Esaya 1:12 - Xitsonga (Bibele)

¹² Siku mi ta ka humelela emahlweni ka mina, mi lerise hi mani ku kandziya eswivaveni swa mina?

BIBELE Mahungu Lamanene

¹² Mi byele hi mani ku humesa swilo leswi, loko mi ta emahlweni ka mina ku ta ndzi gandzela, xana? Mo tela ku tshumbutela swivava swa mina ntsena.

Esaya 1:12 Referans Kwoze

Eksoda 34:23

“Vavanuna hinkwavo exikarhi ka n'wina, va ta humelela kanharhu hi lembe emahlweni ka Hosi Yehovha, Xikwembu xa Israele;

Eksoda 23:17

Kanharhu hi lembe, vavanuna va ta humelela hinkwavo emahlweni ka Hosi Yehovha.

Matewu 23:5

Mitirho ya vona hinkwayo va yi tirha leswaku va voniwa hi vanhu, hikuva va anamisa tifilaktera ta vona, va lehisa makhaxa ya tinguvu ta vona.

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Eklesiasta 5:1

Xiyisisa milenge ya wena, loko u nghena endlwini ya Xikwembu, u tshinelela ku yingisa timhaka, ku nga ri ku humesa gandzelo ra swiphukuphuku hikuva a swi tivi leswaku swi endla swo biha.

Pisalema 40:6

A ku tsakelangi magandzelo ni tinyiko; U pfurile tindleve ta mina. A ku lavanga holokosta ni magandzelo ya xidyoho.

Duteronoma 16:16

“Kanharhu hi lembe, wanuna un'wana ni un'wana u ta humelela emahlweni ka Yehovha, Xikwembu xa wena, exivandleni lexi a nga ta xi hlawula; hileswaku enkhubyeni wa xinkwa lexo kala comela, ni le nkhubyeni wa mavhiki, ni le nkhubyeni wa mitsonga kambe va nga ka va nga humeleli emahlweni ka Yehovha va nga tamelanga nchumu:

Zakariya 7:5

Leswi mi tshamaka mi titsona swakudya mi va mi rila hi n'hweti ya vuntlhanu, ni ya vuntlhanu na timbirhi, hi malembe walawo ya ntlhanu wa makume ni makume mambirhi, xana a mi titsonela mina-ke?

Yeremiya 7:11

Yindlu yoleyi, vito ra mina ri vuriwaka eka yona, xana i bako ra makhamba emahlweni ka n'wina xana? Kunene, na mina ndzi swi vonile sweswi, ku vula Yehovha.