Esaya 10:3 - Xitsonga (Bibele)

³ Mi ta endla yini hi siku ra ku kambiwa ni loko ku lova loku humaka ekule ku ta mi wela ehenhla? Mi ta tsutsumela eka mani ku pfuniwa? Mi ta veka kwihi xuma xa n'wina xana?

BIBELE Mahungu Lamanene

³ Xana mi ta endla yini siku mi nga ta biwa, loko xihuhuri xo huma kule xi mi tela xana? Xana mi ta tsutsumela kwihi, rifuwo ra n'wina mi ta ri siya na mani ke?

Esaya 10:3 Referans Kwoze

Luka 19:44

Va ku mbundzuxela ehansi, wena ni vana va wena lava nga exikarhi ka wena; kambe va nga ka va nga tshiki eka wena, ribye ehenhla ka ribye rin'wana, hikuva a ku tivanga nkarhi lowu u endzeriweke ha wona.”

Hosiya 9:7

Masiku ya xikambelo ma fikile; masiku yo rihisela ma fikile! Israele u ta swi tiva! Muprofeta u hundzukile xihunguki, munhu wa moya u hlanya hikwalaho ka vukulu bya ku dyoha ka wena, ni hikwalaho ka vulala bya wena lebyikulu.

Ntirho 31:14

Ndzi to yini loko Xikwembu xi lo ndzi pfukela xana? Ni loko xi vutisisa timhaka, ndzi to yini ka xona-ke?

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

Sofoniya 1:18

Na yona silivhere ya vona, hambi wu ri nsuku wa vona, swi nga ka swi nga koti ku va lamulela esikwini ra vukari bya Yehovha; kambe tiko hinkwaro ri ta hisiwa hi ndzilo wa rilondzo ra yena; hikuva u ta herisa, a va a lovisa vaaki hinkwavo va misava hi xipuku.

Esaya 26:21

Hikuva vonani, Yehovha u huma evuakweni bya yena ku ta endzela ku dyoha ka vaaki va misava, kutani misava yi ta yimbula ngati leyi yi fundziweke hi yona, a yi nga ha fihli vadlayiwa va yona.

Esaya 20:6

kutani lava akeke exihlaleni xolexo va ta ku hi siku rolero: ‘Vonani ku lova ka loyi ngi hi n'wi tshembile, loyi hi nga tsutsumela eka yena ku ya pfuniwa ni ku lamuleriwa emavokweni ya hosi ya Asiriya! Kutani, na hina, hi nga balekisa ku yini?’ ”

Esaya 5:26

U tlakusela matiko lama nga ekule mujeko, u va bela miloti leswaku va huma emakun'wini ya misava. Vonani, kan'we va fika, va nga tikeriwi.

Swivuriso 11:4

Rifuwo a ri pfuni nchumu esikwini ra vukari, Kambe ku lulama ku lwela munhu eku feni.

Duteronoma 28:49

“Yehovha u ta ku pfuxela tiko leri nga ekule, ri nga emakun'wini ya misava, tiko leri fanaka ni gama loko ri haha, tiko leri u nga ka u nga twisisi ririmi ra rona;

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Esaya 39:3

Esaya, muprofeta, a ya eka hosi Hezekiya, a ku eka yena: “Vanhu lava teke eka wena, va vule yini, va pfa kwihi xana?” Hezekiya a hlamula, a ku: “Va pfa etikweni leri nga ekule, eBabilona.”

Esaya 33:14

Vadyohi va khomiwa hi ku chava le Siyoni, vasandzi va rhurhumela, va ku: “I mani exikarhi ka hina la nga ta tiya, a yima emahlweni ka ndzilo lowu hisaka? I mani la nga ta tiya a yima emahlweni ka malangavi lama nga timekiki?”

Esaya 30:16

A mi ku: “Hi ta baleka hi khandziye tihanci!” Kwalaho mi ta tsutsumisiwa! Kambe mi ku: “Hi to khandziya tihanci leta matsambo! Kwalaho va ta mi hlongorisa hi matsambo.

