Esaya 10:1 - Xitsonga (Bibele)

¹ Khombo eka lava vekaka milawu leyi nga lulamangiki, lava tsalaka mapapila yo homboloka;

BIBELE Mahungu Lamanene

¹ Va ni khombo lava vekaka ni ku humesa milawu yo homboloka leyi xanisaka vanhu:

Esaya 10:1 Referans Kwoze

Luka 11:52

“Mi ni khombo n'wina vadyondzisi va nawu, hikuva mi tekile mpfungura wa tidyondzo, kutani a mi nghenanga, kambe mi sivela lava nghenaka.”

Matewu 23:23

“Mi ni khombo, n'wina vatsari ni Vafarisi, vamanyunyu, hikuva mi humesa ku pambula ka vukhume ka tsungufana, ni ka aneta, ni ka kumini, kutani mi siya swilo leswi nga leswikulu swa nawu, ku nga ku lulama, ni tintswalo, ni ku pfumela; kasi a mi fanekela ku endla swilo leswi, ni swoleswo, a mi fanelanga ku swi tshika.

Yohane 19:6

Kambe vaprista lavakulu ni malandza kakuloko va n'wi vona, va huwelela, va ku: “N'wi vambe, n'wi vambe!” Pilato a ku eka vona: “N'wi tekeni, mi ri n'wina, mi ya n'wi vamba; hikuva mina a ndzi voni nandzu eka yena.”

Yohane 9:22

Vatswari va yena va vurisa sweswo hi ku chava Vayuda; hikuva Vayuda a va kanerile leswaku loko munhu a n'wi vula Kriste, u ta hlongoriwa esinagogeni.

Habakuku 2:6

Matiko walawo hinkwawo xana ma nga ka ma nga endli xifaniso ehenhla ka yena, ni risimu ra xisandzu, ni mawetana xana? Kutani va ta ku: “U ni khombo la tihlengeletelaka leswi nga riki swa yena, u ta tshama a endlisa sweswo ku ri kangani? ... la tirhwexaka milandzu!”

Esaya 5:8

Va ni khombo lava engetelaka tindlu eka tindlu, lava hlanganisaka masimu hi masimu, mpfhuka wu ko wu hela, mi va n'wina mi ri swenu vini va tiko!

Yuda 1:11

Va ni khombo, hikuva va fambile hi ndlela ya Kayini, kutani va hambukile hi ku tsutsumela hakelo kukotisa Balaama, kutani va tilovisile hi ku kaneta loku kotisaka ka Kora.

Matewu 26:24

Loko a ri N'wana wa Munhu, u tifambela hilaha ku tsariweke ehenhla ka yena hakona, kambe u ni khombo munhu yeloyi N'wana wa Munhu a xengiwaka hi yena; ingi swi sasekile loko munhu loyi a nga velekiwanga.”

Matewu 23:29

“Mi ni khombo n'wina, vatsari ni Vafarisi, vamanyunyu, hikuva ma aka masirha ya vaprofeta, kutani mi bombisa masirha ya lava lulameke, mi ku:

Matewu 23:27

“Mi ni khombo n'wina, vatsari ni Vafarisi, vamanyunyu, hikuva mi kotisa masirha lama basisiweke, ma vangamisiwa ehandle, kasi endzeni ku tele marhambu ya vafi ni ku bola hinkwako.

Habakuku 2:12

U ni khombo la akaka muti hi ngati, la yimisaka muti wa matimba hi ku kanganyisa!

Habakuku 2:9

U ni khombo la fuwelaka yindlu ya yena rifuwo lero biha, la vekaka vuako bya yena ehenhla, leswaku a tisirheleta khombo!

Mikiya 6:16

Ku karhi ku hlayisiwa ku lerisa ka Omri, ni mikhuva hinkwayo ya yindlu ya Akabu. Mi ya hi makungu ya vona leswaku ndzi ku nyiketa eku onhakeni, ni lava akeke emutini va ve xisandzu, kutani mi ta rhwala xisandzu xa tiko ra mina.”

