Esaya 1:9 - Xitsonga (Bibele)

⁹ Loko ngi Yehovha a nga hi hlayiselanga masalela, ingi hi endliwile tanihi Sodoma, hi fana na Gomora!

BIBELE Mahungu Lamanene

⁹ Loko HOSI ya matimba hinkwawo a yi nga siyanga van'wana va hina va hanya, tiko ra hina a ri ta sala ri fana na Sodoma, a ri ta va ri hundzuke Gomora.

Esaya 1:9 Referans Kwoze

Varhoma 9:29

Kukota leswi Esaya a nga vula eku sunguleni a ku: “Loko Hosi ya mavandla a yi nga hi siyelanga vatukulu, a hi ta endliwa kokota Sodoma, a hi ta fana na Gomora.”

Genesa 19:24

Kavaloko Yehovha a nisela Sodoma na Gomora xivavula ni ndzilo swi huma etilweni eka Yehovha.

Swirilo 3:22

I tintswalo ta Yehovha leti ti endleke leswaku hi nga tshuki hi lova, Hikuva tintswalo ta yena a ti si hela;

Amosi 4:11

“Ndzi mi humesele makhombo exikarhi ka n'wina kukota siku Xikwembu xi onhaka Sodoma na Gomora, kutani mi ponile ku kota xisa lexi humesiweke endzilweni; hambiswiritano, a mi tlhelelanga eka mina,” ku vula Yehovha.

Esaya 37:4

Kumbe Yehovha, Xikwembu xa wena, xi yingisile marito hinkwawo ya Rhabi-Xake, la rhumiweke hi n'wini wa yena, hosi ya Asiriya, ku sandza Xikwembu lexi hanyaka; kumbexana Yehovha, Xikwembu xa wena, xi ta avanyisa marito lawa a ma yingiseke, kutani u ta humesela tiko lera ha seleke xikhongelo.’ ”

Esaya 24:13

Hikuva emisaveni, exikarhi ka matiko, swi fana ni loko ku khiwa mihandzu ya mitlhwari, ni loko ku kunhuriwa tivhinya.

Esaya 17:6

Ku ta sala nkun'hulo tanihi loko va hlakahla mutlhwari, loko ku sala mihandzu mimbirhi, kumbe minharhu eswicapilweni, hambi mune kumbe ntlhanu emarhavini ya murhi lowu vekaka ngopfu,” ku vula Yehovha, Xikwembu xa Israele.

Esaya 6:13

Kutani kungakuloko un'wana a nga sala eka va khume va vona, na yena, u ta herisiwa. Kambe tanihi mirhi ya munga ni mikuhlu, hambi yi tsemiwile, ku sala swikundzu, nsinya wa vona wu ta hluka rixaka lero kwetsima.”

Genesa 18:32

A engeta a ku: “Hosi yi nga karihi loko ndza ha vulavula kambe: Kumbe va nga kumiwa va ri khume ntsena?” Kutani a ku: “Ndzi nga ka ndzi nga wu herisi hikwalaho ka lava khume.”

Varhoma 9:27

Kambe, na yena Esaya u huwelele ehenhla ka Israele, a ku: “Hambi ntsengo wa vana va Israele wu nga kotisa sava ra lwandle, ku ta hlayiseka ntlawanyana ntsena;

Matewu 7:14

Kambe nyangwa ya vutomi yi khumile, ni ndlela leyi yaka kona yi larile, kutani lava yi kumaka, a hi vanyingi.

Sofoniya 2:9

Hikwalaho, Yehovha wa mavandla, Xikwembu xa Israele, u ri: “Ndza hanya, ndzi ri, Mowabu u ta kotisa Sodoma, vana va Amoni va kotisa Gomora, yi nga ndzhaka ya mitwa, ni migodi ya munyu, ni mananga hilaha ku nga heriki; nsalo wa tiko ra mina wu ta va phanga, ni lava seleke va tiko ra mina va ta va fuma hi mukhuva wa ndzhaka.”

Habakuku 3:2

Yehovha, ndzi ti tivile timhaka ta wena, ndzi vuya ndzi chava! Oho Yehovha, ntirho wa wena u wu fikisa exikarhi ka malembe; u wu kombisa exikarhi ka malembe! Eku kariheni u tsundzuka ku tsetselela!

Yuwele 2:32

“Kutani un'wana ni un'wana la khongelaka vito ra Yehovha u ta pona; hikuva entshaveni ya Siyoni, ni le Yerusalema, ku pona ku ta va kona, hilaha Yehovha a vuleke hakona, exikarhi ka lava nga ta sala van'wana hi lava nga ta vitiwa hi Yehovha.

Ezekiele 6:8

Hambiswiritano, ndzi ta siya masalela lama nga ta pona fumu exikarhi ka matiko, loko mi ta va mi hangalakile exikarhi ka wona.

