Esaya 10:12 - Xitsonga (Bibele)

¹² Kambe kutakuloko Hosi yi hetile ntirho wa yona hinkwawo entshaveni ya Siyoni na Yerusalema, ndzi ta ba hosi ya Asiriya hikwalaho ka mihandzu ya ku tikurisa ka mbilu ya yona, ni ku tiarisa ka mahlo ya yona lama tlakukeke;

BIBELE Mahungu Lamanene

¹² Loko N'wini wa hinkwaswo a heta hinkwaswo leswi a swi endlaka entshaveni ya Siyoni ni le mutini wa Yerusalema, ú ta ba hosi ya Asiriya, hikuva yi titshemba ngopfu ni ku tikurisa ku tlula mpimo.

Esaya 10:12 Referans Kwoze

2 TIHOSI 19:31

Hikuva nsalo wu huma eYerusalema, ni lava ponisiweke va ta huma entshaveni ya Siyoni. Swi ta endliwa hi ku hiseka ka Yehovha.

Yeremiya 50:18

Hikwalaho, ku vula Yehovha wa tinyimpi, Xikwembu xa Israele: Vonani, ndzi ya holovela hosi ya Babilona, ni tiko ra yena, hilaha ndzi holoveleke hosi ya Asiriya hakona.

Esaya 65:7

swidyoho swa n'wina,” ku vula Yehovha, “swin'we ni swidyoho swa vatata wa n'wina, lava nga humesa mirhi ya risuna etintshaveni, lava ndzi sandzeke eswitsungeni; ndzi ta va pimela hakelo ya ku hanya ka vona ka khale.”

1 Petro 4:17

Hikuva nkarhi wa ta, lowu ku avanyisa ku nga ta sungula hi yindlu ya Xikwembu; kutani loko ku ta sungula hi hina, makumu ya lava nga pfumeriki Evhangeli ya Xikwembu, ma ta va lawo yini-ke?

Matewu 15:19

Hikuva miehleketo leyo biha, ni ku dlayana, ni timholovo, ni vuoswi, ni vukhamba, ni ku hembelana, ni ku sandzana swi huma embilwini,

Matewu 12:33

Kumbe vulani leswaku murhi wunene, na vona vana va wona vanene; kumbe vulani leswaku murhi wu bihile, ni mihandzu ya wona yi bihile, hikuva murhi wu tiviwa hi vana va wona.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Ezekiele 31:14

swi ri leswaku mirhi hinkwayo leyi nga ekusuhi ni mati yi nga tshuki yi tikukumuxa hi ku leha ka yona, yi nga tshuki yi vonakarisa swicapila swa yona exikarhi ka swihlahla leswo tlhuma, kutani mirhi hinkwayo leyi nwaka mati yi nga tshuki yi tiyisela eku tikukumuxeni ka yona; hikuva hinkwayo yi nyiketiwe eku feni, ehansi ka misava, exikarhi ka vana va vanhu, kun'we ni lava nghenaka ekheleni.

Ezekiele 31:10

“Loko swi ri tano, Hosi Yehovha u ri: Hikuva wu titlakusile hi vukulu bya wona, wu lehise xicapila xa wona exikarhi ka swihlahla leswo tlhuma, kutani mbilu ya wona yi tikukumuxile hi ku leha ka wona,

Esaya 50:11

Vonani, n'wina hinkwenu lava tshivelaka ndzilo, mi ri karhi mi tirhendzele hi swisa leswi pfurhaka, yanani emalangavini ya ndzilo wa n'wina, mi lwa hi swisa leswi mi swi lumekeke! Swilo leswo swi ta mi humelela swi huma evokweni ra mina; mi ta etlela eku vavisekeni!

Esaya 27:9

Nandzu wa Yakobo wu herisile sweswo; hi wona mbhandzu wa ku rivaleriwa ka nandzu wa yena: Yehovha u endle maribye hinkwawo ya tialitari tanihi maribye ya mhemba lama hisiweke, lama siriweke; swifaniso swa Axera ni swifaniso swa dyambu swi nga ha tshami swi pfuxiwa.

Esaya 9:9

Tiko hinkwaro ri ta ri tiva, a nga Efrayimi ni vaaki va Samariya, lava tiarisaka ni lava tikukumuxaka etimbilwini ta vona, va ku:

Esaya 5:15

Lowa ku fa u ta tsongahatiwa, ni vakulukumba va ta tsan'wisiwa, mahlo ya vatikurisi ma ta langutisiwa ehansi.

