Esaya 11:11 - Xitsonga (Bibele)

¹¹ Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.

BIBELE Mahungu Lamanene

¹¹ Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.

Esaya 11:11 Referans Kwoze

Mikiya 7:12

Enkarhini lowo ku ta ta eka wena, lava pfaka Asiriya ku ya fika emitini ya Egipta, ni ku suka eEgipta ku yisa enambyeni, ku suka elwandle rin'wana ku ya fika elwandle rin'wana, ni ku suka entshaveni yin'wana ku ya fika entshaveni yin'wana.

Varhoma 11:26

kutani hi mukhuva wolowo, Vaisraele hinkwavo va ta hlayisiwa, hilaha ku tsariweke leswaku: “Mukutsuri u ta huma eSiyoni, u ta susa xisandzu eka Yakobo”;

Esaya 10:20

Enkarhini wolowo, masalela ya Israele ni lava poneke va yindlu ya Yakobo va nga ka va nga ha tshami va tshemba mubi wa vona, kambe va ta tshemba kunene Yehovha, Mukwetsimi wa Israele.

Hosiya 11:11

Va ta rhurhumela kukotisa nyanyana, va huma eEgipta, ni kukotisa tuva va huma emisaveni ya Asiriya; kutani ndzi ta va akisa etindlwini ta vona, ku vula Yehovha.

Esaya 66:19

Ndzi ta endla xikombiso exikarhi ka vona, kutani ndzi ta rhuma ematikweni lava nga ta pona exikarhi ka vona, eka Tarxixi, ni ka Pulu, ni ka Ludu, lava copaka hi vurha, eka Tubala ni ka Yavhani, eswihlaleni leswi nga ekule, leswi nga siki twaka ta mina, leswi nga siki vonaka ku kwetsima ka mina, kutani va ta twarisa ku vonakala ka mina exikarhi ka vamatiko;

Esaya 42:4

A nga ka a nga heri mbilu ni ku karhala, a ko a tiyisa leswo lulama emisaveni, kutani swihlale swi va swi titshembisa enawini wa yena.”

Esaya 24:15

“Dzunisani Yehovha ematlhelweni ya vuxa, ni vito ra Yehovha, ra Xikwembu xa Israele, eswihlaleni swa vupeladyambu.

Esaya 10:9

A ndzi ku: “Kalino a nga onhiwanga tanihi Karkemixi, na Hamata tanihi Aripadi, na Samariya tanihi Damaska xana?

Genesa 11:2

Kuteloko va suke evuxeni, va kuma rivala etikweni ra Xinara, va aka kona.

Genesa 10:22

Vana va Xeme: Elamu, Axuru, Aripakixada, Ludu, Aramu.

Genesa 10:10

Masungulo ya ku fuma ka yena a ri Babele na Ereke na Akade na Kaline, etikweni ra Xinara.

2 Vakorinto 3:16

Kambe siku va nga ta hundzukela eka Hosi, xisirhelelo xi ta susiwa.

Varhoma 11:15

Hikuva loko ku tshiketiwa ka vona ku hundzukile ku hlanganisiwa ka misava, ku amukeriwa ka vona ku ta va yini, loko ku nga ri ku pfuka ka lava feke xana?

Zakariya 9:2

Byi tshama ni le henhla ka Hamata la nga vandzakana na yena, ni le henhla ka Tiri na Sidoni, hikuva Tiri u tlharihile ngopfu.

Zakariya 5:11

Yi ku eka mina: “Va yi yisa etikweni ra Xinara ku yi akela yindlu kona, yi ta vekiwa kona; yona yindlu yi ta tiyisiwa ehenhla ka vutshamo bya yona.”

Sofoniya 2:11

Yehovha u ta chavisa ehenhla ka vona, hikuva u ta herisa swikwembu hinkwaswo swa misava; va ta ta n'wi khinsamela, un'wana ni un'wana hi ku suka exivandleni xa yena, swi nga swihlale hinkwaswo swa matiko.

