Esaya 1:4 - Xitsonga (Bibele)

⁴ Yo! Khombo ra tiko ra vadyohi ra rixaka leri teleke ku homboloka ra vanhu lavo biha, ra vana lavo hunguka. Va fularhele Yehovha, va sandzile Mukwetsimi wa Israele va tlhelele endzhaku.

BIBELE Mahungu Lamanene

⁴ Yo, tiko ra vadyohi, vanhu lava nga lo pyì, hi vubihi, rixaka ra mikhuva leyo biha, leri hanyaka hi manyala ntsena! Va tshikile HOSI Xikwembu, va sandza Muhlawuleki wa Israele, va tlhela va n'wi fularhela.

Esaya 1:4 Referans Kwoze

Esaya 5:24

Hikwalaho, tanihi malangavi ya ndzilo loko ma dya tinhlanga, ni loko ma wisa byanyi lebyi omeke, rimitsu ra vona ri ta fana ni leswi hehliweke, ni vulangi bya vona byi ta dzudzeka tanihi ntshuri, hikuva va cukumetile nawu wa Yehovha wa tinyimpi, va sandzile rito ra Mukwetsimi wa Israele.

Yeremiya 2:17

“A ndzi ku, u humeleriwa hi sweswo hi leswi u tshikeke Yehovha, Xikwembu xa wena; siku a ku fambiseke endleleni.

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Varhoma 8:7

hikuva ku rhandza ka nyama, i vulala eka Xikwembu, hikuva a yi tiveki hansi ka nawu wa Xikwembu; ni ku tsandzeka, ya tsandzeka.

Matewu 3:7

Kambe loko a vona Vafarisi ni Vasaduki lavo tala va ta eka yena eku khuvuriweni, a va byela, a ku: “Rixaka ra timhiri, i mani a nga mi kombisa ku balekela ku kariha loku taka?

Yeremiya 7:19

Xana hakunene va ndzi karihisa xana, ku vula Yehovha? A ndzi ri va tikarihisa va ri vona; va ta khomiwa hi tingana emimombyeni ya vona.

Yeremiya 2:19

U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Esaya 5:19

lava nge: A a hatlise, a hatlisisa ntirho wa yena hi ta wu vona! Makungu ya Mukwetsimi wa Israele a ma tshinelele ma humelela, hi ta tiva leswaku i yini!

Vakolosa 1:24

Sweswi, ndzi titsakela emaxangwini lama ndzi humelelaka hikwalaho ka n'wina, kutani ndzi hetisa emirini wa mina, leswi seleke swa ku xaniseka ka Kriste, hikwalaho ka miri wa yena yi nga Kereke.

1 Vakorinto 10:22

Xana hi rhandza ku tshohokisa Hosi xana? Xana ha yi tlula hi matimba xana?

Matewu 23:33

N'wina tinyoka, vana va timhiri; mi ta ponisa ku yini eku avanyiseni ka tihele?

Matewu 11:28

“Tanani eka mina n'wina hinkwenu lava karheleke, ni lava tikeriwaka, ndzi ta mi wisisa.

Ezekiele 16:33

Vaoswi hinkwavo va tsakisiwa hi hakelo, kambe hi wena la nga tsakisa lava u gangiseke na vona, u va hakerile kunene leswaku va humelela hinkwako ku ta oswana na wena.

Yeremiya 51:5

Hikuva Israele na Yuda a va tshikiwanga hi Xikwembu xa vona, a nga Yehovha wa tinyimpi; kutani tiko ra Vakalediya ri tele milandzu emahlweni ka Mukwetsimi wa Israele.

Yeremiya 50:29

“Vitanani Babilona, vuvutelani hinkwavo lava copaka hi vurha; mi n'wi rhendzela ku nga poni nchumu; mi tlherisela eka yena hi ku endla ka yena, hinkwaswo leswi a swi endleke, n'wi endleni sweswo, hikuva u tiarisile eka Yehovha, Mukwetsimi wa Israele.

Yeremiya 7:26

Kambe a va yingisanga, ni loko ku ri ku rhiya tindleve, kambe va tinonon'hwisile tinhamu, va dyohile ku tlurisa vatata wa vona.

Yeremiya 2:33

“U tlharihile swonghasi etindleleni ta wena ku lava leswi u swi rhandzaka hilaha u titoloveteke ni ku dlaya.

Yeremiya 2:31

N'wina va rixaka leri, yingisani rito ra Yehovha! Xana ndzi ve tiko leri nga mananga eka Israele, kumbe tiko ra munyama lowa ntima? Tiko ra mina ri vulisa ku yini, loko ri ku: ‘Hi ta tsutsumela lahaya ni lahaya, a hi nga ha tlheleri eka wena.’

Yeremiya 2:5

Ku vula Yehovha a ku: “Vatata wa n'wina va tshama va kuma ku biha kwihi eka mina xana? Leswi va tshamaka va hambana na mina, va fambela vuhava, kutani va hundzuka swahava.

