiko hi rihlelo ra ku onhaka, ni ku veka matomu yo hambuka emilon'wini ya matiko.

Esaya 30:31

Hikuva Asiriya u ta rhurhumela hi rito ra Yehovha loko a n'wi ba hi nhonga ya yena.

Esaya 32:7

Loko a ri mudyeleri, matlhari ya yena i ya vumbabva; u endla makungu ku lovisa xisiwana hi ku vulavula swa mavunwa, hambi mhaka ya mupfumari yi lulamile.

Esaya 33:22

Hikuva Yehovha i muavanyisi wa hina; Yehovha i mulawuri wa hina; Yehovha i hosi ya hina; u ta hi hlayisa!

Esaya 40:7

Byanyi bya oma, xiluva xa vuna loko moya wa Yehovha wu hundzile ehenhla ka xona, kunene vanhu va fana ni byanyi.

Esaya 49:2

U endle nomu wa mina banga lero kariha, u ndzi tshamisile endzhutini wa voko ra yena;

Ntirho 15:30

A nga ka a nga poni munyama; Ritshwa ri ta omisa marhavi ya yena, U ta susiwa hi ku huhuta ka nomu wa yena.

Pisalema 76:10

Na byona, vukari bya munhu bya ku dzunisa, Loko u ambala vukari bya wena hinkwabyo.

Esaya 2:4

Kutani Xikwembu xi ta lamula matiko, xi ta avanyisa matiko layo tala ngopfu. Hi mabanga ya vona va ta fula swikomu, hi matlhari ya vona va ta fula masikeri; tiko ri nga ka ri nga ha lwi ni rin'wana, kutani a ku nga ha dyondzisiwi ku lwa.

Hosiya 6:5

Hikwalaho, ndzi va bile hi vaprofeta, ndzi va dlele hi marito ya nomu wa mina; ku avanyisa ka mina ku ve tanihi ku vonakala loku humaka!