Esaya 1:24 - Xitsonga (Bibele)

²⁴ Hikwalaho Hosi, Yehovha wa tinyimpi, nhenha ya Israele, u ri: “Ya! Ndzi ta titsakisa hi lava ndzi vengaka, ndzi ta tirihisela eka valala va mina.

BIBELE Mahungu Lamanene

²⁴ Hikokwalaho, HOSI ya matimba hinkwawo, N'wini wa hinkwaswo ni Ntamu wa Israele, ú vurisa sweswo, ú ri: “Khombo! Ndzi ta chululela vukari bya mina ehenhla ka lava va ndzi vengaka; lava lwaka na mina, ndzi ta tirihisela eka vona.

Esaya 1:24 Referans Kwoze

Esaya 60:16

U ta an'wa mafi ya matiko, u ta an'wa vele ra tihosi; kutani u ta tiva leswaku mina Yehovha, ndzi muponisi wa wena, ni leswaku Lowa matimba wa Yakobo, i mukutsuri wa wena.

Esaya 61:2

ni ku vula lembe lerinene ra Yehovha, ni siku ra ku tirihisela ka Xikwembu xa hina ku chavelela hinkwavo lava vavisekaka;

Esaya 49:26

Ndzi ta dyisa vaxanisi va wena nyama ya vona, va ta pyopyiwa hi ngati ya vona, yi va tanihi vhinyo leyintshwa, kutani nyama hinkwayo yi ta tiva leswaku mina Yehovha, ndzi Muponisi wa wena, ni leswaku Mukutsuri wa wena hi Lowa matimba wa Yakobo.”

Esaya 35:4

Mi ku eka va timbilu leti tshukeke: “Rhulani timbilu, mi nga chavi! Vonani, Xikwembu xa n'wina xa ta hi ku rihisa, ku nga ku hakela ka Xikwembu xi ta ta xi ri xona, xi mi hlayisa.”

Duteronoma 28:63

Kukotisa leswi Yehovha a titsakeleke ku mi katekisa, ni ku mi andzisa, hi sweswo, Yehovha u ta titsakela ku mi lovisa, ni ku mi herisa; kambe mi ta tsuvuriwa emisaveni leyi mi nga ta nghena eka yona ku yi fuma.

Nhlavutelo 18:8

hikwalaho makhombo ya yena ma ta humelela hi siku rin'we, rifu, ni nhlomulo ni ndlala, kutani u ta hisiwa hi ndzilo, hikuva Hosi leyi n'wi avanyisaka i Xikwembu xa matimba.”

Vaheveru 10:13

a ri karhi a langutela leswi seleke, hileswaku lava nga valala eka yena, va endliwa vunavelo bya mikondzo ya yena.

Ezekiele 21:17

“Rila, u huwelela, n'wana wa munhu, hikuva fumu ri ta va ehenhla ka vanhu va mina, ri ta va ehenhla ka tihosana hinkwato ta Israele; ti nyiketiwa fumu kun'we ni vanhu va mina. Loko swi ri tano, phakata endzhumbini wa wena!

Ezekiele 16:42

Ndzi ta hetisa vukari bya mina ehenhla ka wena, rilondzo ra mina ri ta suka eka wena, ndzi miyela, kutani vukari bya mina byi ta hela.

Ezekiele 5:13

“Vukari bya mina byi ta va pfurhela hi ku hetiseka. Ndzi ta tirihisela, va ta tiva leswaku mina Yehovha, ndzi Xikwembu lexi nga ni rilondzo, loko ndzi va ndzi hetisela vukari bya mina ehenhla ka vona.

Esaya 30:29

Mi ta yimbelela ku kota loko va ri emikhubyeni va yimbelela nivusiku, kutani timbilu ta n'wina ti ta tsaka hi ku tsaka loku fanaka ni ka lava fambaka va yimba tinanga, loko va ya entshaveni ya Yehovha, eribyeni lero tiya ra Israele.

Pisalema 132:2

U hlambanyile ka Yehovha, U tshembisile lowa matimba wa Yakobo, a ku:

Duteronoma 32:43

“N'wina matiko, yimbelelani hi ku tsaka kun'we ni tiko ra xona, Hikuva Xikwembu xi rihisela ngati ya malandza ya xona, Xi ta tirihisela ehenhla ka valala va xona Xi phahlela misava ya xona, ni tiko ra xona mhamba.”

Yeremiya 50:34

Kambe mukutsuri wa vona u ni matimba, Yehovha wa tinyimpi i vito ra yena. Kunene, u ta va avanyisela ku nyika tiko ku wisa, kutani a pfilunganya vaaki va Babilona.

Esaya 63:4

Hikuva siku ra ku tirihisela a ri ri kona embilwini ya mina, kutani lembe ra vakutsuriwa va mina ri fikile.

Genesa 49:24

Kambe vurha bya yena byi tshame byi tiyile; Mavoko ni mandla ya yena ma tiyisiwile Hi mandla ya Nhenha ya Yakobo, Hi loyi a nge Murisi ni Ribye ra Israele.

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Esaya 59:18

U ta tlherisela un'wana ni un'wana hi mitirho ya yena, vukari eka valala va yena, ni ku ba eka lava n'wi vengaka, u ta tlherisela swihlale hi mfanelo.

Yeremiya 9:9

Xana ndzi nga tshikisa ku yini ku tshinya swilo leswo tano xana,” ku vula Yehovha? “Kumbe moya wa mina wu nga tshikisa ku yini ku tirihisela eka tiko lero tano xana?”

Mikiya 5:15

ndzi ta tirihisela hi vurhenha ni ku kariha ehenhla ka matiko lama nga yingisangiki.

Ezekiele 5:12

Ku avanyisa ka vunharhu ka vaaki va n'wina ku ta lova hi ntungu ni ndlala; ni ku avanyisa kun'wana ka vunharhu ku ta lova hi tlhari ekusuhi na wena, kutani ku avanyisa ka vunharhu kun'wana, ndzi ta ku hangalasa hi matlhelo hinkwawo, ndzi va hlongorisa hi tlhari.