Eksoda 5:6 - Xitsonga (Bibele)

⁶ Hi siku lero Faro a lerisa valanguteri va tiko ni vafambisi va rona, a ku:

BIBELE Mahungu Lamanene

⁶ Kutani hi siku rero, Faro a lerisa Vaegipta lava fambisaka mintirho, ni Vaisraele lava nga tindhuna emintirhweni ya kona, a ku:

Eksoda 5:6 Referans Kwoze

Eksoda 5:19

Vafambisi va vana va Israele va vona leswaku va le ku xanisekeni, loko ku vuriwa va ku: “Mi nga hunguti switina swa n'wina swa siku rin'wana ni rin'wana.”

Eksoda 5:10

Kutani valanguteri va tiko ni vafambisi va rona va byela tiko, va ku: “Faro u te: ‘A ndzi nga ha mi nyiki byanyi;

2 TIKRONIKA 26:11

Uziya a a ri ni nyimpi leyi tshamaka yi huma eku lweni; a va huma hi mitlawa leyi hlayiweke, hilaha va tsariweke hakona hi Yeyiele, mutsari, na Maaseya, mulanguteri; yi fambisiwa hi Hananiya, yin'wana ya tindhuna ta hosi.

Yoxuwa 24:4

Ndzi nyikile Yakobo na Esawu eka Isaka, eka Esawu ndzi n'wi nyikile ntshava ya Seyira, yi va ya yena; kutani Yakobo ni vana va yena va xikele eEgipta.

Yoxuwa 8:33

Kutani Vaisraele hinkwavo ni vakulukumba va vona, ni tindhuna ta vona, ni vaavanyisi va vona, va yima ematlhelweni mambirhi ya areka, va langutene ni vaprista ni Valevhi lava rhwalaka areka ya ntwanano wa Yehovha; valuveri va ri swin'we ni vanhu va tiko va ri hafu etlhelweni ra ntshava ya Gerizimi, ni hafu etlhelweni ra ntshava ya Ebali, hilaha Muxe, nandza wa Yehovha, a leriseke hakona ku katekisa tiko ra Israele eku sunguleni.

Duteronoma 16:18

“U ta veka vaavanyisi ni vatsari emitini hinkwayo leyi Yehovha, Xikwembu xa wena, a nga ta ku nyika yona, hi tinxaka ta wena; va ta avanyisa tiko hi ku avanyisa loko lulama.

Duteronoma 1:15

Kavaloko ndzi teka vakulukumba va tinxaka ta n'wina, vavanuna va ku twisisa, ni lava tiviwaka, ndzi va veka ehenhla ka n'wina, ti ri tindhuna ta khume ra madzana, ni tindhuna ta madzana, ni tindhuna ta ntlhanu wa makume, ni tindhuna ta khume va ri valanguteri etinxakeni ta n'wina.

Tinhlayo 11:16

Kutani Yehovha a ku eka Muxe: “Ndzi hlengeletele vavanuna va 70, vakulukumba va Israele, lava u va tivaka leswaku vakulu va tiko, ni vanhu lava vulavulaka timhaka; u va tisa etabernakeleni ya nhlengeletano va ta yima kona na wena.

Eksoda 3:7

Kutani Yehovha a ku: “Ndzi vonisisile ku xaniseka ka tiko ra mina eEgipta, ndzi yingisile ku rila ka vona hikwalaho ka lava va va xanisaka; hikuva ndzi tiva nhlomulo wa vona;

Eksoda 1:11

Kutani ku vekiwa valanguteri ehenhla ka vona va ta va karhata hi mitirho yo vavisa. Hi mukhuva wolowo va akela Faro miti ya switlati ya Pitomu na Ramsese.

Swivuriso 12:10

Munhu wo lulama u tsetselela vutomi bya xifuwo xa yena, Kambe ku tsetselela ka lavo biha ka vavisa.

Yoxuwa 24:1

Yoxuwa a hlengeleta tinyimba hinkwato ta Israele eXikeme, kutani a vitana vakulukumba va Vaisraele, ni tindhuna ta vona, ni vaavanyisi va vona, ni tindhuna ta nyimpi; va ta yima emahlweni ka Xikwembu.

Eksoda 5:7

“Mi nga tshuki mi nyika tiko byanyi ku endla switina, tani hi leswi nga endliwa ku fika namuntlha; a va tilavele byanyi bya vona.