Esaya 1:6 - Xitsonga (Bibele)

⁶ Ku suka emikondzweni, ku yisa enhlokweni, a ku na laha ku lulameke, i timbanga ntsena, ni mafelangati, ni swilondza leswi nyukaka, leswi nga siki tshunguriwaka ni ku boheleriwa, hambi ku ri ku olovisiwa hi mafurha.

BIBELE Mahungu Lamanene

⁶ Ku sukela eswikunwanini ku ya fika enhlokweni, ku hava laha ku nga vaviki; miri hinkwawo i mafelangati ni swilondza, a wu si hlantswiwa kumbe ku boheleriwa; wu tele maphokolo lama humaka ngati, ni murhi a wu cheriwanga.

Esaya 1:6 Referans Kwoze

Yeremiya 6:14

Kutani va ongola hi ku vevuka mbanga ya n'wana wa tiko ra mina. Va ku: ‘Ku rhurile, ku rhurile!’ Kasi a ku na ku rhula.

Matewu 9:12

Kuteloko Yesu a swi twa, a ku eka vona: “Lava tsakeke a va pfumari n'anga, kambe yi laviwa hi lava vabyaka.

Yeremiya 33:6

Vona, ndzi ta wu bohelela ndzi wu wongola, ndzi va horisa, ndzi va nyika ndzalo ya ku rhula, ni yo tsaka;

Luka 10:34

Kavaloko a tshinela, a n'wi bohelela timbanga, a chela mafurha ni vhinyo; a n'wi khandziyisa exifuweni xa yena lexi a xi khandziyeke, a n'wi yisa endlwini ya vaendzi, kutani a n'wi ongola kona.

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Pisalema 77:2

Hi siku ra nchavo wa mina, ndzi lava Hosi, Mavoko ya mina ma tshambulutiwa ni vusiku, ndzi nga wisi; Moya wa mina wu ala ku chaveleriwa.

Ntirho 5:18

Hikuva wa tlhava, kambe a tlhela a bohelela timbanga, Wa tshova, kutani mavoko ya yena ma horisa.

Nahume 3:19

Mbanga ya wena a yi na ku kandziwa, matshimbi ya wena a ma na ku hola! Hinkwavo lava twaka ta wena, va ta ku phakatela hi mandla; hikuva vumbabva bya wena byi kayele mani eku humeleleni ka byona xana?

Yeremiya 30:12

“Hikuva, ku vula Yehovha: Mbanga ya wena yi bihile, ni swilondza swa wena swa vava.

2 SAMIELE 14:25

Exikarhi ka Vaisraele hinkwavo, a ku vanga na munhu la sasekeke kukotisa Abixalomu; a va n'wi dzunisa ngopfu; ku suka emikondzweni ku yisa enhlokweni, a ku nga ri na xivati emirini wa yena.

Esaya 30:26

N'weti wa n'weti wu ta fana ni ku vonakala ka dyambu, ku vonakala ka dyambu ku ta engeteriwa kantlhanu na kambirhi, kukotisa masiku ya ntlhanu na mambirhi, hi siku Yehovha a nga ta ntshuxa mbanga ya tiko ra yena, a horisa mipfembeti ya ku biwa ka yena.

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Yeremiya 6:7

Kukotisa loko xihlovo xi humesa mati ya xona, wu humesa vumbabva bya wona hi mukhuva wolowo, ku wonga ni ku onha swi ri karhi swi twakala eka wona; timbanga ni mabibi ya mbilu swi le mahlweni ka mina hi masiku.

Yeremiya 30:15

“U rilela yini hikwalaho ka mbanga ya wena? Mbanga ya wena a yi nga holi. Ndzi ku endlele sweswo hikwalaho ka ku tala ka ku homboloka ka wena, hikuva swidyoho swa wena swi tele.