Esaya 1:7 - Xitsonga (Bibele)

⁷ Tiko ra n'wina i mananga, miti ya n'wina yi hisiwile hi ndzilo, vamatiko va dya misava ya n'wina emahlweni ka n'wina. Va phanga, va heta tanihi valala.

BIBELE Mahungu Lamanene

⁷ Tiko ra n'wina i marhumbi ntsena, miti yi hisiwile hi ndzilo; vanhu va le handle va mi tekele tiko, mi ri karhi mi swi vona; tiko i marhumbi ntsena, ri herisiwile hi vanhu vambe.

Esaya 1:7 Referans Kwoze

Swirilo 5:2

Ndzhaka ya hina yi yile eka vamatiko, Ni tindlu ta hina eka lava nga ehandle.

Duteronoma 28:43

“Muluveri la nga ta luvela eka wena u ta tikurisa ehenhla ka wena ngopfungopfu; loko u ri wena u ta tsongahala hansihansi;

Duteronoma 28:33

Tiko leri u nga ri tiviki ri ta dya mihandzu ya misava ya wena ni ya mitirho ya wena hinkwayo; kambe u ta xanisiwa ni ku khandliwa ntsena hi masiku hinkwawo;

Hosiya 7:9

Vamatiko va dyela mandla ya yena, kambe yena a nga swi voni. U mirile misisi ya timpfu, kambe a nga swi tivi.

Ezekiele 30:12

Ndzi ta phyisa milambu, ndzi xavisa tiko emavokweni ya lavo biha; ndzi ta onha tiko hi mavoko ya vamatiko; ni hinkwaswo leswi nga eka rona; hi mina Yehovha la vuleke sweswo.

2 TIKRONIKA 28:5

Kutani Yehovha, Xikwembu xa yena, a n'wi nyiketa emavokweni ya hosi ya Siriya; Vasiriya va n'wi hlula, va khoma vanhu va yena lavo tala va va yisa eDamaska. A nyiketiwa ni le mavokweni ya hosi ya Israele, a hluriwa ngopfu hi yena.

Hosiya 8:7

Va byala moya, kambe va ta tshovela xidzedze. Mavele, wona, a ma nga vi kona; nchocho wu nga ka wu nga veki swakudya, ni loko wu nga veka, swi ta dyiwa hi vamatiko.

Yeremiya 6:8

Yerusalema, hundzuka, leswaku kumbe moya wa mina wu nga ku fularheli, leswaku kumbe ndzi nga ku hundzuri rhumbi, tiko leri nga riki na vanhu.”

Yeremiya 2:15

Tinghala ta n'wi mpfandzela, ti pfumisa marito ya tona, kutani ti handzula tiko ra yena, ku va ku onhaka ntsena; miti ya yena yi hisiwile, yi pfumarile vaaki.

Esaya 34:9

Milambu ya Edomu yi ta hundzuka nhlaka, ni misava xivavula, kutani tiko ra kona ri va tiko ra tinhlaka leti tshwaka,

Esaya 9:5

Hikuva ntanghu yin'wana ni yin'wana leyi munhu a yaka enyimpini ha yona, ni nguvu leyi pfulunganeke engatini, swi ta hoxiwa emalangavini swi hisiwa hi ndzilo.

Esaya 6:11

Kutani ndzi ku: “Ku ta va ku fika rini, Hosi?” A ku: “Miti yi ko yi mbundzuka, yi pfumatiwa vaaki, ni tindlu ti pfumala vanhu, ni tiko ri onhaka ri va rhumbi;

Esaya 5:17

Tinyimpfu ti ta dya kona tanihi loko ti ri emadyelweni ya tona, kutani vamatiko va ta phanga masimu lama onhiweke ya vafuwi.

Esaya 5:9

Yehovha wa tinyimpi u vurile etindleveni ta mina, a ku: “Kunene tindlu leto tala leti, ti ta hundzuka rhumbi, tindlu leto saseka letikulu leti, ti ta pfumala vaaki.

Pisalema 107:39

Kambe va ondzisiwile ni ku tsongahatiwa Hi ku karhala, ni makhombo, ni nhlomulo.

Pisalema 107:34

Misava yo nona yi hundzuriwe misava ya munyu Hikwalaho ka ku biha ka vaaki va kona.

