Eksoda 7:23 - Xitsonga (Bibele)

²³ Faro a tlhela, a ya endlwini ya yena, a nga vekanga mbilu ya yena eka mhaka leyi.

BIBELE Mahungu Lamanene

²³ Kutani Faro a tlhelela entsindza; leswi humeleleke a swi nga n'wi khumbanga nikutsongo.

Eksoda 7:23 Referans Kwoze

Malakiya 2:2

Loko mi nga yingisi, mi nga ku veki embilwini, mi dzunisa vito ra mina, ku vula Yehovha wa mavandla, ndzi ta rhumela ndzhukano ehenhla ka n'wina, ndzi rhuketela mikateko ya n'wina; ina, ndzi ta swi rhukana, hikuva a mi swi veki etimbilwini.

Habakuku 1:5

Vonani ematikweni, mi languta, mi va mi hlamala, mi ku ntsee! Hikuva emasikwini ya n'wina, ndzi ta tirha ntirho! Mi nga ka mi nga wu pfumeri, hambi mi nga wu byeriwa.

Ezekiele 40:4

Kutani wanuna yeloyi a ku eka mina: “N'wana wa munhu, languta hi mahlo ya wena, u yingisela hi tindleve ta wena, u xiya hinkwaswo leswi ndzi nga ta ku byela swona; hikuva loko u tisiwile haleno, hileswaku ndzi ku komba swona, u ta byela yindlu ya Israele hinkwaswo leswi u swi voneke.”

Yeremiya 36:24

Kutani hosi ni malandza ya yena hinkwawo a va tshukanga, a va handzulangi tinguvu ta vona loko va twa marito walawo hinkwawo.

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Esaya 26:11

Yehovha, voko ra wena ri ni matimba, kambe a va ri voni. Va ta vona ku hiseka ka wena loku u hisekelaka tiko ra wena hakona, kutani va ta va ni tingana. Ndzilo wu ta hisa lava nga valala eka wena.

Swivuriso 29:1

Munhu la fanelaka hi ku tshinyiwa, kutani a nonon'hwisa nhamu, U ta tshoveka kan'wekan'we, a ku nga vi na murhi wo n'wi tshungula.

Swivuriso 24:32

Loko ndzi ri mina, ndzi langutisisa, Ndzi anakanya, ndzi kuma dyondzo kona;

Swivuriso 22:17

Rhiya ndleve, u yingisa ku vulavula ka tintlhari; U nyiketa mbilu ya wena evutivini bya mina.

Pisalema 62:10

Mi nga tshuki mi tshemba mahlundzu; Mi nga tikuriseni hi ku vutla; Loko mi andzeriwe hi rifuwo, mi nga vekeni timbilu ta n'wina eka rona.

Ntirho 7:17

Munhu i yini leswaku u n'wi endla lonkulu, Ni leswaku u n'wi tsetselela;

1 SAMIELE 4:20

Kuteloko a ri ekusuhi ni le ku fa, vavasati lava ngi va ri ekusuhi na yena, va ku eka yena: “U nga chavi, hikuva u velekile wanuna.”

Duteronoma 32:46

Hlayisani etimbilwini ta n'wina marito lawa hinkwawo, lawa ndzi endlaka vumbhoni namuntlha ha wona emahlweni ka n'wina; mi ta ma lerisela vana va n'wina, va ta yingisa ni ku endla hi marito hinkwawo ya nawu lowu.

Eksoda 9:21

Kambe lava nga xiyangiki rito ra Yehovha, va tshike malandza ya vona ni swifuwo swa vona enhoveni.

Eksoda 7:22

Kutani tin'anga ta Egipta ti endlisa sweswo hi vutlhari bya tona. Kambe mbilu ya Faro yi nonon'hwa, kutani a nga yingisanga, hilaha Yehovha a nga vula hakona.

Eksoda 7:24

Kutani Vaegipta va cela kusuhi ni nambu, va lava mati ya ku nwa, hikuva va tsandzeka ku nwa mati ya nambu.

Eksoda 9:20

Lava yingiseke ku lerisa ka Yehovha exikarhi ka malandza ya Faro, va tsutsumisa malandza ya vona ni swifuwo swa vona etindlwini.

Swivuriso 28:14

Ku katekile munhu la nga ni ripfalo hi masiku! Kambe la tinonon'hwisaka mbilu u ta wela eku biheni.

Esaya 47:7

U tshama u ku: “Ndzi ta fuma hi masiku!” A ku anakanyanga embilwini ya wena, a ku tsundzukanga leswaku swi ta hela.