Esaya 1:29 - Xitsonga (Bibele)

²⁹ Hikuva mi ta va ni tingana hikwalaho ka mirhi ya terebinte leyi mi yi naveleke, mi va mi tshutshala hikwalaho ka mitanga leyi mi yi tsakeleke.

BIBELE Mahungu Lamanene

²⁹ Mi ta khomiwa hi tingana hikwalaho ka mirhi ya minkuhlu leyi a yi mi tsakisa, mintanga leyi mi nga lo tihlawulela yona yi ta mi nyumisa ngopfu.

Esaya 1:29 Referans Kwoze

Esaya 66:17

“Lava tihlawulaka, lava tibasisaka ku ya emitangeni, va ri karhi va etisa loyi a va fambisaka, lava dyaka nyama ya nguluve, ni swilo swa manyala, ni makondlo, valavo hinkwavo va ta lova,” ku vula Yehovha.

Esaya 65:3

eka tiko leri nga tshikiki ku ndzi pfuka hi ku humesa magandzelo emitangeni, hi ku humesa mirhi leyi nun'hwelaka eswitineni;

Esaya 57:5

lava hisekaka emikanyini, ni le hansi ka murhi wun'wana ni wun'wana lowu hlukeke, lava tlhavaka vana emikoveni, ni le mabakweni ya tintshava?

Hosiya 4:13

Va endla magandzelo etinhlohlorhini ta tintshava, ni le henhla ka switsunga va hisa magandzelo, va endlisa sweswo ehansi ka nkuhlu, ni popolere, ni nkanyi, hikuva ndzhuti wa swona wa nandzika Hikwalaho vanhwanyana va n'wina va tiendla swigangu, ni vasati va n'wina va tiendla vaoswi.

Ezekiele 16:63

leswaku u anakanya mikarhi leyi nga hundza, u va ni tingana, kambe u miyela, ni ku tisola, loko ndzi ta ku rivalela mitirho hinkwayo ya wena, ku vula Hosi, Yehovha.”

Varhoma 6:21

Emikarhini yoleyo a mi tshovela yini xana? Mi khomisiwa tingana ha swona sweswi, hikuva makumu ya swona i rifu.

Hosiya 14:8

Wena, Efrayimi, ndzi ni mhaka yihi ni swifaniso? Hi mina ndzi n'wi hlamulaka, ndzi n'wi langutelaka; mina ndzi kotisaka murhi wa kipresi lowu tsakamaka; mihandzu leyi kumiwaka eka wena yi huma eka mina.

Hosiya 14:3

Vaaxuru va nga ka va nga hi hanyisi; tihanci, hi nga ka hi nga ti khandziyi, kutani ntirho wa mavoko ya hina, a hi nga ha wu viti swikwembu swa hina, hikuva eka wena, xisiwana xi vona tintswalo.”

Ezekiele 36:31

Mi ta tsundzuka tindlela ta n'wina to biha, ni swiendlo swa n'wina leswi ngi swi nga ri leswinene mi tinyenyetsa hikwalaho ka swidyoho ni manyala ya n'wina.

Ezekiele 6:13

Kutani mi ta tiva leswaku hi mina Yehovha, loko tinkuveri ta vona ti ta wa exikarhi ka swifaniso swa swikwembu swa vona, ematlhelweni ya tialitari ta vona, ni le henhla ka switsunga hinkwaswo, ni le tinhlohlorhini hinkwato ta tintshava ni le hansi ka mirhi hinkwayo leya matluka, ni le hansi ka mikuhlu hinkwayo laha va gandzelaka kona swikwembu hinkwaswo swa vona hi magandzelo lama nun'hwelaka.

Yeremiya 3:6

Emikarhini ya Hosi Yosiya, Yehovha a ku eka mina: “Xana u vonile lexi Israele muhundzuki a xi endleke? U fambile etintshaveni hinkwato leti tlakukeke, ni le hansi ka mirhi hinkwayo leyi nga ni matluka, a ri karhi a oswana kona.

Yeremiya 2:20

“Hikuva khale u tshovile joko ra wena, u tshunxile mapindza ya wena, kambe u ku: ‘A ndzi nga ha tirhi!’ hilaha u tinyikeke vuoswi eswitsungeni hinkwaswo leswi tlakukeke ni le hansi ka mirhi hinkwayo leyi nga ni matluka.

Esaya 45:16

Hinkwavo va khomiwa hi tingana, va vaviseka, va suka va ri ni tingana vona vaendli va swifaniso.

Esaya 31:7

Hikuva siku lero un'wana ni un'wana u ta lahla swikwembu swa yena swa silivhere, ni swikwembu swa yena swa nsuku leswi mi tiendleleke swona ku dyoha ha swona.

Esaya 30:22

Kutani swifaniso swa n'wina leswi vatliweke leswi namekiweke hi silivhere, ni swifaniso swa n'wina leswi chuluriweke, leswi lemiweke hi nsuku, mi ta swi chela thyaka, mi swi cukumeta kukotisa manyala, mi ku: “Huma!”

Esaya 42:17

Va ta tlhelela endzhaku, va va ni tingana, lava tshembaka swifaniso leswi vatliweke, lava nga eka swifaniso leswi nyukisiweke: ‘Mi swikwembu swa hina.’

Hosiya 4:19

Xidzedze xi va tekela etimpapeni ta xona; va ta tlhaviwa hi tingana hikwalaho ka magandzelo ya vona.