Eksoda 9:34 - Xitsonga (Bibele)

³⁴ Kambe Faro, kuteloko a vonile leswaku mpfula ni xihangu ni ku pfuma swi miyele, a engeta a dyoha, a ti nonon'hwisa mbilu, yena ni malandza ya yena.

BIBELE Mahungu Lamanene

³⁴ Loko Faro a vona leswaku mpfula ni xihangu ni tilo swi yimile, a engeta a dyoha, a tinonon'hwisa, yena ni malandza ya yena.

Eksoda 9:34 Referans Kwoze

Eksoda 7:14

Kutani Yehovha a ku eka Muxe: “Mbilu ya Faro yi nonon'hwile, wa ala ku tshunxa tiko.

Eklesiasta 8:11

Kutani, hikuva ku avanyisa loku avanyisaka mitirho hinkwayo leyo homboloka ku nga hatlisi ku humelela, hikwalaho-ke timbilu ta vana va vanhu ti teleke ku navela ku endla swo biha.

2 TIKRONIKA 36:13

A va a xandzukela hosi Nebukadnetsara leyi n'wi hlambanyiseke hi vito ra Xikwembu; kutani a nonon'hwisa nhamu ya yena, a nonon'hwisa ni mbilu ya yena, a nga ti tshuka a tlhelela eka Yehovha Xikwembu xa Israele.

2 TIKRONIKA 33:23

A nga titsongahatanga emahlweni ka Yehovha hilaha Manase tata wa yena a titsongahateke hakona; hikuva yena Amoni a dyoha hi ku tlurisa.

2 TIKRONIKA 28:22

Hambiloko a ri ekhombyeni, a engeta a dyohela Yehovha.

Eksoda 8:15

Kambe Faro loko a vona leswaku u pfuniwile, a ti nonon'hwisa mbilu, a nga va yingisanga, hilaha Yehovha a nga vula hakona.

Eksoda 4:21

Kambe Yehovha a ku eka Muxe: “Eku tlheleleni ka wena eEgipta, vona masingita hinkwawo lawa ndzi vekeke wona emavokweni ya wena u ta ma endla emahlweni ka Faro; kambe mina ndzi ta nonon'hwisa mbilu ya yena leswaku a nga pfumeleli tiko ku famba.

Eksoda 9:33

Kutani Muxe a suka eka Faro, a huma emutini, kuteloko a tlakuse mavoko ya yena eka Yehovha, ku pfuma ni xihangu swi hela, ni mpfula yi xa emisaveni.

Eksoda 9:35

Mbilu ya Faro yi nonon'hwa, a ala ku tshunxa vana va Israele, hilaha Yehovha a nga vula hi nomu wa Muxe.

1 SAMIELE 6:6

Xana mi ta nonon'hwisela yini timbilu ta n'wina, kukotisa leswi Vaegipta na Faro va nonon'hwiseke timbilu ta vona xana? Xana a swi nga vi kukotisa loko xi va endleke hi matimba, kutani va va tshika va famba?