Eksoda 9:32 - Xitsonga (Bibele)

³² Koro ni swifake a swi biwanga, hikuva swi hlwele ku mila.

BIBELE Mahungu Lamanene

³² Kambe swimilana swa tikoroni a swi herisiwanga, hikuva swona swa hlwela ku rhumbuka.)

Eksoda 9:32 Referans Kwoze

Eksoda 10:22

Muxe a tlakusa voko ra yena ehenhla, kutani munyama lowa ntima wu va kona etikweni ra Egipta hi masiku manharhu.

Eksoda 9:31

Ntsembyana ni barley swi onhaka, hikuva barley a yi rhumbukile ni ntsembyana a wu balekile swiluva.

Eksoda 9:33

Kutani Muxe a suka eka Faro, a huma emutini, kuteloko a tlakuse mavoko ya yena eka Yehovha, ku pfuma ni xihangu swi hela, ni mpfula yi xa emisaveni.

2 SAMIELE 21:9

kutani a va nyiketa emavokweni ya va Gibiyoni; vona va va hayeka entshaveni emahlweni ka Yehovha; lava ntlhanu na vambirhi va fa swin'we. Va dlawa emasikwini layo rhanga ya ku tshovela, eku sunguleni ka ku tshovela ka barley.

Esaya 28:25

Loko a kukulile, a nga byari aneta xana, a hlwanya ni kumini, a pandzela koro tindlela, a byala barley endzimeni ya yona, ni xifake ematlhelweni!

Ezekiele 4:9

“U teka koro, ni barley, ni tinyawa, ni swinyawana, ni mphoho, ni n'wahuva, u swi katsa swin'we embiteni, u tipfuvela vuswa ha swona, hi masiku hinkwawo ya ku etlela ka wena. U ta dya byona hi masiku ya, 390.

Eksoda 10:5

ti ta funengeta misava hinkwayo, vanhu va ta tsandzeka ku vona misava; ti ta dya leswi seleke eka leswi nga biwa hi xihangu; ti ta dya ni mirhi hinkwayo leyi milaka emasin'wini ya n'wina.

Eksoda 10:12

Yehovha a ku eka Muxe: “Tlakusa voko ra wena ehenhla ka tiko ra Egipta, tinjiya ti ta ta etikweni ra Egipta, ti dya byanyi hinkwabyo bya misava, ni hinkwaswo leswi nga siyiwa hi xihangu.”