Eksoda 9:20 - Xitsonga (Bibele)

²⁰ Lava yingiseke ku lerisa ka Yehovha exikarhi ka malandza ya Faro, va tsutsumisa malandza ya vona ni swifuwo swa vona etindlwini.

BIBELE Mahungu Lamanene

²⁰ A ku ri ni van'wana exikarhi ka malandza ya Faro lava tshukisiweke hi rito ra HOSI Xikwembu, kutani va hatlisa va nghenisa mahlonga ya vona ni swifuwo swa vona etindlwini.

Eksoda 9:20 Referans Kwoze

Swivuriso 13:13

La tsan'waka rito wa tilahla, Kambe la chavaka nawu u ta kuma hakelo.

Swivuriso 22:3

Munhu wa vutlhari u vona khombo, kutani a tumbela, Kambe varivali va ya emahlweni va biwa.

Vaheveru 11:7

Hi ku pfumela, Nowa, kuteloko a tivisiwile hi Xikwembu timhaka leti nga siki vonakaka, u chavile, kutani a aka ngalava ku hanyisa va yindlu ya yena; kutani ha yona u avanyisile misava a va a vekiwa mudyandzhaka wa ku lulama loku humaka eku pfumeleni.

Swivuriso 22:23

Hikuva Yehovha u ta va lamulela, Lava va dyeke u ta va tekela vutomi.

Swivuriso 16:16

Ku fuwa vutlhari, ku tlula nsuku, Ni ku fuwa ku twisisa ku tlula silivhere.

Eksoda 9:6

Kutani ku sungula nimixo, Yehovha a endlisa sweswo. Swifuwo hinkwaswo swa Vaegipta swi fa; kambe a ku fanga nchumu emitlhambini ya vana va Israele.

Eksoda 9:21

Kambe lava nga xiyangiki rito ra Yehovha, va tshike malandza ya vona ni swifuwo swa vona enhoveni.

Eksoda 7:23

Faro a tlhela, a ya endlwini ya yena, a nga vekanga mbilu ya yena eka mhaka leyi.