Esaya 65:3

eka tiko leri nga tshikiki ku ndzi pfuka hi ku humesa magandzelo emitangeni, hi ku humesa mirhi leyi nun'hwelaka eswitineni;

Esaya 41:20

leswaku vanhu va vona ni ku tiva, va va va xiya, kutani va anakanya leswaku i voko ra Xikwembu leri nga endla swilo sweswo ni leswaku Muhlawuleki wa Israele, hi yena Muendli wa swona.

Esaya 41:16

u ta swi hlela, moya wu va wu swi susa, kutani xihuhuri xi swi hangalasa; kambe wena u ta titsakela eka Yehovha, u ta tidzunisa eka Muhlawuleki wa Israele.

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Esaya 37:23

U rhukanile mani, u sandzile mani xana? U tlakusile rito ra wena ehenhla ka mani? U tlakusile mahlo, ya wena ehenhla ku lwa ni Mukwetsimi wa Israele.

Esaya 30:15

Hikuva Hosi Yehovha, Mukwetsimi wa Israele, u ri: “Mi ta kuma ku hlayiseka ka n'wina loko mi tlhela ni loko mi wisa; mi ta kuma matimba eku rhuleni ni le ku tshembeni”; kambe mi arile!

Esaya 30:9

Hikuva i tiko leri tiarisaka, i vana va mavunwa, vana lava alaka ku yingisa milawu ya Yehovha;

Esaya 29:19

Lava nga enhlomulweni va ta tsakela Yehovha; lava pfumalaka va ta titsakisa hi Mukwetsimi wa Israele.

Esaya 14:20

A ku averiwanga sirha na tona, hikuva u onhile misava ya wena, u dlele tiko ra wena! Rixaka ra lavo biha ri nga ka ri nga ha tshami ri vuriwa ni siku ni rin'we!

Esaya 10:6

Ndza n'wi rhuma ku ya lwa ni tiko lero homboloka, ndzi n'wi lerisa ku ya lwa ni tiko leri ndzi ri kariheleke, a ta tshumba swilo swa rona, a phanga xuma, a ri kandziyela tanihi ndzhope wa mitsendzele.

Esaya 3:8

Hikuva Yerusalema wa tsekatseka, Yuda wa dedeleka, hikuva marito ya vona ni mitirho ya vona swi lwa na Yehovha, ku karihisa mahlo ya yena lama kwetsimaka.

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Pisalema 89:18

Hikuva xitlhangu xa hina i Yehovha, Mukwetsimi wa Israele i Hosi ya hina.

Pisalema 78:40

Hakanyingi va xi dzumadzumela emananga, Ni ku xi karihisa!

Pisalema 78:8

Va nga tshuki va fana ni vatata wa vona, Rixaka ra ku tiarisa, ro dzumadzuma, Rixaka leri nga fambiki hi mbilu yo tiya, Leri moya wa rona, wu nga tshembiki Xikwembu.

Pisalema 58:3

Lavo homboloka va hombolokile mpfhuka va tswariwa, Vahembi va hambukile mpfhuka va hume ekhwirini.

Vaavanyisi 10:10

Kutani vana va Israele va huwelela eka Yehovha, va ku: “Hi ku dyohele, hikuva hi fularhele Xikwembu xa hina, hi tirhela Baali.”

Duteronoma 32:19

“Yehovha u swi vonile, kutani a kariha, U holovele vana va yena va xinuna ni va xisati,

Duteronoma 31:16

Yehovha a ku eka Muxe: “Waswivo, u ta ya etlela ni vatata wa wena; kambe tiko leri ri ta pfuka ri ya oswana ni swikwembu swin'wana swa misava leyi ri nga ta nghena eka yona; ri ta ndzi tshika, kutani ri ta tlula ntwanano wa mina lowu ndzi wu endleke na rona.

Duteronoma 29:25

Va ta humula, va ku: ‘Hi leswi va tshikeke ntwanano wa Yehovha, Xikwembu xa vatata wa vona, lowu a wu tiyiseke na vona loko a va humesa etikweni ra Egipta;

Tinhlayo 32:14

Kutani sweswi mi yima ematshan'weni ya vatata wa n'wina, mi ri rixaka ra vadyohi, mi lavela Israele ku engetela ku kariha ha Yehovha.

Genesa 13:13

Kasi vanhu va Sodoma a va bihile ngopfu, va ri vadyohi lavakulu emahlweni ka Yehovha.

Nhlavutelo 18:5

Hikuva swidyoho swa yena swi longolokile ku ya fika etilweni, kutani Xikwembu xi anakanyile ku homboloka ka yona.

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Nehemiya 1:7

Kunene, hi ku dyohele ngopfu, a hi hlayisanga ku lerisa ni milawu ya ku avanyisa loku u ku leriseke Muxe, nandza wa wena.

Pisalema 71:22

Hikwalaho ndzi ta ku vonga hi gubu, Ndzi ta twarisa ku tshembeka ka wena, Xikwembu xanga, Ndzi va ndzi ku yimbelela hi haripa wena, Mukwetsimi wa Israele.

