Eksoda 9:23 - Xitsonga (Bibele)

²³ Kavaloko Muxe a yimisa nhonga ya yena ehenhla, kutani Yehovha a pfumisa tilo a nisa ni xihangu, ni ndzilo a wu pfurha emisaveni; Yehovha a nisa xihangu etikweni ra Egipta.

BIBELE Mahungu Lamanene

²³ Kutani Muxe a tlakusa nhonga ya yena a komba ehenhla, kutani HOSI Xikwembu xi pfumisa tilo, xi rhumela ni xihangu, rihati ri ba ri nghena ehansi. HOSI Xikwembu xi wisa xihangu etikweni ra Egipta,

Eksoda 9:23 Referans Kwoze

Pisalema 18:13

Yehovha u pfuma ematilweni Loya nge henhla a twakarisa rito ra yena, Ku va ni xihangu ni makala lama vavamelaka.

Yoxuwa 10:11

Kutani, kuteloko va ha balekele Israele eku rheleleni ka Bet-Horoni, Yehovha a va nisela hi le tilweni maribye lamakulu ku fika eAzeka, kutani va fa, lava dlayiweke hi maribye lawa ya xihangu a va tlula lava vana va Israele va va dlayeke hi tlhari.

Ezekiele 38:22

“Hilaha ndzi nga ta tenga na yena hi ntungu ni ngati, ndzi ta nisa mpfula leyikulu, ni maribye, ni ndzilo, ni xivavula ehenhla ka yena, ehenhla ka mitlawa ya yena, ni le henhla ka matiko lamanyingi lama nga ta va na yena.

Esaya 30:30

Kutani Yehovha u ta twakarisa rito ra yena lerikulu, a komba ku xungeta ka voko ra yena lero leva ni ku kariha ni ndzilo wa langavi leri hisaka, ni xidzedze, ni mpfula leyikulu, ni maribye ya xihangu.

Nhlavutelo 8:7

Ntsumi leyo rhanga yi yimba nanga ya yona, kutani ku va ni xihangu ni ndzilo, swi hlangane ni ngati, swi hoxiwa emisaveni; kwalaho tlhelo ra vunharhu ra misava ri tshwa, ni ku avanyisa ka vunharhu ka mirhi yi tshwa, ni byanyi hinkwabyo bya rilambyana byi tshwa.

Pisalema 148:8

Ndzilo ni xihangu; gamboko ni tihunguva, Mimoya ya xidzedze leyi hetisaka ku lerisa ka yena.

Pisalema 77:18

Ku pfuma ka wena ku twakele exihuhurini, Tihati ti voningile misava, Misava yi tsekatseka, yi rhurhumela.

Pisalema 29:3

Rito ra Yehovha ri pfuma ehenhla ka mati, Xikwembu xo kwetsima xi twakarisa ku dzindza; Yehovha u le henhla ka mati lamakulu.

Nhlavutelo 16:21

Kutani xihangu lexikulu lexi nga ni ku tika ka talenta, xi na hi le tilweni, xi wela ehenhla ka vanhu; kambe vanhu va sandza Xikwembu hikwalaho ka khombo ra xihangu, hikuva i khombo lerikulu ngopfu.

Eksoda 20:18

Tiko hinkwaro ri yingisa ku pfuma ni mpfumawulo wa nanga ri vona ku hatima, ni ntshava loko yi ri karhi yi mbuluka musi. Kuteloko tiko ri vone sweswo, ri rhurhumela ngopfu, ri yimela ekule.

Eksoda 19:16

Hi siku ra vunharhu, loko byi xa, ku pfuma ku va kona ni ku hatima, ni papa lera ntima ri va ehenhla ka ntshava, ni ku pfuma lokukulu ka nanga; kutani vanhu hinkwavo lava ngi va ri emixaxeni, va rhurhumela.

Nhlavutelo 16:18

Kutani ku humelela marito, ni ku pfuma, ni ku hatima; kutani ku tsekatseka loku chavisaka ku va kona; ka ha ri mpfhuka vanhu va va kona emisaveni, ku tsekatseka loko tano a ku si va kona.

Genesa 19:24

Kavaloko Yehovha a nisela Sodoma na Gomora xivavula ni ndzilo swi huma etilweni eka Yehovha.

Eksoda 9:18

nimixo, hi nkarhi wolowo, ndzi ta nisa xihangu lexikulu ngopfu, lexi mi nga tshamiki mi xi vona etikweni ra Egipta, ka ha ri mpfhuka ri tumbuluka ku fikela sweswi.

Eksoda 9:24

Xihangu xi va kona, ni ndzilo lowu pfanganeke ni xihangu, kutani a xi ri lexikulu ngopfu, lexi nga sike voniwaka etikweni hinkwaro ra Egipta, ka ha ri mpfhuka tiko ri tumbuluka.

Ntirho 37:13

Yi nga va nhonga leyi xi baka misava ha yona, Kumbe xi nga humesa ha wona ku kateka ka xona.

Pisalema 147:17

U wisa xihangu xa yena lexi tiyeke; I mani la kotaka ku yima emahlweni ka xirhami xa yena?