Eksoda 9:19 - Xitsonga (Bibele)

¹⁹ Sweswi, rhuma u vuyisela swifuwo ni swilo hinkwaswo swa wena leswi nga enhoveni. Xihangu xi ta wela vanhu hinkwavo ni swifuwo hinkwaswo leswi nga ta kumiwa enhoveni, leswi nga ka swi nga pfaleriwi etindlwini, kutani swi ta fa.’ ”

BIBELE Mahungu Lamanene

¹⁹ Kutani sweswi, lerisa leswaku swifuwo swa wena ni swilo swa wena hinkwaswo leswi nga enhoveni swi hlayisiwa endhawini leyi sirheleriweke, hikuva hinkwaswo leswi nga ta ka swi nga vuyisiwanga ekaya, hambi vanhu kumbe swifuwo, swi ta weriwa hi xihangu swi fa.’ ”

Eksoda 9:19 Referans Kwoze

Habakuku 3:2

Yehovha, ndzi ti tivile timhaka ta wena, ndzi vuya ndzi chava! Oho Yehovha, ntirho wa wena u wu fikisa exikarhi ka malembe; u wu kombisa exikarhi ka malembe! Eku kariheni u tsundzuka ku tsetselela!

Eksoda 9:6

Kutani ku sungula nimixo, Yehovha a endlisa sweswo. Swifuwo hinkwaswo swa Vaegipta swi fa; kambe a ku fanga nchumu emitlhambini ya vana va Israele.

Eksoda 9:25

Xihangu xi be tiko hinkwaro ra Egipta, ni hinkwaswo leswi nga enhoveni, vanhu ni swifuwo, ni byanyi hinkwabyo bya tiko; ku tshoveka ni mirhi hinkwayo ya tiko.

Pisalema 78:48

Kutani xi nyiketa xihangu tihomu ta vona, Ni ndzilo wa le henhla mitlhambi ya vona.

Ezekiele 33:5

U wu twile mpfumawulo wa mhalamhala, kambe a nga tsundzukanga; ngati ya yena yi ta va ehenhla ka yena, kambe la tsundzukaka u ta ponisa moya wa yena.