Eksoda 8:19 - Xitsonga (Bibele)

¹⁹ Kavaloko tin'anga ti ku eka Faro: “I ritiho ra Xikwembu!” Hambiswiritano, mbilu ya Faro yi nonon'hwa, a nga yingisanga hilaha Yehovha a nga vula hakona.

BIBELE Mahungu Lamanene

¹⁹ Kutani vangoma va ku ka Faro: “Lowu i ntirho wa Xikwembu!” Kambe Faro a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Eksoda 8:19 Referans Kwoze

Luka 11:20

Kambe loko ndzi hlongola mademona hi matimba ya Xikwembu, kunene ku fuma ka Xikwembu ku fikele eka n'wina.

Pisalema 8:3

Loko ndzi hlalela matilo, ntirho wa tintiho ta wena, Ni n'weti, ni tinyeleti leti u ti lunghiseke;

Matewu 12:28

Kambe loko ndzi hlongola mademona hi Moya wa Xikwembu, hakunene ku fuma ka Xikwembu ku tile eka n'wina.

Eksoda 7:5

Kutani Vaegipta va ta tiva leswaku hi mina Yehovha loko ndzi tlakuse voko ra mina ehenhla ka Egipta, ndzi humese vana va Israele exikarhi ka vona.”

Timhaka 4:16

Hikuva i mhaka leyi tiviwaka hi vanhu hinkwavo lava akeke eYerusalema, leswaku mahlori ma endliwile hi vona; swa vonaka swinene, hi nga ka hi nga landzuri.

Yohane 11:47

Kutani vaprista lavakulu ni Vafarisi va hlengeleta huvo, va ku: “Hi ta endla yini leswi munhu loyi a endlaka masingita layo tala?

Daniele 2:19

Kavaloko xihundla lexo xi kombisiwa Daniele exikombisweni xa vusiku, kutani Daniele a khensa Xikwembu xa le henhla.

1 SAMIELE 6:9

Mi ta yi languta; kutani kungakuloko yi tlhandluka endleleni ya ndzilakana wa yona, tlhelo ra Beta-Xemexe, i Yehovha la hi tiseleke khombo lerikulu leri; loko swi nga ri tano, hi ta tiva leswaku voko ra yena a ri hi khumbanga, kambe swi hi humelele ntsena.”

1 SAMIELE 6:3

Va ku: “Kungakuloko mi tlherisa areka ya Xikwembu xa Israele, mi nga tshuki mi yi mukisa ntsena, kambe mi ta yi humesela nhlengo wa nandzu; kutani mi ta horisiwa, kumbe mi ta tiva xana voko ra Xikwembu a ri mi sukelanga ha yini?”

Eksoda 10:7

Kutani malandza ya Faro ma ku eka yena: “Wanuna loyi u ta va ntlhamu eka hina ku fika rini xana? Tshunxa vanhu lavo, va ya tirhela Yehovha, Xikwembu xa vona. A ku swi voni leswaku Egipta wa lova xana?”

Eksoda 7:4

Kambe Faro a nga ka a nga mi yingisi, kutani ndzi ta tlakusa voko ra mina henhla ka Egipta, ndzi humesa etikweni leri mavandla ya mina ri nga tiko ra mina, vana va Israele, hi ku avanyisa lokukulu.

Eksoda 7:13

Kambe mbilu ya Faro yi nonon'hwa, kutani a nga va yingisanga, hilaha Yehovha a nga vula hakona.

Genesa 41:24

Kutani min'oko ya timbakarhi yi kulungela min'oko leya ntlhanu na mimbirhi leyinene. Kutani ndzi byerile vangoma, kambe a ku na munhu la ndzi hlamuselaka.”

Eksoda 9:4

Kambe Yehovha u ta hlawula swifuwo swa Vaisraele exikarhi ka swifuwo swa Vaegipta, ku nga ka ku nga fi nchumu eka swilo hinkwaswo swa vana va Israele.’ ”

Eksoda 9:26

Xihangu a xi nga ri kona etikweni ra Goxeni ntsena, laha i ngi vana va Israele va ri kona.

Eksoda 10:23

Vanhu va tsandzeka ku vonana, kutani a ku vanga na munhu la sukaka evutshan'weni bya yena hi masiku manharhu. Kambe vana va Israele a va tshama eku vonakaleni emitini ya vona.

Eksoda 11:7

Kambe exikarhi ka vana va Israele, a ku nga vi na mbyana leyi nga ta tsekatsekisa ririmi ra yona evanhwini, hambi eka swifuwo, mi ta tiva hakona leswaku Yehovha u hlawurile Israele eka Vaegipta.’ ”