Hosiya 1:11

Kutani vana va Yuda, ni vana va Israele va ta hlengeletana kun'we, kutani va ta tivekela hosi yin'we va huma etikweni; hikuva ri ta va lerikulu siku ra Yizriele.

Daniele 11:18

Kutani u ta langutisa mahlo ya yena hitlhelo ra swihlale, kutani a teka swin'wana swa swona, kambe hosi yin'wana yi ta tsongahata ku sandza ka yena, yi tlherisela ku sandza eka yena.

Daniele 8:2

Kuteloko ndzi languta, swi va tanihi loko ndzi ri eXuxani, emutini wa le hosini wa tiko ra Elamu; ndzi vona xivono ndzi tshamile eribuwini ra nambu wa Ulayi.

Ezekiele 30:14

Ndzi ta endla Patroso rhumbi, ndzi veka ndzilo eSowani, ndzi endla ku avanyisa eNofu.

Ezekiele 27:6

Va endle swikombe swa wena hi tieike ta Baxani switshamo swa wena va swi endle hi rimhondzo ra ndlopfu leri hlanganisiweke ni murhi lowu pfaka eswihlaleni swa le Kitimi.

Yeremiya 49:23

“Hamata u khomisiwe tingana na Aripadi; hikuva va twile mhaka yo biha, va tsanile; i lwandle leri bobomaka, ri hluleka ku miyela.

Yeremiya 44:1

Rito leri nga ta eka Yeremiya hikwalaho ka Vayuda hinkwavo lava akeke etikweni ra Egipta, lava akeke eMigidolo, na Tahapanese, na Nofu, ni le tikweni ra Patroso, ri ku:

Yeremiya 31:10

“Yingisani rito ra Yehovha, n'wina matiko, mi tivisa swihlale swa le kule, mi ku: ‘La hangalaseke Israele wa n'wi hlengeleta, u ta n'wi risa kukotisa murisi la rixaka ntlhambi wa yena.’

Yeremiya 25:25

ni tihosi hinkwato ta Zimri, ni tihosi hinkwato ta Elamu, ni tihosi hinkwato ta Mediya;

Esaya 45:14

Ku vula sweswo Yehovha: “Bindzu ra Egipta, ni xuma xa Etiyopiya ni xa va Xeba lavo leha, swi ta ta eka wena, swi va swa wena, swi ku landza. Va ta ta va bohiwile va ta korhama emahlweni ka wena, va ta ku khongela: ‘Ku hava Xikwembu ehandle ka wena; xin'wana ku hava ni lexitsanana.’ ”

Esaya 42:12

A ku dzunisiwe Yehovha, a ku vuriwe eswihlaleni ku dzuneka ka yena!

Esaya 42:10

Yimbelelani Yehovha risimu lerintshwa, yimbani swidzuniso swa yena emakun'wini ya misava, n'wina mi fambaka elwandle, na n'wina mi hanyaka eka rona, n'wina swihlale ni vaaki va swona.

Esaya 11:16

Kutani mpfutla wu ta va kona eka masalela ya tiko ra yena, lama nga ta va ma tshamile etikweni ra Asiriya, tanihi leswi ingi wu ri kona eka Israele siku a sukeke etikweni ra Egipta.

Pisalema 68:22

Hosi yi te: “Ndzi ta va tlherisa va pfa eBaxani; Ndzi va humesa exidziveni xa lwandle,

Genesa 14:1

Enkarhini wa Amirafele, hosi ya Xinara, na Ariyoko, hosi ya Elasara, na Kedoro-Lawomere, hosi ya Elamu, na Tidala, hosi ya va Goyimi,

Estere 10:1

Hosi Ahasuwerusi a hlengisa tiko ra yena ni swihlale swa lwandle ndzuvo.

Esaya 1:9

Loko ngi Yehovha a nga hi hlayiselanga masalela, ingi hi endliwile tanihi Sodoma, hi fana na Gomora!

