Eksoda 6:3 - Xitsonga (Bibele)

³ Ndzi tikombisile eka Abrahama, ni le ka Isaka, ni le ka Yakobo, ndzi ri Xikwembu xa matimba hinkwawo, kambe vito ra mina ra Yehovha a ri nga tiviwi hi vona.

BIBELE Mahungu Lamanene

³ Loko ndzi tikombile eka Abrahama, ni le ka Isaka, ni le ka Yakobo, a ndzi tivula ‘Xikwembu-xa-matimba-hinkwawo’; kambe a ndzi titivisanga eka vona hi vito ra mina ra ‘HOSI’.

Eksoda 6:3 Referans Kwoze

Pisalema 83:18

Va ta tiva leswaku wena loyi vito ra yena a nga Yehovha, U tlakukile ehenhla ka misava hinkwayo.

Pisalema 68:4

Yimbelelani Xikwembu, dzunisani vito ra xona, Lunghiselani loyi a fambaka exikarhi ka mananga endlela! Yehovha i vito ra yena; tsakani emahlweni ka yena!

Eksoda 3:14

Xikwembu xi ku eka Muxe: “Hi mina Loyi a nga kona.” Kambe xi ku: “U ta vurisa sweswo eka vana va Israele, u ku: ‘Loyi a nga kona u ndzi rhumile eka n'wina.’ ”

Genesa 48:3

Yakobo a ku eka Yosefa: “Xikwembu xa matimba hinkwawo xi tshama xi tikomba eka mina eLuzi, etikweni ra Kanana, xi ndzi katekisa,

Genesa 17:1

Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

Esaya 44:6

“Ku vula sweswo Yehovha, Hosi ya Israele, ni mukutsuri wa yena, Yehovha wa tinyimpi: Hi mina lowo rhanga ni lowa makumu, ehandle ka mina a ku na xikwembu.

Genesa 35:11

Kutani Xikwembu xi ku eka yena: “Hi mina Xikwembu xa matimba hinkwawo: tswalani, ma andza, tiko ni vunyingi bya matiko swi ta huma eka wena, ni tihosi ti ta huma enkaveni wa wena.

Nhlavutelo 1:4

Yohane eka tikereke ta ntlhanu na timbirhi leti nga eAsiya: Tintswalo ni ku rhula a swi ve na n'wina, swi huma eka Loyi a nga kona, Loyi a a ri kona, Loyi a taka, ni ka mimoya ya ntlhanu na mimbirhi leyi nga emahlweni ka xiluvelo xa yena,

Yohane 8:58

Yesu a ku eka vona: “Ndzi vurisile ndzi ri eka n'wina: Loko Abrahama a nga si va kona, mina a ndzi ri kona.”

Esaya 42:8

Hi mina Yehovha, hi rona vito ra mina, ndzi nga ka ndzi nga nyiki un'wana ku vonakala ka mina, ni swifaniso ku vongiwa ka mina.

Genesa 22:14

Kutani Abrahama a thya ndhawu leyi vito ra Yehova-yire (hileswaku Yehovha u ta swi vona); hilaha va nga te ni namuntlha: Swi ta vonaka entshaveni ya Yehovha.

Genesa 13:18

Kavaloko Abrama a andlamuka a ya tshama emikuhlwini ya Mamre, lowu nga Hebroni, kutani kona a akela Yehovha gandzelo.

Genesa 28:3

Xikwembu lexi nga ni matimba, xi ta ku katekisa, xi ku andzisa, xi ku kurisa, u endla vunyingi bya matiko;

Eksoda 15:3

Yehovha i nhenha ya matimba, Vito ra yena i Yehovha.

Eksoda 23:21

Chava emahlweni ka yona, u yingisa rito ra yona, u nga tshuki u ri alela, hikuva yi nga ka yi nga mi khomeli ku biha ka n'wina, hikuva yi ni vito ra mina.

Rhuti 1:20

Kambe a va hlamula, a ku: “Mi nga ndzi vuleni Nahumi, mi ndzi vula Mara, hikuva La nga ni matimba hinkwawo u ndzi dyise mbitsi ngopfu! A ndzi fambile ndzi ri ni ndzalo,

Yeremiya 16:21

“Hikwalaho-ke, langutani sweswi ndzi ta va tivisa voko ra mina ni matimba ya mina, kambe ndza ha ta va tivisa swona; kutani va ta tiva leswaku vito ra mina i Yehovha.”

Yeremiya 33:2

“Ku vula Yehovha la nga ta endla swoleswo, Yehovha la swi lunghisaka leswaku a swi tirha, loyi Yehovha ri nga vito ra yena.

Ezekiele 20:5

“U ku eka vona: Hosi Yehovha u ri: Hi siku leri ndzi nga hlawula Israele ha rona, ndzi yimisa voko ra mina eka vatukulu va yindlu ya Yakobo, ndzi titivisa eka vona etikweni ra Egipta, ndzi yimisa voko ra mina eka vona, ndzi ku: ‘Hi mina Yehovha, Xikwembu xa n'wina.’

Ezekiele 37:6

Ndzi ta mi nyika misiha, ndzi mirisa tinyama ehenhla ka n'wina, ni ku mi funengeta hi nhlonge, kutani ndzi ta nghenisa eka n'wina moya, mi ta hanya, hilaha mi nga ta tiva leswaku hi mina Yehovha.”

Ezekiele 37:13

Mi ta tiva leswaku hi mina Yehovha, loko ndzi ta pfula masirha ya n'wina, ndzi mi humesa eka wona, n'wina, tiko ra mina.