Esaya 1:5 - Xitsonga (Bibele)

⁵ Mi ta biwa ku yisa kwihi, loko mi andzisa ku tiarisa ka n'wina xana? Nhloko hinkwayo ya vabya, ni mbilu hinkwayo yi twa ku vaviseka.

BIBELE Mahungu Lamanene

⁵ Leswi mi yaka emahlweni mi tiarisa, xana ma ha ta biwa hi kwihi, hikuva nhloko hinkwayo ya vava, ni matimba a ma ha ri na wona.

Esaya 1:5 Referans Kwoze

Ezekiele 24:13

Ku biha ku kona ethyakeni ra wena, kasi ndzi ku hlantswile, hambiswiritano, a ku tenganga; a ku nga ha hlantswiwi thyaka ra wena ku fikela loko ndzi korwise vukari bya mina ha wena.

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Esaya 31:6

Hundzulekani eka yena loyi mi n'wi fularheleke swonghasi, n'wina, vana va Israele!

Yeremiya 5:31

Vaprofeta va profeta vunwa, kutani vaprista va fuma, va ri karhi va lerisiwa hi vona, kutani tiko ra mina ri tsakisela swona. Mi ta endla yini eku heteleleni xana?

Yeremiya 9:3

“Va kongile tindzimi ta vona kukotisa vurha ku copa vunwa; kambe a hi hikwalaho ka ku lulama loko va ri ni matimba laha emisaveni, hikuva loko va huma eku dyoheni kun'wana, va hundzela eku dyoheni kun'wanyana, kutani a va ndzi tivi,” ku vula Yehovha.

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

Nehemiya 9:34

Tihosi ta hina, ni vakulu va hina, ni vaprista va hina, ni vatata wa hina a va endlanga hi nawu wa wena, a va tsundzukangi ku lerisa ka wena ni milawu ya wena, hilaha u endleke vumbhoni exikarhi ka vona hakona.

Yeremiya 5:5

Ndzi ta ya eka vakulukumba, ndzi vulavula na vona, hikuva vona va tiva ndlela ya Yehovha, ni nawu wa Xikwembu xa vona. Kambe, na vona hinkwavo, va tshovile joko, va tshunxile mapindza.

Esaya 33:24

Kutani a ku nga vi na munhu la akeke eYerusalema la nga ta ku: “Ndza vabya!” Tiko leri akeke kona ri rivaleriwile swidyoho swa rona.

Esaya 9:21

Manase a dya Efrayimi na Efrayimi a dya Manase; havambirhi va wela Yuda. Hambiswiritano, vukari bya yena a byi tlhelanga, ni voko ra yena ra ha tshambulutiwile!

Esaya 9:13

Kambe tiko a ri tlhelelanga eka loyi a ri baka, a ri lavi Yehovha wa tinyimpi.

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

2 TIKRONIKA 28:22

Hambiloko a ri ekhombyeni, a engeta a dyohela Yehovha.

2 TIHOSI 1:13

Ahaziya a engeta a rhuma ndhuna ya vunharhu ya ntlhanu wa makume, yi ri ni vanhu va yona va ntlhanu wa makume. Ndhuna leya vunharhu, yi tlhandluka; kuteloko yi fikile yi khinsama hi matsolo ya yona emahlweni ka Eliya, yi n'wi khongela, yi ku eka yena: “Munhu wa Xikwembu! Wa nga tsetselela moya wa mina ni mimoya ya vanhu lava va ntlhanu wa makume, malandza ya wena!

Yeremiya 13:23

“Xana Muetiyopiya a nga tihundzula nhlonge ya yena, kumbe yingwe yi nga tihundzula mavala ya yona-ke? Loko swi ri tano, mi nga swi tiva ku endla swinene, n'wina lava mi titoloveteke ku endla leswo biha.

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Yeremiya 44:15

Kutani vavanuna hinkwavo lava nga tiva leswaku vasati va vona va hisele swikwembu swimbe mirhi ya risuna, ni vavasati hinkwavo lava nga yima kona, yi ri nhlengeletano leyikulu, ni tiko hinkwaro leri akeke etikweni ra Egipta, ePatroso, va hlamula Yeremiya, va ku:

Swirilo 5:17

Timbilu ta hina ta hela hikwalaho ka sweswo, Ni mahlo ya hina a ma ha voni,

Ezekiele 34:4

Tinyimpfu leti tsaneke, a mi ti tiyisanga, a mi hanyisanga leyi vabyaka, a mi bohelelanga leya mbanga, a mi landzanga leyi tlheleke, ni loko ku ri ku lava leyi lahlekeke; kambe mi ti fume hi matimba ni ku xanisa.

Ezekiele 34:16

Ndzi ta lava leyi lahlekeke ndzi landza leyi tlheleke, ndzi bohelela leyi tshovekeke, ndzi tiyisisa leyi vabyaka; kambe ndzi ta lovisa leyi noneke ni leya matimba; ndzi ta ti risa hi ku avanyisa.