Swirilo 4:6

Ku biwa ka nhwanyana wa tiko ra mina Ingi kukulu ku tlula ka Sodoma, La nga wisiwa hi nkarhinyana, Ku nga ri na mavoko lama rhumeriweke kona.

1 TIHOSI 19:18

Kambe ndzi tihlayisele vanhu va 7 000 exikarhi ka va Israele va ri hinkwavo lava nga khinsamelangiki Baali, ni ku n'wi ntswontswa.”

Duteronoma 29:23

va ta ku: ‘I tiko ra xivavula ni munyu, leri tshweke hinkwaro, ri nga riki na mbewu ni swakudya, ni loko byi ri byanyi, a byi mili kona; swi kotisa ku pfilunganya ka Sodoma na Gomora, ni ka Adama na Seboyimi, miti leyi Yehovha a yi pfilunganyeke ku holoveni ka yena, ni le vukarini bya yena!’

2 Petro 2:6

ni loko xi avanyisile miti ya Sodoma na Gomora hi ku yi pfilunganya, ni ku yi hundzula mikuma, leswaku lava lavaka ku sandza va vekeriwa xitsundzuxo;

Ezekiele 14:22

hambiswiritano, ku ta va ni xisala lexi nga ta pona, ku ta huma vana va xinuna ni va xisati. Vonani, va ta ta eka n'wina, mi ta vona mafambele ya vona ni mitirho ya vona; mi ta chaveleriwa, mi va mi rivala khombo hinkwaro leri ndzi ri tiselaka Yerusalema, swi nga hinkwaswo leswi ndzi n'wi tiseleke swona.

Genesa 18:26

Yehovha a ku: “Kungakuloko ndzi kuma eSodoma vanhu va ntlhanu wa makume lava lulameke exikarhi ka muti, ndzi ta rivalela muti hinkwawo hikwalaho ka vona.”

Nhlavutelo 11:8

Kutani mitsumbu ya vona yi ta tshama emitsendzeleni ya muti lowukulu, lowu vuriwaka hi moya, Sodoma na Egipta, laha Hosi ya vona yi vambiweke kona.

2 TIHOSI 19:4

Kumbe Yehovha Xikwembu xa wena, xi yingisile marito hinkwawo ya Rhabi-Xake, la rhumiweke hi n'wini wa yena, hosi ya Asiriya, ku sandza Xikwembu lexi hanyaka; kumbexana Yehovha, Xikwembu xa wena, a ta avanyisa marito lawa a ma yingiseke kutani u ta humesa xikhongelo hikwalaho ka tiko leri ra ha seleke.’ ”

Esaya 1:8

Kutani wanhwana wa Siyoni u sele kukotisa dladla ensin'wini ya vhinya, kukota ntsonga ensin'wini ya marhakarhaka, kukota tshala ra varindzi.

Esaya 11:11

Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.

Esaya 11:16

Kutani mpfutla wu ta va kona eka masalela ya tiko ra yena, lama nga ta va ma tshamile etikweni ra Asiriya, tanihi leswi ingi wu ri kona eka Israele siku a sukeke etikweni ra Egipta.

Esaya 46:3

“Ndzi yingiseni n'wina va yindlu ya Yakobo, na n'wina hinkwenu masalela ya yindlu ya Israele, n'wina lava ndzi mi rhwaleke mpfhuka mi tswariwa, ndzi va ndzi mi veleka loko ma ha ri eveleni ra mana wa n'wina!

Esaya 65:8

Yehovha u vula sweswo, a ku: “Loko ku ri ni mati exidzumbeni xa vhinya, va ku: ‘U nga xi herisi, hikuva ka ha sele ku kateka kona!’ Na mina ndzi ta endlisa xisweswo hikwalaho ka rirhandzu ra malandza ya mina, leswaku ndzi nga herisi hinkwaswo.

Yeremiya 23:14

Kambe evaprofeteni va Yerusalema, ndzi vone manyala, ku oswana, ni ku famba evunweni; va tiyisa mavoko ya lavo biha, va nga ti hundzuka, un'wana ni un'wana eku biheni ka yena. Eka mina, hinkwavo va kotisa Sodoma, vaaki va kona va kotisa Gomora.”

Yeremiya 42:2

“Amukela xikhongelo xa hina, u hi khongelela eka Yehovha, Xikwembu xa wena, hina ni masalela lawa hinkwawo, hikuva hambi hi tele, hi sele hi nga ri vangani hilaha mahlo ya wena ma hi vonaka hakona;

Yeremiya 50:20

Emikarhini yoleyo, ni le nguveni yeleyo, ku vula Yehovha, ku ta laviwa ku homboloka ka Israele, kambe a ku nga ha vi kona, ni swidyoho swa Yuda kutani a swi nga ha kumiwi, hikuva ndzi ta khomela lava ndzi va siyeke.

Esaya 24:6

Hikwalaho ku rhuketeriwa ku dye tiko, vaaki va rona va biwile; hikwalaho vaaki va tiko va lovisiwaka, lava seleke a hi vangani.