Eksoda 9:29 - Xitsonga (Bibele)

²⁹ Muxe a ku eka yena: “Kutakuloko ndzi huma emutini, ndzi ta tlakusa mavoko ya mina eka Yehovha, kutani ku pfuma ku ta miyela, xihangu na xona xi ta hela, u ta tiva leswaku misava i ya Yehovha.

BIBELE Mahungu Lamanene

²⁹ Muxe a ku ka yena: “Sweswi ndzi nga ta huma laha ka wena, ndzi ta tlakusa mavoko ya mina ndzi khongela HOSI Xikwembu; tilo ri ta yima, naswona a ku nga ha vi na xihangu, kutani hi kona u nga ta tiva leswaku misava i ya HOSI Xikwembu.

Eksoda 9:29 Referans Kwoze

1 Vakorinto 10:26

hikuva “misava i ya Hosi, ni ku tala ka yona?”

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

Pisalema 143:6

Ndzi tlakusa mavoko ya mina eka wena, Moya wanga wu ni torha hikwalaho ka wena, kukota misava leyi omeke.

1 TIHOSI 8:38

loko munhu, hambi a ri mani na mani, kumbe tiko ra wena hinkwaro ra Israele, a kombela a va a khongela, kutani un'wana ni un'wana a tivula xidyoho xa mbilu ya yena, a va a tlakusela mavoko ya yena etlhelo ra Yindlu leyi:

1 TIHOSI 8:22

Kutani Solomoni a yima emahlweni ka alitari ya Yehovha, emahlweni ka nhlengeletano hinkwayo ya Israele, a tlakusa mavoko ya yena ehenhla, a ku:

Duteronoma 10:14

“Waswivo! Matilo, ni matilo ya matilo i ya Yehovha, swin'we ni misava, ni hinkwaswo leswi nga eka yona.

1 Vakorinto 10:28

Kambe loko munhu a mi byela, a ku: “leswi, swi tlhaveriwe swifaniso,” mi nga tshuki mi dya hikwalaho ka loyi a mi tsundzuxeke, ni hikwalaho ka ripfalo; hikuva misava i ya Hosi, ni ku tala ka yona.

Pisalema 135:6

Hinkwaswo leswi Yehovha a swi rhandzaka, u swi endla Ematilweni ni le misaveni, Emalwandle ni le swidziveni hinkwaswo.

Pisalema 50:12

“Loko ngi ndzi ri ni ndlala ndzi nga ka ndzi nga ku byeli nchumu, Hikuva misava i ya mina, ni hinkwaswo leswi nga eka yona.

Ntirho 11:13

“Kambe wena loko u yisa mbilu ya wena eka xona, Loko u tlakusa mavoko ya wena eka xona,

Ezra 9:5

Hi nkarhi wa magandzelo ya madyambu, ndzi yima kona eku titsongahateni ka mina, banci ni nguvu ya mina swi handzuriwile, ndzi khinsama hi matsolo, ndzi tlakusa mavoko ya mina eka Yehovha, Xikwembu xanga,

Eksoda 19:5

Kutani sweswi, loko mi yingisa rito ra mina, mi hlayisa ntwanano wa mina, mi ta va rifuwo ra mina kunene ehenhla ka matiko man'wana hinkwawo, hikuva misava hinkwayo i ya mina.

Eksoda 9:33

Kutani Muxe a suka eka Faro, a huma emutini, kuteloko a tlakuse mavoko ya yena eka Yehovha, ku pfuma ni xihangu swi hela, ni mpfula yi xa emisaveni.

Eksoda 8:22

Kambe hi siku rero ndzi ta hlawula tiko ra Goxeni, leri tiko ranga ri tshamaka eka rona, ku nga ka ku nga tshami mabawa kona u ta tiva hakona leswaku mina Yehovha ndzi kona exikarhi ka tiko leri.

Eksoda 20:11

Hikuva hi masiku ya ntlhanu na rin'we, Yehovha u endle tilo ni misava, ni lwandle, ni swilo hinkwaswo leswi nga eka swona; kambe u wisile hi siku ra vuntlhanu na mambirhi. Hikwalaho Yehovha a nga katekisa siku ra ku wisa, a va a ri hlawulekisa.

Eksoda 8:6

Kutani Aroni a tlakusa voko ra yena ematini ya Egipta, mitlambya yi huma, yi tata tiko ra Egipta.