Eksoda 5:4 - Xitsonga (Bibele)

⁴ Kutani hosi ya Egipta yi ku eka vona: “N'wina, Muxe na Aroni, mi tshimbisela yini tiko ku tirha ntirho wa rona? Tlhelelani emitirhweni ya n'wina.”

BIBELE Mahungu Lamanene

⁴ Kambe hosi ya Egipta yi ku: “Wena Muxe, na wena Aroni, hikwalaho ka yini mi tshikisa vanhu mintirho ya vona? Tlhelelani emintirhweni ya n'wina!”

Eksoda 5:4 Referans Kwoze

Eksoda 1:11

Kutani ku vekiwa valanguteri ehenhla ka vona va ta va karhata hi mitirho yo vavisa. Hi mukhuva wolowo va akela Faro miti ya switlati ya Pitomu na Ramsese.

Timhaka 24:5

Hi kumile munhu loyi, a nga ntungu, u pfuxe madzolonga exikarhi ka Vayuda hinkwavo, lava akeke emisaveni hinkwayo; i nhloko ya dyondzo leyi hambukeke ya Vanazarene.

Luka 23:2

va sungula ku n'wi hehla, va ku: “Hi kumile munhu loyi a hlohlotela tiko, a tshimbisa vanhu ku humesela Khezari ndzuvo; naswona u tivula Kriste, hosi.”

Amosi 7:10

Kutani Amasiya, muprista wa Betele, a rhuma eka Yerobuwamu, hosi ya Israele, a ku: “Amosi u ku hundzukele exikarhi ka yindlu ya Israele; tiko ri nga ka ri nga koti ku yingisela marito ya yena hinkwawo.

Yeremiya 38:4

Kutani vakulukumba va ku eka hosi: “Munhu loyi a a dlayiwe, hikuva u lolohisa mavoko yi tinhenha leti seleke emutini lowo, ni mavoko ya tiko hinkwaro, hi ku va byela timhaka toleto; hikuva munhu loyi a nga laveri tiko leri ku lulama, kambe khombo.”

Eksoda 2:11

Emikarhini yoleyo, kuteloko Muxe a kurile, a endza eka varikwavo, a ta vona ntirho wo tika wa vona; kutani a vona wanuna wa Muegipta a ba wanuna wa rikwavo, wa Muheveru.

Eksoda 6:5

Ndzi yingisile ku huwelela ka vana va Israele, hilaha Vaegipta va va endleke makhumbi hakona; kutani ndzi tsundzukile ntwanano wa mina.