Esaya 2:11

Mahlo lama honokeke ya lowa ku fa ma ta tsan'wisiwa, ku tikukumuxa ka tinhenha ku ta tsongahatiwa, kutani Yehovha a ri swakwe u ta tlakusiwa siku rero.

Swivuriso 30:13

Ina, rixaka ri kona ra mahlo lama tlakukeke, Ra tinxiyi leto leha;

Pisalema 76:10

Na byona, vukari bya munhu bya ku dzunisa, Loko u ambala vukari bya wena hinkwabyo.

Pisalema 21:10

U ta herisa rixaka ra vona emisaveni, Ni vatukulu va vona exikarhi ka vana va vanhu,

Pisalema 18:27

Hikuva hi wena la ponisaka lava titsongahataka, Kambe u tsongahata mahlo lama tlakukeke.

Pisalema 76:5

Vanhu lava va vurhenha ngopfu va phangiwile, Va tietlelele evurhongweni bya vona; A va tivanga ku tilwela, vanhu hinkwavo lava va tinhenha.

Esaya 24:21

Hi siku rero Yehovha u ta avanyisa le tilweni mavandla ya le henhla ni tihosi ta la ehansi emisaveni.

Esaya 27:7

Xana Yehovha u n'wi bile hilaha a beke lava n'wi xanisaka? Kumbe u n'wi dlayile tanihi leswi a nga dlaya lava n'wi dlayeke xana?

Esaya 29:14

Hikwalaho, ndzi ta endla ehenhla ka tiko leri, mitirho leyi hlamarisaka ni masingita; ku tiva ka tintlhari ta vona ku ta hela, ni ku twisisa ka va mano va vona ku ta lova.”

Esaya 33:1

U ni khombo wena muonhi la nga siki onhiwaka! Wena muyivi, ku nga siki yiviwaka swa wena! Kutakuloko u hetile ku onha, u ta onhiwa, loko u hetile ku yiva, ku ta yiviwa swa wena.

Esaya 37:23

U rhukanile mani, u sandzile mani xana? U tlakusile rito ra wena ehenhla ka mani? U tlakusile mahlo, ya wena ehenhla ku lwa ni Mukwetsimi wa Israele.

Esaya 37:29

Hikuva u ndzi karihele ni leswi ku tikurisa ka wena ku tlhandlukeke etindleveni ta mina, ndzi ta nghenisa sindza ra mina etinhompfini ta wena, ni tomu ra mina enon'wini wa wena, ndzi ku tlherisa endleleni leyi u teke ha yona.’ ”

Yeremiya 25:29

Hikuva, vonani, muti lowu vitiwaka hi vito ra mina, ndzi ta sungula ha wona ku humesa swo biha; kutani n'wina mi ri mi ta tsetseleriwa ku biwa xana? “ ‘Mi nga ka mi nga tsetseleriwi, hikuva mina ndzi ta rhambela vaaki hinkwavo va misava fumu, ku vula Yehovha wa mavandla.’

Yeremiya 50:32

Mutikukumuxi wa dedeleka, u ta wa, kutani a ku na munhu la nga ta n'wi pfuxa; ndzi ta tshivela ndzilo emitini ya yena, wu ta herisa matlhelo ya yena hinkwawo.

Tinhlayo 24:24

Tingalava ti ta ta hi le Kitimi, Ti ta tsongahata Asuru, ti ta tsongahata Ebere; Kutani na yena u ta herisiwa.”

Duteronoma 32:27

Kambe ndza chava ku pfuka ka nala, Ni leswaku valala va vona va ta tikanganyisa, Va ku: “Mavoko ya hina ma tlakusiwile,” Kambe a hi Yehovha la swi endleke hinkwaswo.’

Swivuriso 21:4

Mahlo lama tlakukeke, ni mbilu yo tikurisa, I rivoningo ra lavo biha, kambe swi bihile.

Esaya 2:12

Hikuva ku ni siku ra Yehovha wa tinyimpi, ra ku tsongahata hinkwaswo leswi tlakukeke, ni hinkwaswo leswi tikukumuxaka;

Daniele 11:45

U ta dzima matende ya vuhosi bya yena emaaveni ya malwandle ku xaxamelana ni ntshava leyo kwetsima leyi dzunekaka. Kutani, u ta ya hela, ku nga ri na loyi a n'wi pfunaka.