Levhitika 26:34

“ ‘Kavaloko tiko ri ta tsakela Tisavata ta rona emikarhini hinkwayo ya ku onhaka ka rona, hambiloko mi hangalakile ematikweni ya valala va n'wina; hakona tiko ri nga ta wisa ni ku titsakela eTisavateni ta rona.

Levhitika 26:33

Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

Duteronoma 29:23

va ta ku: ‘I tiko ra xivavula ni munyu, leri tshweke hinkwaro, ri nga riki na mbewu ni swakudya, ni loko byi ri byanyi, a byi mili kona; swi kotisa ku pfilunganya ka Sodoma na Gomora, ni ka Adama na Seboyimi, miti leyi Yehovha a yi pfilunganyeke ku holoveni ka yena, ni le vukarini bya yena!’

Pisalema 109:11

La nga lomba eka yena a a dye hinkwaswo leswi a nga na swona, Mihandzu ya ntirho wa yena a yi phangiwe hi vamatiko!

Esaya 1:8

Kutani wanhwana wa Siyoni u sele kukotisa dladla ensin'wini ya vhinya, kukota ntsonga ensin'wini ya marhakarhaka, kukota tshala ra varindzi.

Esaya 3:8

Hikuva Yerusalema wa tsekatseka, Yuda wa dedeleka, hikuva marito ya vona ni mitirho ya vona swi lwa na Yehovha, ku karihisa mahlo ya yena lama kwetsimaka.

Esaya 9:18

Hikuva vudyoho byi pfurha tanihi ndzilo lowu hisaka mitwa ni swigatlu byi pfurha laha ku tlhumeke ni le swihlahleni, laha ku mbulukaka musi.

Esaya 49:19

Hikuva marhumbi ya wena, ni mananga ya wena, ni tiko leri onhakeke ra wena, swilo hinkwaswo sweswo swi nga ka swi nga ringani vaaki va wena. Lava nga ku vutla va fambile.

Esaya 60:15

Kasi khale a u tshikiwile, u vengiwile, u tshamile u ri swaku, sweswi ndzi ta endla ha wena ku dzuna ka mikarhi, ni ku tsaka ka tinxaka hinkwato.

Esaya 62:8

Yehovha u hlambanyile hi voko ra yena ra xinene, hi voko ra matimba ra yena: “Ndzi nga ka ndzi nga ha nyiki valala va wena koro ya wena, leswaku va dya, kutani vana va n'eni va nga ka va nga ha nwi vhinyo ya wena, wu nga mbhandzu wa mitirho ya wena;

Esaya 64:10

Miti ya wena leyi hlawulekeke yi hundzukile mananga; Siyoni u hundzukile mananga, Yerusalema, i rhumbi.

Yeremiya 4:7

Nghala yi humile exihlahleni xa yona, kambe muonhi wa matiko u hlomile, u hume exivandleni xa yena ku ya onha tiko ra wena; miti ya wena yi ta herisiwa yi pfumala muaki.

Yeremiya 7:34

Emitini ya Yuda ni le mitsendzeleni ya Yerusalema, ndzi ta miyeta rito ra ku tsaka ni rito ra ku tlanga, ni rito ra muteki ni ra mutekiwa; hikuva tiko ri ta va ri hundzukile mananga.

Yeremiya 44:6

Kutani ku kariha ka mina, ni ku leva ka mina ku tlhandluka ku pfurhela miti ya Yuda, ni mitsendzele ya Yerusalema, swi hundzuke rhumbi ni mananga, hilaha swi vonakaka namuntlha hakona.

Ezekiele 25:4

hikwalaho, vona, ndzi ta ku nyiketa ku fumiwa hi vana va le vuxeni; va ta veka mixaxa ya vona eka wena, va dzima maako ya vona eka rikwenu, hi vona va nga ta dya mihandzu ya wena, va ta nwa ntswamba wa wena.

Mikiya 5:11

ndzi ta lovisa miti ya tiko ra wena, ndzi nhlanhla makhokholo ya wena hinkwawo.

Mikiya 6:13

Loko ndzi ri mina, ndzi ta ku vavisa hi ku ku ba, ndzi ku onha hikwalaho ka ku dyoha ka wena.