Esaya 1:28

Kambe vatiarisi ni swidyohi swi ta phyandlasiwa swin'we, kutani lava tshikaka Yehovha va ta lova.

Esaya 9:17

Hikwalaho Hosi yi nga ka yi nga tsakeri timbhuri ta rona, yi nga ka yi nga tsetseleri swisiwana ni tinoni ta rona; hikuva hinkwavo i vadyohi ni vabihi, milomu hinkwayo yi vulavula swisandzu ntsena. Hambiswiritano, vukari bya yena a byi si tlhela, ni voko ra yena ra ha tshambulutiwile.

Esaya 31:2

Kasi na yena u ni vutlhari; hikwalaho a tisaka maxangu, a nga tlherisi marito ya yena; u ta pfukela yindlu ya vadyohi, ni ku pfuna ka lava tirhaka swo homboloka.

Esaya 57:17

Hikwalaho ka ku navela loku nga ni nandzu, ndzi karihile kutani ndzi n'wi bile, ndzi va ndzi tifihla evukarini bya mina; kutani la tiarisaka u landzile ndlela ya mbilu ya yena.

Esaya 58:2

Va ndzi lava hi masiku hinkwawo, va lava ku tiva tindlela ta mina; tanihi leswo nge i tiko leri fambaka hi ku lulama, leri nga tshikangiki ku lerisa ka Xikwembu xa rona, va kombela ka mina ku avanyisa ka ku lulama, va lava leswaku Xikwembu xi va tshinelela.

Esaya 65:11

Kambe n'wina, lava nga tshika Yehovha, lava nga rivala ntshava ya mina leyo kwetsima, lava andlalelaka Gadi tafula, lava chelelaka Meni ndzheko,

Yeremiya 15:6

U ndzi sukerile, ku vula Yehovha, kutani u tlherile hi le ndzhaku; hikwalaho ndzi tshalambuteke voko ra mina ehenhla ka wena, leswaku ndzi ku herisa: ndzi karhele ku ku tsetselela.

Yeremiya 32:32

hikwalaho ka ku biha hinkwako loku vana va Israele ni vana va Yuda va ku endleke loko va ndzi pfukile va ri vona, ni tihosi ta vona, ni vakulukumba va vona, ni vaprista va vona, ni vaprofeta va vona, ni vanhu va Yuda, ni vaaki va Yerusalema.

Ezekiele 14:5

leswaku ndzi phasa hi timbilu ta vona va yindlu ya Israele lava ndzi fularheleke ku ya eka swikwembu swa vona.

Ezekiele 16:45

U n'wana wa mana wa wena la nga fularhela nuna ni vana va yena; u makwavo wa vamakwenu lava nga fularhela vanuna ni vana va vona. Mana wa n'wina a a ri wa ka Hiti, tata wa n'wina a a ri wa ka Amori.

Daniele 9:11

Kutani Vaisraele hinkwavo va tlurile nawu wa wena, va hambukile leswaku va nga ti yingisa rito ra wena; kutani ku rhuketeriwa ni ku hlambanyiseriwa leswi tsariweke enawini wa Muxe, nandza wa Xikwembu, swi cheriwile ehenhla ka hina, hikuva hi xi dyoherile.

Sofoniya 1:6

ni lava tlheleke ndzhaku ka Yehovha, ni lava nga lavangiki Yehovha, va nga n'wi vutisisangiki.”

Eksoda 32:7

Kutani Yehovha a ku eka Muxe: “Suka u famba hikuva tiko ra wena, leri u ri humeseke etikweni ra Egipta ri tionhile.

Duteronoma 32:5

Leswi va tionheke, a nga na nandzu ka vona, Tingana ti ni vana va yena, I rixaka ro homboloka ni ro hemba.

2 TIHOSI 21:22

A tshika Yehovha, Xikwembu xa vatata wa yena, a nga fambanga endleleni ya Yehovha.

2 TIKRONIKA 12:1

Vuhosi bya Rhobuwamu, kuteloko byi tiyisiwile, ni loko a tiyile matimba, a tshika nawu wa Yehovha swin'we ni Vaisraele hinkwavo.

2 TIKRONIKA 27:2

A endla leswi lulameke emahlweni ka Yehovha, hinkwaswo hilaha Uziya, tata wa yena a endleke hakona; ntsena a nga nghenanga etempeleni ya Yehovha. Kambe tiko ri ya emahlweni hi ku dyoha.

Pisalema 78:41

A va tshikanga ku ringa Xikwembu, Ni ku pfuxa Mukwetsimi wa Israele.

Pisalema 78:57

Va tlhela ndzhaku, va va ni mano kukota vatata wa vona, Va va tani hi vurha lebyi kanganyisaka.

Esaya 30:1

“Khombo eka vana lava tiarisaka,” ku vula Yehovha, “lava kanelaka timhaka, kambe ndzi nga ri na vona, va endla xinakulobye, ku nga ri hi ku rhandza ka mina, va ta engeta xidyoho ehenhla ka xidyoho.