Matewu 11:21

a ku: “U ni khombo wena Korazini, u ni khombo wena Betsayida, hikuva mahlori lama nga endliwa eka rikwenu loko ingi ma endliwile eTiri na le Sidoni, miti yoleyo ingi yi hundzukile khale, yi teka tinguvu leto khwaxa ni nkuma.

Habakuku 2:19

U ni khombo la nge eka ntsandze: “Pfuka!” ni ka ribye ra mbheveve: “Yima!” Xana ku ta dyondzisa rona-ke? Vonani, ri namarhetiwe hi nsuku ni silivhere; a ku na moya eka rona.

Habakuku 2:15

U ni khombo la nwisaka warikwavo, na wena, la pfanganiselaka van'wana swakunwa swa ku kariha swa wena, u va u va pyopyisa leswaku u ta hlalela vuhava bya vona!

Yeremiya 22:13

“U ni khombo loyi a akaka yindlu ya yena hi ku homboloka, ni makamara ya yena, ku nga ri hi ku lulama; la tirhisaka warikwavo ntsena, a nga n'wi nyiki hakelo ya nyuku wa yena;

Esaya 5:18

Va ni khombo lava kokaka ku homboloka hi mapindza ya vumbabva, ni swidyoho hi tinghole leti fanaka ni ta golonyi;

Esaya 3:11

U ni khombo mudyohi, u ni khombo, hikuva u ta nyikiwa hakelo ya mitirho ya mavoko ya yena.

Pisalema 58:2

E-e, etimbilwini ta n'wina, mi endla leswo homboloka; Etikweni, mi veka mitirho ya n'wina ya mahlundzu exikalweni.

Esaya 5:11

Va ni khombo lava vindzukaka ku tsutsumela swakunwa leswi pyopyisaka, ni lava hitekaka nivusiku, va hisiwa hi vhinyo.

1 TIHOSI 21:13

kutani vanhu vambirhi lavo biha va ta tshamisa emahlweni ka yena; vanhu vo biha lava, va vula vumbhoni ehenhla ka Naboto, emahlweni ka tiko, va ku: “Naboto u rhukanile Xikwembu ni hosi.” Kutani va n'wi humesela ehandle ka muti, va n'wi khandla hi maribye, a fa.

Esaya 3:14

Yehovha wa sungula ku avanyisa vakulukumba va tiko ra yena ni tihosi ta rona, a ku: “Mi dyile nsimu ya vhinya, kasi leswi phangiweke eka swisiwana swi kona etindlwini ta n'wina!

Esaya 5:23

lava khanisaka lowo biha hikwalaho ka hakelo, kutani va hikelaka lava lulameke ku lulama ka vona!

Esaya 29:21

va nga lava hehlaka van'wana ehubyeni, va rindza loyi a tengaka timhaka ta yena, va wisa la lulameke hi mavunwa ya vona.

Esaya 59:4

A ku na munhu la yaka eku tengeni hi ku lulama, ku hava loyi a tivulavulelaka hi ntiyiso! Va tiseketela hi swahava, va vulavula hi vunwa; va xurha lunya kutani ku velekiwa ku dyoha.

Esaya 59:13

Hi tiarisile hi va hi hemba mavunwa eka Yehovha, hi hundzukele Xikwembu xa hina hi vulavurile swa ku pfukela van'wana matimba, ni ku tiarisa; hi ehleketile ni ku vula etimbilwini ta hina marito ya mavunwa.

Eksoda 23:3

U nga tshuki u ya hi nghohe hambi ku ri eka xisiwana ehubyeni.

Eksoda 23:6

“U nga hombolokisi mhaka leyi lulameke ya xisiwana xa warikwenu ehubyeni.

Amosi 2:7

va navela ku vona ntshuri wa misava ehenhla ka nhloko ya xisiwana kutani va gombonyokisa timhaka ta lava nga ekhombyeni; munhu ni tata wa yena va nghenela nsati a ri un'we ku sandzisa vito ra mina leri hlawuriweke,