Eksoda 5:9 - Xitsonga (Bibele)

⁹ Ntirho a wu tikele vanhu lava, va wu khoma, va nga tshuki va yingisa marito ya vunwa.”

BIBELE Mahungu Lamanene

⁹ Vanhu lava, a va nyikiwe mintirho yo tika, va tshama va karhi va tirha, va ta ka va nga kumi nkarhi wo yingisela mavunwa.”

Eksoda 5:9 Referans Kwoze

Vaefesa 5:6

Munhu a nga tshuki a mi kanganyisa hi ku vulavula ka swahava, hikuva hikwalaho ka swona leswo, ku kariha ka Xikwembu ku ta ta ehenhla ka vanhu lava nga pfumeriki.

Malakiya 3:14

Hiloko mi ku: ‘A swi pfuni nchumu ku tirhela Xikwembu! Hi fuwe yini, loko hi hlayisa leswi u hi leriseke swona, ni loko hi ri karhi hi famba hi funengele munyama emahlweni ka Yehovha wa mavandla?

Zakariya 1:6

Hambiswiritano, marito ya mina ni ku lerisa ka mina leswi ndzi leriseke vaprofeta, malandza ya mina, xana a swi fikelanga vatata wa n'wina? Va hundzuka, va ku: Hilaha Yehovha wa tinyimpi a tsundzukeke ku hi endla hakona, hikwalaho ka ku famba ka hina ni mitirho ya hina, kunene u hi endlile sweswo.”

Yeremiya 43:2

Azariya n'wana Hoxaya, na Yohanani n'wana Kariyaka, ni vanhu va ku tikukumuxa hinkwavo va byela Yeremiya, va ku: “U vulavula vunwa. Yehovha, Xikwembu xa hina a nga ku rhumanga leswaku u ku eka hina: ‘Mi nga yi eEgipta, mi ya aka kona.’

Ntirho 16:3

Marito ya swahava ma herile xana? Kumbe leswi ku hlamurisaka ngopfu, i yini-ke?

2 TIHOSI 18:20

U vurile marito ya hava. Makungu ni matimba swi fanele ku va kona loko va huma nyimpi. Sweswi u tshemba mani ku ndzi pfukela-ke?

Eksoda 5:8

Hambiswiritano, mi va lerisa switina leswi va nga swi endla khale, mi nga hunguti nchumu, hikuva va loloha; hikwalaho va huwelelaka, va ku: ‘A hi yeni, hi ya gandzela Xikwembu xa hina.’

Eksoda 5:10

Kutani valanguteri va tiko ni vafambisi va rona va byela tiko, va ku: “Faro u te: ‘A ndzi nga ha mi nyiki byanyi;