Esaya 1:15 - Xitsonga (Bibele)

¹⁵ Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

BIBELE Mahungu Lamanene

¹⁵ Loko mi tshambuluta mavoko ya n'wina, ndzi tisiva mahlo ndzi languta etlhelo; a ndzi nga mi yingisi, hambi mo endla swikhongelo leswo tala, hikuva mavoko ya n'wina ma tele ngati.

Esaya 1:15 Referans Kwoze

Mikiya 3:4

Enkarhini lowo va ta huwelela eka Yehovha, kambe a nga va yingisi; u ta va fihlela mombo wa yena enkarhini lowo, hikuva va onhile ku famba ka vona.

Swivuriso 1:28

Enkarhini wolowo va ta vitana eka mina, kambe ndzi nga ka ndzi nga hlamuli; Va ta ndzi lava, kambe va nga ka va nga ndzi kumi.

Zakariya 7:13

“Leswi a nga vitana, va nga twangiki, va vitanile kutani a ndzi yingisanga,” ku vula Yehovha wa tinyimpi.

Yeremiya 14:12

Hambi va nga titsona swakudya, ndzi nga ka ndzi nga yingisi ku huwelela ka vona; ni loko va ndzi humesela tiholokosta ni mihlengo, ndzi nga ka ndzi nga swi amukeri; kamba ndzi ta va heta hi tlhari, ni ndlala, ni ntungu.”

Pisalema 66:18

Loko a ndzi anakanyile ku homboloka embilwini ya mina, Hosi a yi nga ta ndzi yingisanga,

1 TIHOSI 8:22

Kutani Solomoni a yima emahlweni ka alitari ya Yehovha, emahlweni ka nhlengeletano hinkwayo ya Israele, a tlakusa mavoko ya yena ehenhla, a ku:

Esaya 58:7

Xana a hi ku phamela loyi a nga ni ndlala vuswa bya wena, a hi ku amukela endlwini ya wena xisiwana lexi nga riki na ekaya xana? Ni loko u vona munhu a swerile, u n'wi funengeta-ke? Ni loko u nga hundzukeri loyi a nga nyama ya wena hi xiviri xana?

Pisalema 55:1

Oho Xikwembu! Rhiyela xikhongelo xa mina ndleve, U nga fularheli ku kombela ka mina! Ndzi yingise, u ndzi hlamula.

Ntirho 27:20

Mapfalo ma ta eka yena kukota ndhambi ya mati; Nivusiku u susiwa hi xidzedze.

1 TIHOSI 8:54

Kuteloko Solomoni a hetile ku humesela Yehovha ku khongela hinkwako loku, ni ku kombela loku, a suka a yima emahlweni ka alitari ya Yehovha, laha a khinsameke kona ematsolweni ya yena, a yimisile mavoko ehenhla,

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Matewu 6:7

“Loko mi khongela, mi nga tshuki mi bokoxela kukota vamatiko, hikuva va anakanya leswaku va ta yingisiwa hi ku vulavula ngopfu.

1 Timotiya 2:8

Hikwalaho ndzi rhandza leswaku vavanuna va khongela hinkwako va ri karhi va tlakusa mavoko layo basa, ku nga ri na ku kariha ni ku kanetana.

Esaya 8:17

Ndzi tshembile Yehovha la fihlelaka yindlu ya Yakobo mombo wa yena, ndzi langutela eka yena.

Pisalema 134:2

Tlakusani mavoko ya n'wina evukwetsimelweni bya yena, Mi ri karhi mi tlangela Yehovha!

Ezra 9:5

Hi nkarhi wa magandzelo ya madyambu, ndzi yima kona eku titsongahateni ka mina, banci ni nguvu ya mina swi handzuriwile, ndzi khinsama hi matsolo, ndzi tlakusa mavoko ya mina eka Yehovha, Xikwembu xanga,

Yohane 9:31

Ha swi tiva leswaku Xikwembu a xi yingisi vadyohi; kambe kungakuloko munhu a chava Xikwembu, a endla hi ku rhandza ka xona, xa n'wi yingisa.

Eksoda 9:29

Muxe a ku eka yena: “Kutakuloko ndzi huma emutini, ndzi ta tlakusa mavoko ya mina eka Yehovha, kutani ku pfuma ku ta miyela, xihangu na xona xi ta hela, u ta tiva leswaku misava i ya Yehovha.

Ntirho 35:13

Xikwembu xi nga ka xi nga twi mikhongelo ya swahava, Lowa matimba hinkwawo a nga ka a nga swi languti.

Esaya 4:4

Kutakuloko Hosi yi hlantswile thyaka ra vanhwana va Siyoni, kutani a susile ngati leyi nga exikarhi ka Yerusalema, hi moya wa ku avanyisa ni moya wa ku lovisa,

Esaya 45:15

Hakunene, u Xikwembu lexi tifihlaka, Xikwembu xa Israele, wena Muponisi!

Esaya 58:4

Vonani, mi titsona swakudya ku lwisana ni ku tengisana, ni ku banana hi swibakela swa tihanyi, a mi titsoni swakudya hilaha swi fanelaka siku lero, leswaku rito ra n'wina ri ta yingisiwa kwale henhla.

Esaya 64:7

A ku nga ri na munhu la khongelaka hi vito ra wena, la pfukaka a namarhela eka wena; hikuva u hi fihlele mombo wa wena, kutani u hi tshika hi fa eku dyoheni ka hina.

Yeremiya 4:31

Hikuva ndzi twa nkosi wo nge i wa la velekaka, mikosi ya wansati la nga ekhombyeni ra ku veleka n'wana wa mativula; i nkosi wa nhwanyana wa Siyoni, a hefemuteka, a ri karhi a tshambuluta mavoko a ku: “Yo! Yowee! Moya wa mina wu tikeriwile hi vadlayi.”

Yeremiya 11:11

“Hikwalaho, Yehovha u vula a ku: ‘Vonani, ndzi ta va humesela khombo leri va nga taka va nga poni eka rona; va ta huwelela eka mina, kambe ndzi nga ka ndzi nga va yingisi.

Ezekiele 11:6

Mi andzisile mitsumbu emutini lowo, mi tatisile mitsendzele hi ngati.

Ezekiele 14:3

“N'wana wa munhu, vanhu valavo va namarhele swikwembu swa vona hi timbilu ta vona, va vekile emahlweni ka vona ribye ra ku khunguvanyisa, leri va dyohisaka. Xana ndzi ta va yingisa-ke?

Ezekiele 39:23

ni matiko ma ta tiva leswaku loko va yindlu ya Israele va yisiwile evukhumbini, hi leswi va dyoheke, leswi va ndzi kanganyiseke; hikwalaho ndzi va fihlele mombo wa mina, ndzi va nyiketile valala va vona, va wile hinkwavo hi ku tlhaviwa hi fumu.

Hosiya 5:6

Va ta lava Yehovha hi tinyimpfu ta vona, ni tihomu ta vona, kambe va nga ka va nga n'wi kumi: U va fularhelile.

Swivuriso 6:17

I mahlo yo tikukumuxa, ni ririmi ra vunwa, Ni mavoko lama halataka ngati leyi nga riki na nandzu;