Eksoda 7:10 - Xitsonga (Bibele)

¹⁰ Kavaloko Muxe na Aroni va ya eka Faro, va endla hilaha Yehovha a va leriseke hakona. Aroni a hoxa nhonga ya yena emahlweni ka Faro, ni le mahlweni ka malandza ya yena, yi hundzuka nyoka.

BIBELE Mahungu Lamanene

¹⁰ Kutani Muxe na Aroni va ya eka Faro, va endla hilaha HOSI Xikwembu xi va leriseke hakona: Aroni a hoxa nhonga ya yena emahlweni ka Faro ni malandza ya yena, kutani nhonga yi hundzuka nyoka.

Eksoda 7:10 Referans Kwoze

Eksoda 4:3

Kutani Yehovha a ku: “Yi hoxe hansi,” a yi hoxa ehansi, kutani yi hundzuka nyoka, kutani Muxe a yi balekela.

Luka 10:19

Vonani, ndzi mi nyika matimba ya ku kandziya tinyoka ni swipame, ni le henhla ka matimba hinkwawo ya nala; kutani a ku na nchumu lowu nga ta mi endla swo biha.

Marka 16:18

va ta khoma tinyoka; kutani, hambi va nga nwa nchumu lowu dlayaka, wu nga ka wu nga va endli nchumu; va ta veka mavoko ehenhla ka lava vabyaka, kutani va ta hanya.”

Amosi 9:3

Ni loko va nga tifihla enhlohlorhini ya Karmele, ndzi ta va lavisisa kona, ndzi va khoma; ni loko va tifihlela emahlweni ya mina eswidziveni swa lwandle kona ndzi ta lerisa nyoka leswaku yi va luma.

Eksoda 7:9

“Kutakuloko Faro a mi byela, a ku: ‘Endlani masingita,’ u ta ku eka Aroni: ‘Teka nhonga ya wena, u yi hoxa emahlweni ka Faro, yi ta hundzuka nyoka.’ ”

Eksoda 7:15

Yana eka Faro nimixo; u ta huma ku ya etlhelweni ra mati, kutani u ta n'wi yimela eribuwini ra nambu; u tamele nhonga leyi nga hundzuka nyoka,

Pisalema 135:9

U humesile xikarhi ka wena, eEgipta, swikombiso ni masingita, Ku ba Faro ni malandza ya yena hinkwawo.

Eksoda 7:6

Muxe na Aroni va endlisa sweswo. Va endla hinkwaswo hilaha Yehovha a nga va lerisa hakona.

Eksoda 7:20

Kutani Muxe na Aroni va endla hilaha Yehovha a va leriseke hakona: Aroni a yimisa nhonga ya yena, a ba mati ya nambu emahlweni ka Faro, ni le mahlweni ka malandza ya yena, kutani mati hinkwawo ya nambu ma hundzuka ngati;

Eksoda 12:28

Kutani vana va Israele va famba va ya endlisa sweswo; va endla hilaha Yehovha a nga lerisa Muxe na Aroni hakona.