Eksoda 4:21 - Xitsonga (Bibele)

²¹ Kambe Yehovha a ku eka Muxe: “Eku tlheleleni ka wena eEgipta, vona masingita hinkwawo lawa ndzi vekeke wona emavokweni ya wena u ta ma endla emahlweni ka Faro; kambe mina ndzi ta nonon'hwisa mbilu ya yena leswaku a nga pfumeleli tiko ku famba.

BIBELE Mahungu Lamanene

²¹ Kutani HOSI Xikwembu xi ku ka Muxe: “Loko u tlhelerile etikweni ra Egipta, vona leswaku u endla, emahlweni ka Faro, swihlamariso hinkwaswo leswi ndzi ku nyikeke matimba ya ku swi endla; kambe ndzi ta nonon'hwisa mbilu ya yena, leswaku a nga pfumeleli Vaisraele ku famba.

Eksoda 4:21 Referans Kwoze

Varhoma 9:18

Loko swi ri tano xi tsetselela loyi xi rhandzaka ku n'wi tsetselela; kambe xi nonon'hwisa loyi xi rhandzaka ku n'wi nonon'hwisa.

Esaya 63:17

Hikwalaho ka yini, o Yehovha, u hi tsendzelekisaka ekule ni tindlela ta wena, kutani u nonon'hwisa timbilu ta hina leswaku ti nga ha ku chavi? Tlhela, hikwalaho ka rirhandzu ra wena eka malandza ya wena, ni ka tinxaka ta ndzhaka ya wena!

Yoxuwa 11:20

Hikuva a swi huma ka Yehovha leswi va nonon'hwiseke timbilu ta vona ku lwa na Israele, leswaku a va yirisa va nga kumi tintswalo, kambe a va heta hilaha Yehovha a leriseke Muxe hakona.

Yohane 12:40

“U phumerisile mahlo ya vona, u nonon'hwisile timbilu ta vona, leswaku va nga tshuki va vona hi mahlo, va nga tshuki va twisisa hi timbilu va nga tshuki va hundzuka, kutani ndzi nga tshuki ndzi va hanyisa.”

Eksoda 14:8

Kambe Yehovha a nonon'hwisa mbilu ya Faro, hosi ya Egipta, leswaku a landza vana va Israele, hikuva vana va Israele a va humile hi voko ra matimba.

Eksoda 9:35

Mbilu ya Faro yi nonon'hwa, a ala ku tshunxa vana va Israele, hilaha Yehovha a nga vula hi nomu wa Muxe.

Eksoda 9:12

Kambe Yehovha a nonon'hwisa mbilu ya Faro, a nga yingisanga Muxe na Aroni, hilaha Yehovha a nga byela Muxe hakona.

Eksoda 7:13

Kambe mbilu ya Faro yi nonon'hwa, kutani a nga va yingisanga, hilaha Yehovha a nga vula hakona.

Eksoda 3:20

Kambe ndzi ta tlakusa voko ra mina, ndzi ba Egipta hi masingita hinkwawo lawa ndzi nga ta ma endla kona. Endzhaku ka swona, yi ta mi pfumelela ku famba.

Eksoda 10:20

Kambe Yehovha a nonon'hwisa mbilu ya Faro, kutani Faro a nga tshunxanga vana va Israele.

Eksoda 7:3

Kambe mina ndzi ta nonon'hwisa mbilu ya Faro, ndzi va ndzi andzisa swikombiso ni masingita ya mina etikweni ra Egipta.

Esaya 6:10

Nonon'hwisa timbilu ta tiko leri, u siva tindleve ta rona u dlaya mahlo ya rona, leswaku ri nga voni hi mahlo, ri nga twi hi tindleve, kutani ri nga hundzuki, leswaku ri nga horisiwi.”

Eksoda 14:4

Ndzi ta nonon'hwisa mbilu ya Faro, u ta va landza; kambe ndzi ta tidzunisa ha Faro ni nyimpi ya yena hinkwayo; Vaegipta va ta tiva leswaku hi mina Yehovha.” Kutani va endlisa sweswo.

1 Petro 2:8

va nga lava khunguvanyekaka hi Rito, va tiarisa, kutani hi swona leswi va swi averiweke.

2 Vakorinto 2:16

eka van'wana, hi ku nun'hwela ka rifu, loku dlayaka; eka van'wana hi ku nun'hwela ka vutomi, loku hanyisaka. Kambe i mani la nga lulamelaka leswo tano?

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Pisalema 105:25

A hundzuluxa timbilu ta vona, leswaku va ta venga tiko ra yena, Va dlumama ku lovisa malandza ya yena.

1 TIHOSI 22:22

Wu ku: ‘Ndzi ta huma ndzi va moya wa vunwa emilon'wini ya vaprofeta va yena hinkwavo.’ Yehovha a ku: ‘U ta n'wi kanganyisa, u n'wi hlula: Huma, u ya endlisa sweswo.’

Duteronoma 2:36

Ku suka eArowere, la nga kusuhi ni nkova wa Arinoni, ni muti lowu nga exikarhi ka nkova, ku ya fika eGiliyadi, a ku vanga na muti lowu hi hluleke hi ku tiya; Yehovha, Xikwembu xa hina xi nehile hinkwaswo emahlweni ka hina.

Genesa 6:3

Kambe Yehovha a ku: “Moya wanga a wu nga ha tshami hi masiku emunhwini, hikuva munhu i nyama, kutani masiku ya yena ma ta va dzana ra malembe ni makume mambirhi.”

Eksoda 8:32

Kambe Faro a engeta a ti nonon'hwisa mbilu, a ala ku tshunxa tiko.

Eksoda 10:1

Yehovha a ku eka Muxe: “Yana eka Faro, hikuva ndzi nonon'hwisile mbilu ya yena ni timbilu ta malandza ya yena, ndzi ta endla exikarhi ka vona swikombiso leswi u nga ta swi vona;

Eksoda 10:27

Kambe Yehovha a nonon'hwisa mbilu ya Faro, a ala ku va tshunxa.

Eksoda 11:9

Yehovha a engeta a ku eka Muxe: “Faro a nga ka a nga mi yingisi, leswaku masingita ya mina ma andzisiwa etikweni ra Egipta.”

Eksoda 11:10

Muxe na Aroni va endlile masingita hinkwawo emahlweni ka Faro. Kambe Yehovha a nonon'hwisile mbilu ya Faro, kutani a nga tshunxanga vana va Israele, leswaku va huma etikweni ra yena.

Pisalema 78:43

Siku xi endleke mahlori etikweni ra Egipta, Ni swihlamariso emabanyini ya Sowani.

Eksoda 3:19

Kambe ndza swi tiva leswaku hosi ya Egipta yi nga ka yi nga mi pfumeleri ku famba, hambi mi nga endla hi matimba.

Eksoda 8:11

Mitlambya yi ta suka eka wena, ni le ka malandza ya wena, ni le ka tiko ra wena, yi sala enambyeni ntsena.”

Eksoda 8:15

Kambe Faro loko a vona leswaku u pfuniwile, a ti nonon'hwisa mbilu, a nga va yingisanga, hilaha Yehovha a nga vula hakona.

Eksoda 14:17

Kambe mina ndzi ta nonon'hwisa timbilu ta Vaegipta, va ta mi landzela; kutani ndzi ta tidzunisa ha Faro ni nyimpi ya yena hinkwayo, ni makalichi ya yena, ni 12 va khandziyaka tihanci.