Eksoda 8:10 - Xitsonga (Bibele)

¹⁰ Faro a ku: “Nimixo.” Muxe a ku: “A swi ve tano, u ta tiva hakona leswaku a ku na loyi a fanaka na Yehovha, Xikwembu xa hina.

BIBELE Mahungu Lamanene

¹⁰ Kutani Faro a ku: “Mundzuku!” Muxe a ku: “Swi ta va hilaha u vulaka hakona, u ta tiva leswaku ku hava loyi a fanaka na HOSI Xikwembu xa hina.

Eksoda 8:10 Referans Kwoze

Esaya 46:9

Tsundzukani swilo leswi humeleleke khale; hikuva hi mina Xikwembu, a ku na xin'wana; ndzi Xikwembu, kutani a ku na loyi a fanaka na mina.

Pisalema 86:8

A ku na la ringanaka na wena exikarhi ka swikwembu, wee Yehovha, A ku na mitirho leyi fanaka ni ya wena.

1 TIKRONIKA 17:20

Oho Yehovha! A ku na loyi a fanaka na wena; a ku na Xikwembu xin'wana ehandle ka wena, hilaha hi swi tweke hinkwaswo hi tindleve ta hina.

2 SAMIELE 7:22

Sweswo u nkulukumba, Yehovha Xikwembu! Hikuva a ku na un'we la fanaka na wena, kutani a ku na Xikwembu ehandle ka wena, hilaha hi nga swi twa hinkwaswo hi tindleve ta hina.

Duteronoma 33:26

“Oho Yexuruni! A nga kona la fanaka ni Xikwembu. Lexi ku tiyisaka xi ri etilweni: Evukulwini bya xona, xi tlakusiwe emapapeni.

Eksoda 9:14

Hikuva sweswi ndzi ta rhumela embilwini ya wena makhombo hinkwawo, ni le henhla ka malandza ya wena, ni le tikweni ra wena, u ta tiva leswaku a ku na un'wana la fanaka na mina emisaveni hinkwayo.

Yakobo 4:14

n'wina vanhu lava nga ti tiviki swa mundzuku; hikuva vutomi bya n'wina i yini-ke? I hunguva leyi vonakaka hi nkarhi wu nga ri wungani, kutani yi hangalaka.

Esaya 40:25

“Mi ta ndzi fanisa na mani leswaku ndzi fana na yena xana?” ku vula la hlawulekeke.

Swivuriso 27:1

U nga tidzunisi hi siku ra mundzuku, Hikuva a ku tivi leswi nga ta humelela hi siku rero.

Pisalema 83:18

Va ta tiva leswaku wena loyi vito ra yena a nga Yehovha, U tlakukile ehenhla ka misava hinkwayo.

Pisalema 9:16

Yehovha u tikombisile, u lulamisile timhaka, U phasile mudyohi hi mitirho ya mavoko ya yena.

Duteronoma 32:31

Hikuva Ribye ra vona a ri fani ni Ribye ra hina, Valala va hina va ta avanyisa mhaka leyi,

Duteronoma 4:35

A wu ri mbhoni ya swilo leswi, u ta tiva leswaku Yehovha i Xikwembu, ni leswaku a ku na xin'wana ehandle ka xona.

Eksoda 15:11

“I mani la fanaka na wena, Yehovha, exikarhi ka swikwembu! I mani la kwetsimaka, la tengeke kukotisa wena, La fanelaka ku dzunisiwa hi tinsimu, U endle masingita!

Eksoda 9:29

Muxe a ku eka yena: “Kutakuloko ndzi huma emutini, ndzi ta tlakusa mavoko ya mina eka Yehovha, kutani ku pfuma ku ta miyela, xihangu na xona xi ta hela, u ta tiva leswaku misava i ya Yehovha.

Eksoda 8:9

Muxe a ku eka Faro: “U nga tidzunisa ha mina! Ndzi byele nkarhi lowu ndzi nga ta ku khongelela ha wona, wena ni malandza ya wena, ni tiko ra wena, leswaku mitlambya yi suka eka wena ni le tindlwini ta wena, yi sala enambyeni ntsena.”

Duteronoma 3:24

‘Hosi Yehovha u sungurile ku kombisa nandza wa wela vukulu bya wena, ni matimba ya voko ra wena, hikuva Xikwembu i xihi ematilweni ni le misaveni lexi tivaka ku tirha mitirho ni maendlelo kukotisa ya wena?

Duteronoma 4:39

swi tive namuntlha, u tsala embilwini ya wena leswaku Yehovha i Xikwembu ehenhla etilweni, ni le hansi emisaveni; a ku na xin'wana.

Esaya 40:18

Mi ta fanisa Xikwembu na mani? Mi ta endla xifaniso xihi xa yena?