Esaya 5:14

Hikwalaho xivandla xa vafi xi ahlamisa khele ra xona, xi pfula nomu hi ku tlurisisa vubombi bya Yerusalema, byi ta xikela kona swin'we ni ntshungu wa yena lowu endlaka dzolonga ni lowu endlaka xikhiri xa ku tsaka.

2 TIHOSI 7:15

Kutani va suka, va va landza ku ya fika eYordani, va vona ndlela leyi andlariweke hi tinguvu ni matlhari leswi cukumetiweke hi Vasiriya loko va tsutsuma; kutani tintsumi ti tlhela ti ya tivisa hosi.

Genesa 31:1

Yakobo a twa marito ya vana va Labani loko va ku: “Yakobo u tekile swilo swa tatana hinkwaswo, kutani rifuwo ra tatana, u tiendlele ha rona ku fuwa loku, hinkwako.”

Hosiya 5:13

Efrayimi a vona vuvabyi bya yena, na Yuda a vona xilondza xa yena; Efrayimi u yile eka Vaaxuru, u rhumile eka hosi Yarebe; kambe yeloyi a nga ka a nga tivi ku mi pfuna, a nga ka a nga horisi xilondza xa n'wina.

Esaya 13:6

Vovolani, hikuva siku ra Yehovha ri kusuki: ri ta tanihi ku onha loku rhumiweke hi Lowa matimba hinkwawo.

Esaya 17:4

“Enkarhini lowo ku vonakala ka Yakobo ku ta hunguteka, ni ku kuluka ka miri wa yena ku ta ondza.

Esaya 26:14

Ti file, a ti nga ha hanyi; i mindzhuti ntsena, a ti nga ha pfuki. Hikuva u va endzerile, u va lovisile, u herisile ni ku anakanyiwa ka vona.

Esaya 29:6

U ta endzeriwa hi Yehovha wa tinyimpi hi ku ninginika ka misava, hi ndlati ni ku pfuma lokukulu, ni xihuhuri ni xidzedze, ni langavi ra ndzilo lowu hisaka.

Esaya 30:5

Va ta va ni tingana hikwalaho ka tiko leri nga riki na matimba ku va pfuna ni ku va lwela, kambe ti ta va tingana ta vona ni gome ntsena.”

Esaya 30:7

Hikuva ku pfuna ka Egipta i swahava ni mafenya; hikwalaho ndzi vula sweswo i mpfumawulo lowukulu, lowu nga pfuniki nchumu.

Yeremiya 4:30

Kutani wena muonhiwa, u ta endla yini xana? Hambi u nga tifunengeta hi crimson, hambi u tisasekisa hi vubombi bya nsuku, ni loko u nga tibombisa emahlweni hi murhi; vubombi bya wena a byi pfuni nchumu; swigangu swa wena hakunene swi ku sandzile; swi lave vutomi bya wena.

Yeremiya 9:9

Xana ndzi nga tshikisa ku yini ku tshinya swilo leswo tano xana,” ku vula Yehovha? “Kumbe moya wa mina wu nga tshikisa ku yini ku tirihisela eka tiko lero tano xana?”

Yeremiya 22:7

Ndzi ta ku rhambela vaonhi, un'wana ni un'wana a ta ni matlhari ya yena; va ta tsema tikedari leto saseka ta wena, va ti cukumeta endzilweni.

Hosiya 9:5

Mi ta endla yini hi siku leri hlawulekeke, hi siku ra nkhuvo wa Yehovha xana?

Mikiya 7:4

La tlulaka van'wana hi vunene u kotisa xigatlu, ni loyi a va tlulaka hi ku lulama u fana ni xihlahla xa mitwa. Ku biwa ka wena ku ta humelela hi siku leri vuriwaka hi malandza ya wena, hikwalaho va ta khomiwa hi tingana.

Esaya 28:20

Hikuva xilawu a xi nga eneli la rhandzaka ku etlela, ni nguvu a yi nga ringani ku tiphutsela.

Amosi 5:19

Swi ta kota munhu loko a balekela nghala, kutani a hlangana ni bere; a nghena endlwini, a tiseketela hi voko ra yena ekhumbini, kutani a lumiwa hi nyoka!