Esaya 19:21

Yehovha u ta titivisa eka Vaegipta, kutani Vaegipta va ta tiva Yehovha hi siku rero; va ta n'wi tirhela hi magandzelo ni mihlengo; va ta tiboha eka Yehovha hi ku hlambanya, kutani va ta endla hakona.

Esaya 19:22

Yehovha u ta ba Vaegipta, a va ba, kutani a va horisa; kwalaho va ta hundzukela eka Yehovha, kutani u ta olova, a va horisa.

Esaya 37:31

Loko swi ri leswi seleke swa yindlu ya Yuda, leswi nga ta pona, swi ta mila kambe timitsu ehansi, swi ta veka mihandzu ehenhla.

Ezekiele 29:14

ndzi ta landza Vaegipta lava yisiweke evukhumbini, ndzi va vuyisa etikweni ra Patroso, etikweni leri va tswariweke eka rona; kutani kona va ta va ku fuma loku tsongahaleke.

Ezekiele 32:24

“Elamu, na yena, u kona, ni vunyingi bya yena hinkwabyo, byi rhendzele sirha ra yena, hinkwavo va dlayiwile va wisiwe hi fumu, lava nghenaka va nga yimbanga emisaveni leyi nga ehansi, va nga lava ingi va pfuxa ku chavisa etikweni ra lava hanyaka, kutani va rhwala tingana ta vona kun'we ni lava nghenaka enceleni.

Ezekiele 38:8

Loko ku herile masiku yo tala, hilaha u nga ta lerisiwa; emikarhini ya le mahlweni, u ta ta lwa ni tiko leri poneke eka fumu, leri nga hlengeletiwa ematikweni yo tala, etintshaveni ta Israele leti ingi ti sele hi nkarhi wo leha ti nga ri na vanhu, va humile exikarhi ka matiko, va tshama hinkwavo hi ku rhula.

Daniele 1:2

Kutani Yehovha a nyiketa emavokweni ya yena Yoyakimi, hosi ya Yuda, ni swibya swin'wana swa yindlu ya Xikwembu, kutani Nebukadnetsara a famba na swona etikweni ra Xinara, endlwini ya xikwembu xa yena, a nghenisa mitirho leyo evuhlayiselweni bya xikwembu xa yena.

Genesa 2:13

Vito ra nambu wa vumbirhi, i Gihoni; hi wona lowu rhendzelaka tiko hinkwaro ra Kuxi.

Duteronoma 9:29

Hambiswiritano, i tiko ra wena, ni ndzhaka ya wena, leyi u yi humeseke eEgipta, hi matimba lamakulu ya wena, ni voko ra wena leri tlakukeke.’

2 TIHOSI 17:24

Hosi ya Asiriya yi tisa vanhu va Babilona, ni va Kuta, ni va Avha, ni va Hamata, ni va Sefari-Vhayimi, yi va akisa emitini ya Samariya ematshan'weni ya vana va Israele, kutani va fuma tiko ra Samariya, va aka emitini ya rona.

Esaya 21:2

Ndzi kombiwile leswi chavisaka ngopfu: Muxanisi u tirha hi ku xanisa ka yena, muphangi wa phanga! Tlhandluka Elamu! Rhendzela, wee Mediya! Ndzi herisa ku konya hinkwako!

Esaya 22:6

Elamu u tamele gadzi, ku humelela tigolonyi leti teleke tinhenha, ni vakhandziyi va tihanci; Kiri u hlomile switlhangu.

Esaya 49:12

“Vona, van'wana va huma ekule! Van'wana va huma edzongeni ni le vupeladyambu. Van'wana va huma etikweni ra va Sina!”

Hosiya 11:10

Va ta landzela Yehovha. Kukotisa nghala u ta dzumadzuma; yena u ta dzumadzuma, kutani vana va yena va ta rhurhumela, va ta eka yena, va pfa hitlhelo ra lwandle.

Zakariya 8:7

“Yehovha wa tinyimpi u ri: Vonani, ndzi ta ponisa vanhu va mina etikweni ra vuxa, ni le vusikwini;