Eksoda 7:17 - Xitsonga (Bibele)

¹⁷ Yehovha a ku: ‘U ta tiva hi sweswo leswaku hi mina Yehovha: Ndzi ta ba mati ya nambu hi nhonga ya mina, ma ta hundzuka ngati,

BIBELE Mahungu Lamanene

¹⁷ Hikokwalaho HOSI Xikwembu xi vurisa sweswo xi ri, hi xona xi nga HOSI! U ta swi tiva hi mukhuva lowu: Mina Muxe ndzi ta ba mati ya nambu hi nhonga leyi ndzi nga yi khoma, kutani ma ta hundzuka ngati.

Eksoda 7:17 Referans Kwoze

Eksoda 4:9

Kutani loko va nga pfumeri swikombiso leswimbirhi, va nga yingisi ni rito ra wena, u ta ya u ka mati ya nambu, u ma halatela ehansi, mati lawa u ma keke enambyeni, ma ta hundzuka ngati emisaveni.”

Eksoda 7:5

Kutani Vaegipta va ta tiva leswaku hi mina Yehovha loko ndzi tlakuse voko ra mina ehenhla ka Egipta, ndzi humese vana va Israele exikarhi ka vona.”

Eksoda 5:2

Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”

Ezekiele 39:28

va ta tiva leswaku hi mina Yehovha, Xikwembu xa vona, lexi ingi xi va yisile ematikweni, va ri makhumbi, xi tlhela xi va hlengeleta etikweni ra vona; ndzi nga ka ndzi nga siyi na un'we endzhaku.

Ezekiele 38:23

Kutani ndzi ta titwarisa ni ku tikwetsimisa, ndzi ta titivisa emahlweni ka matiko lamanyingi, ma ta tiva leswaku hi mina Yehovha.

Pisalema 9:16

Yehovha u tikombisile, u lulamisile timhaka, U phasile mudyohi hi mitirho ya mavoko ya yena.

Nhlavutelo 11:6

Va ni matimba yo pfala tilo leswaku mpfula yi nga ha ni hi masiku lawa va profeteke ha wona; kambe va ni matimba ya ku hundzula mati ma va ngati, ni ya ku ba misava hi makhombo walawo, hi mikarhi hinkwayo leyi va rhandzaka ku endlisa sweswo.

Nhlavutelo 8:8

Ntsumi ya vumbirhi yi yimba nanga ya yona, kutani ku vonaka xilo lexo nge i ntshava leyikulu leyi pfurhaka, yi hoxiwa elwandle; kutani ku avanyisa ka vunharhu ka mati ya lwandle ku hundzuka ngati.

Daniele 5:23

Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.

Daniele 5:21

A hlongoriwa exikarhi ka vana va vanhu, mbilu ya yena yi endliwa leyi fanaka ni ya swiharhi, a aka ni maduva, a dya byanyi kukotisa tihomu, ni miri wa yena wu tsakamisiwa hi mberha ya tilo ku fikela nkarhi lowu a tiveke ha wona leswaku Xikwembu lexi nge henhlahenhla, hi xona lexi nga ni ku fuma ehenhla ka vuhosi bya vanhu ni leswaku hi xona lexi vekaka loyi xi rhandzaka ku n'wi veka eka byona.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Daniele 4:32

u ta hlongoriwa exikarhi ha vanhu, kutani u ta aka ni swiharhi swa nhova; u ta hanya u dya byanyi kukotisa tihomu, kutani mikarhi ya ntlhanu na mimbirhi yi ta hundza ehenhla ka wena, u ko u tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.”

Daniele 4:17

Ku avanyisa kuloko ku huma emakungwini ya valanguteri mhaka yoleyi yi lerisiwile hi vahlawuriwa, leswaku lava hanyaka va tiva leswaku La nge henhlahenhla u ni ku fuma ehenhla ka vuhosi bya vanhu, ni leswaku u byi nyika loyi a rhandzaka ku n'wi nyika byona, ni leswaku a nga tlakusela eka byona la hundzisaka hi vutsongo.’

Ezekiele 32:15

loko ndzi ta endla tiko ra Egipta rhumbi, ni mananga, tiko leri pfumalaka hinkwaswo, ni siku ndzi baka hinkwavo lava akeke eka rona, va ta swi tiva leswaku hi mina Yehovha.

Ezekiele 30:19

Ndzi ta endla ku avanyisa ehenhla ka Egipta, va ta swi tiva leswaku hi mina Yehovha.”

Ezekiele 30:8

Vona va ta swi tiva leswaku hi mina Yehovha, siku ndzi tshivelaka ndzilo eEgipta, ni loko vapfuni va rona hinkwavo va ta va va tshoviwile.

Ezekiele 29:9

Tiko ra Egipta ri ta va rhumbi ni ku onhaka; va ta swi tiva leswaku hi mina Yehovha, hikuva u te: ‘Nambu i wa mina, ndzi wu endlile.’

Pisalema 105:29

A hundzula mati ya vona ngati, A herisa tinhlampfi ta vona.

Pisalema 83:18

Va ta tiva leswaku wena loyi vito ra yena a nga Yehovha, U tlakukile ehenhla ka misava hinkwayo.

Pisalema 78:44

Xi hundzula milambu ya vona ngati, Kutani va hluleka ku nwa mati ya yona.

2 TIHOSI 19:19

Sweswi, Yehovha, Xikwembu xa hina, wanga hi ponisa evokweni ra Senakeribi matiko hinkwawo ya misava ma ta tiva leswaku wena Yehovha u Xikwembu, wena ntsena.”

1 TIHOSI 20:28

Munhu wa Xikwembu a tshinelela a byela hosi ya Israele, a ku: “Yehovha u vula sweswo, a ku: ‘Leswi Vasiriya va nga ku: “Yehovha i xikwembu xa tintshava xi nga ri xikwembu xa mikova,” ndzi ta nyiketa vunyingi hinkwabyo lebyi, emavokweni ya wena, mi ta tiva leswaku hi mina Yehovha.’ ”

Eksoda 6:7

Kutani ndzi ta mi teka, mi va tiko ra mina, ndzi va Xikwembu xa n'wina; mi ta tiva leswaku hi mina Yehovha, Xikwembu xa n'wina, loyi a mi rhulaka ku tika ka Vaegipta;

Eksoda 1:22

Kutani Faro a lerisa tiko ra yena hinkwaro, a ku: “Vandzisanyana hinkwavo lava nga ta velekiwa, va cukumeteni enambyeni; kambe vanhwanyana hinkwavo, mi va tshika va hanya.”

Eksoda 7:20

Kutani Muxe na Aroni va endla hilaha Yehovha a va leriseke hakona: Aroni a yimisa nhonga ya yena, a ba mati ya nambu emahlweni ka Faro, ni le mahlweni ka malandza ya yena, kutani mati hinkwawo ya nambu ma hundzuka ngati;

Eksoda 10:2

kutani u ta byela vana va wena, ni vatukulu va wena, timhaka leti ndzi ti endleke eka Vaegipta, ni masingita ya mina lawa ndzi ma endleke exikarhi ka vona, mi ta ndzi tiva leswaku hi mina Yehovha.”

Ezekiele 25:17

Ndzi ta va endla hi ku rihisa lokukulu, ni ku tshinya ka vukari; va ta swi tiva leswaku hi mina Yehovha, siku ndzi vekaka ku rihisa ka mina ehenhla ka vona.”

Ezekiele 32:6

Na swona, ndzi ta tsakamisa tiko ra ku hlamba ka wena hi ngati ya wena, ku fika etintshaveni; ni milambyana yi ta tala ha wena.