Eksoda 4:24 - Xitsonga (Bibele)

²⁴ Kute endleleni loko va ri endlwini ya vaendzi, Yehovha a hlangana na Muxe, a lava ku n'wi dlaya.

BIBELE Mahungu Lamanene

²⁴ Loko va ri endleleni, HOSI Xikwembu xi tela Muxe laha va nga fika va gova kona, xi ringeta ku n'wi dlaya.

Eksoda 4:24 Referans Kwoze

Genesa 17:14

Kutani rikhuna, wanuna la nga yimbisiwangiki enyameni ya yena, munhu loyi, u ta susiwa exikarhi ka tiko ra yena, hikuva a tlule ntwanano wa mina.”

Hosiya 13:8

Ndzi ta tiwisela ehenhla ka vona ku fana ni bere leyi lahlekeriweke hi vana va yona, ndzi handzula swifuva swa vona, ndzi va dyela kona ku fana ni nghala ya ntswele; swivandzana swa nhova swi ta va handzula.

Levhitika 10:3

Muxe a ku eka Aroni: “Hi lexi Yehovha a xi leriseke, loko a ku: ‘Ndzi ta kwetsimisiwa hi lava ndzi tirhelaka, ndzi dzunisiwa emahlweni ka tiko hinkwaro.’ ” Kambe Aroni a miyela.

Eksoda 3:18

“Va ta yingisa rito ra wena; kutani u ta famba ni vakulukumba va Israele eka hosi ya Egipta, mi ku eka yona: ‘Yehovha, Xikwembu xa Vaheveru, u humelele eka hina; sweswi wanga hi pfumelela ku famba riendzo ra masiku manharhu emananga, hi ta gandzela Yehovha, Xikwembu xa hina hi magandzelo.’

1 TIKRONIKA 21:16

Davhida, kuteloko a tlakusile mahlo ya yena, a vona ntsumi ya Yehovha leyi yimaka exikarhi ka misava ni tilo, yi ri ni banga leri hlomuriweke evokweni ra yona, yi komba Yerusalema ha rona. Kavaloko Davhida ni vakulukumba va wela ehansi emimombyeni ya vona, va ambele tinguvu to khwaxa.

1 TIHOSI 13:24

Kavaloko munhu wa Xikwembu a suka a famba; kutani nghala yi hlangana na yena endleleni, yi n'wi dlaya. Ntsumbu wa yena wu etlela endleleni, mbhongolo yi ri kusuhi na wona, na yona nghala yi yimile ekusuhi ni ntsumbu.

Genesa 42:27

Un'wana wa vona, kuteloko a tshunxe nkwama wa yena a ku a nusela mbhongolo ya yena ebyetlelweni, a vona mali ya yena yi ri enon'wini wa nkwama.